والحبيب اللي كلام عيونه أكثر من كلامه
‏ودي أمسك كل لحظه في وصاله وأتجوّد

‏قال وشلونك ؟ وقلت بخير يامال السلامه
‏قال أكيد ؟ وقلت أكيد إني من الصعب أتعود

‏في غيابك جالس أدور على نص أبتسامه
‏قال خايف ؟ قلت أخاف إنك تروح وما تعود

"‏لو إنك دمع في عيني يجوز أرتاح يوم أبكيك
‏لكنك جرح في قلبي .. بكت من سبّته عيني"

وتراني أقدر أجابه معظم الغلطات من شان الرفيق
أهمّ حاجه لا يكذّبني .. ولا يكذب عليّ

‏فكرك على الدنيا مهو مثل فكري
‏يا والله إنْ قلبك من الود محجوب

‏لا تحْسب إنه ضعْف ويحطّ قدري
‏يومي غديت وصرت بالحب مسلوب

‏بتقول ما تدري عن الحب؟ أدري
‏قلبٍ ليا والَف؛ ولَف كل عذروب

‏والنجمة اللي شعّت بوسْط صدري
‏أخاف لا تطفي ويرتاع محبوب.

‏"طحتي من عيوني قصايد عظيّمة
‏حتى مطيحك كان فارق ومغرور."

‏أنا المجني عليه اللي يقدّر طعنة الجاني
‏لأن جرحه يذكرني بطاريّه لا حسّيته

‏"هو فيه غيرك رضيّ وفيه غيرك زعول؟
‏أو فيه غيري يضم دواه وإصابته."

‏"أحب الرحمة وأحب من يتحلَّى بها، وأنا على يقينٍ تامٍّ بأن الله يَرعى قلب من يُراعي قلوب خلقِه".

حنيّنه رده لماضيه قبل البيَّن والخذلان
و عقله ينقض أفكاره بـ يمكن تنفرج بكره

حنينٍ يقتل اللحظه و ملح شيّب الأجفان
و قلبٍ لو تصب الكره وسطه ماقدر يكره .

وكل ما تخذل أحساسي أغمّض وأكتشف منك
بأنّ الكون وَاسع.. وَاسع لي ‏وأنا اللي ساجن أحلامي

‏"فمان الله .. ياحلمٍ توفى ما لقى تحقيق
ترعرع في عيوني وإندفن فالقلب جثمانه".

‏"اللي بيني و بينك جرح ما لمّه ضماد
‏و غربة مشاعر و أنكسار و حسافه ."

خطاك السوء وأغراك الغياب ولا لقيتك دار
‏بعد ما قفى وهجك وسال نجم وضاعت ركابك

‏يجوز الدرب في ريف أنتظارك ما عليه غبار
‏وأكيد إنّي غريب إن ضيعتني وارف أهدابك

‏لمحت الماء صباحٍ فيه وجهك ما غشاه ستار
‏سرابٍ جاب وجهك كم لي أترجاه ما جابك
­­­­­­

أنا أكتشفت إني عديم إحساس وبليا ضمير
‏ولا ماكان أرضى بهجرانك ووصلك في يدي.

‏"وجودي على مرجاع ذاك الزمان الزين
‏و أنا داري إنّه ما أنتحى ماهو براجع "

‏"ليت من له جناحينك.. وقلبٍ ربيب
‏و أذخره كل ما الذكرى عوى ذيبها
‏واهنيّك يا حمامة كل غصنٍ رطيب
‏مدهلك وإن طرَت الأشواق طرتي بها"

ماتنسيني لياليك طيّات الزمان
‏وأنت في يوم من الأيام سيّد مرحله.