‏"وجودي على مرجاع ذاك الزمان الزين
‏و أنا داري إنّه ما أنتحى ماهو براجع "

‏"ليت من له جناحينك.. وقلبٍ ربيب
‏و أذخره كل ما الذكرى عوى ذيبها
‏واهنيّك يا حمامة كل غصنٍ رطيب
‏مدهلك وإن طرَت الأشواق طرتي بها"

ماتنسيني لياليك طيّات الزمان
‏وأنت في يوم من الأيام سيّد مرحله.

"أجيك أسابق ظلالي بصدقي ماعرفت الزور
‏أجي أشكي لك الدنيا وأنا قلبي على الفطرة".

عذروبي إن قلبي على طاري المحبه قلب طير
وعذروبك أنك سمح وجه وقلبك اقسى من حجر

من باب صون العهد والعشره وتأنيب الضمير
سلام تسليم المواجع والموادع والهجر

ما دامني أذنبت في عرفك ولا عيّنت خير
حبيت أسلم على الاقل أكسب ورى عرفك أجر

‏"عيش يومك لا بدا صبحه وغنا طيره
‏وجدد أحلامك وغلفها بصبر ودعوه!
‏ٰㅤ
‏وظن في حاضرك دايم كل خير وخيره
‏للتفاؤل طعم حتى .. لو تخيب الهقوه"

‏"ليا مر من فرقا المواليف عشر أيام
‏تجي ضيقةٍ ما جت فـ التسعه الاولى."

"إن ما جبَرك الغلا.. ما أقدر على جَبرك
‏ ياللي على أرض الوفا ما شَبرك بشبري."

‏"وساعة تبسّمتي وشفت الجمر والثّلج أصدقا / قلت أشهد إن الموت حق وصحت لك صيحة غريق".

‏"حبيبي طارت أحلام الصبا ذاك النهار أسراب
‏شعور المنجرح يصعب على الجرّاح تحديده."

‏أنت سنيني المعشبة من بدة سنيني القفار / وأنت الأماني والمعاني والأغاني .. والمزيد

"جتني سواة البشاير و أقبلت بأندفاع
و راحت مراح الجمايل يوم راحت سدى.."

"من جروحه ما أستصيب وكنّ ما للجرح جارح
والعشر ترجع ثمان وسبّة الرجعه ثمانه

ضحكته تسرق عيون وقلب وأحساس وجوارح
الله لا يقطع يد السارق ولا يقطع لسانه."

‏"أنا عبرت دروب الأيّام وحدي
‏من أول البسمه إلى آخر الجرح."

أحفظ لي رقة قلبي وحسن ظني
ولا تبدل طمأنينتي خوفًا من الجانب الذي أؤمن به يارب.

‏لو قدرت .. أقنع النسيان بـ أعذاري
‏كيف بقنع وفاي اللي على الفطره ؟