‏"تهب من البطا ذكرى قديمة وأحتريها نَفْح
وأشوفك من دريشة حِزن الأمس غبار ماياوي."

‏يا حبيبي يوم فلَّ الليل لوعة ساهرينه
‏الصبْح ما كان أخفّ، ألَّا جعلَها سرمديّة

‏كل ما بانت خيوط الشمس من شرق المدينة
‏ما ذكرت ألّا سنَاك .. وما فقدت ألّا مجيِّه

‏معاك .. حتى الصدف تحتلّ ذاكرتي
‏ومع غيرك سنين لو مرتني أنساها.

‏"لعيونك الله خلق خفّاق محسوبك
‏يا طيب حظٍ تثنّى بك على بابي."

عفيف ومخلصٍ له بالغلا مانيب له بوار
ولا قد بحت لحدٍ سره و بينت خافيه

حفظته من صواديف الدهر ومجابهة الأقدار
وأخذت بيده من برد الحّنين إن مالت الفيّه

عساني ماخلا ولا عدم طاريه مهما صـار
لو إنه يحدنا وقتٍ تخالفنا مشاهيه.

‏"يارب غصنٍ بصدري لو لمسته وقع
‏أرسل لي من الغمايم ما يبلّه وأعيش."

‏"تبسّم لي فداك اللي مضى واللي بقى يفداك
ترى لولا غلاك وضحكتك مابعت خلّاني."

‏غاب القُمر عن مسايير السما بدري
‏في ليلةٍ كانت الشرهه على أشواقي.

‏أبيك تعذرني ليا من تردّدت
‏فالحبّ حتى المستميت يتردّد *

‏"الهواء اللي مايجيبه .. مايجيني/ ماتنفَّس غير من وجهة دياره"

‏"يهوّنها عليّ إني عرفْت الحزن قبل اعرفك
‏ومـ أنت إلا امتداد لماضي أيامي وضيقتها"

شمس المحبّه للغياب أستعدت
ولا عاد لي في ظل رجواك مقيّال.

"لا تنتظر مني سلام ولا كلام ولا وداع
لي قيمتي وليا دعتني شيمتي طاوعتها

أهم شيء ما ينحني لي راسٍ يحب الأرتفاع
ولا ترتخي نفسٍ على درب العلا طبّعتها."

"قديم الحلم لا أعتق خيال ولا ترك لي بال
‏أنا للحين محبوس فـ رجّاه وفي تفاصيله."

ما طرالي عقب غيبه وياس وحر جوف
يجمع الله الشتيتين فيما بينها..

‏أنا من الغيم و النجم و شموخ النخيل
‏إن جيت لك ميّل العالم على آخر طرف
‏
لو شفت دمعي على وجه الليالي يسيل
‏غض البصر لو بقى بك قلب عاش بشرف
‏
ولو يوم مرّيت بـ أسمي مرّ عابر سبيل
‏و أترك لي الأمس و الذكرى بعيش بشغف
‏
أحبّ هذا الحزن لو هو بصدري ثقيل
‏و أحسني غير عن كل النساء وأختلف .

‏"مري مع الشمس خليني على ما يرام
أو غيمةٍ سيلت وجهك وقمت أغرفه."

"أنا لحقني من عنا شوقي إرهاق
يا من يوردني على صاحب ٍلي."

أي والله آودك و أحبك حيل يا عذب المذاق
يكفيني إني لا ذكرتك كل ضيقٍ أفهقه*