‏فكرك على الدنيا مهو مثل فكري
‏يا والله إنْ قلبك من الود محجوب

‏لا تحْسب إنه ضعْف ويحطّ قدري
‏يومي غديت وصرت بالحب مسلوب

‏بتقول ما تدري عن الحب؟ أدري
‏قلبٍ ليا والَف؛ ولَف كل عذروب

‏والنجمة اللي شعّت بوسْط صدري
‏أخاف لا تطفي ويرتاع محبوب.

‏"طحتي من عيوني قصايد عظيّمة
‏حتى مطيحك كان فارق ومغرور."

‏أنا المجني عليه اللي يقدّر طعنة الجاني
‏لأن جرحه يذكرني بطاريّه لا حسّيته

‏"هو فيه غيرك رضيّ وفيه غيرك زعول؟
‏أو فيه غيري يضم دواه وإصابته."

‏"أحب الرحمة وأحب من يتحلَّى بها، وأنا على يقينٍ تامٍّ بأن الله يَرعى قلب من يُراعي قلوب خلقِه".

حنيّنه رده لماضيه قبل البيَّن والخذلان
و عقله ينقض أفكاره بـ يمكن تنفرج بكره

حنينٍ يقتل اللحظه و ملح شيّب الأجفان
و قلبٍ لو تصب الكره وسطه ماقدر يكره .

وكل ما تخذل أحساسي أغمّض وأكتشف منك
بأنّ الكون وَاسع.. وَاسع لي ‏وأنا اللي ساجن أحلامي

‏"فمان الله .. ياحلمٍ توفى ما لقى تحقيق
ترعرع في عيوني وإندفن فالقلب جثمانه".

‏"اللي بيني و بينك جرح ما لمّه ضماد
‏و غربة مشاعر و أنكسار و حسافه ."

خطاك السوء وأغراك الغياب ولا لقيتك دار
‏بعد ما قفى وهجك وسال نجم وضاعت ركابك

‏يجوز الدرب في ريف أنتظارك ما عليه غبار
‏وأكيد إنّي غريب إن ضيعتني وارف أهدابك

‏لمحت الماء صباحٍ فيه وجهك ما غشاه ستار
‏سرابٍ جاب وجهك كم لي أترجاه ما جابك
­­­­­­

أنا أكتشفت إني عديم إحساس وبليا ضمير
‏ولا ماكان أرضى بهجرانك ووصلك في يدي.

‏"وجودي على مرجاع ذاك الزمان الزين
‏و أنا داري إنّه ما أنتحى ماهو براجع "

‏"ليت من له جناحينك.. وقلبٍ ربيب
‏و أذخره كل ما الذكرى عوى ذيبها
‏واهنيّك يا حمامة كل غصنٍ رطيب
‏مدهلك وإن طرَت الأشواق طرتي بها"

ماتنسيني لياليك طيّات الزمان
‏وأنت في يوم من الأيام سيّد مرحله.

"أجيك أسابق ظلالي بصدقي ماعرفت الزور
‏أجي أشكي لك الدنيا وأنا قلبي على الفطرة".

عذروبي إن قلبي على طاري المحبه قلب طير
وعذروبك أنك سمح وجه وقلبك اقسى من حجر

من باب صون العهد والعشره وتأنيب الضمير
سلام تسليم المواجع والموادع والهجر

ما دامني أذنبت في عرفك ولا عيّنت خير
حبيت أسلم على الاقل أكسب ورى عرفك أجر

‏"عيش يومك لا بدا صبحه وغنا طيره
‏وجدد أحلامك وغلفها بصبر ودعوه!
‏ٰㅤ
‏وظن في حاضرك دايم كل خير وخيره
‏للتفاؤل طعم حتى .. لو تخيب الهقوه"