‏"على النسيان ما مرّ الطريق ولا كساك إنصاف
‏مثل ما أواجه أقدار العمر ذكراك أواجهّها."

‏فدا .. وشرهاته على مغليه من باب العتاب
‏وش قيمة الغالي إذا ما أخطا وقلنا له فدا ؟

‏جيت تحت أهداب عينك يا حبيبي اتفيّا
‏عن شموس وعن ليالٍ بردها يوجع مهبّه

‏ما يهم.. إن جارت ظروفي ولو عرّت يديّا
‏أنت من ترعاه عينك؟ أشهد إن الله حبّه.

‏خذاه الزمان الشّين واقفى وأنا قفيت
‏وكل السبل لمواصل الزين مقطُوعة..

وش يصبرني على ليل الشتاء المتمادي
يوم هوّد وأنت في ديره وأنا في ديره.

"دخيلك لا تساومني على الفرقا وأنا مرتاب
أعيش العمر فاقد ضحكةٍ ماني بناسيها."

‏وما أستسلمتُ من يأسٍ ولكن
‏ يحنّ لراحةٍ من خاضَ حربا.

‏تِمر الناس مثل اللي يمرون النظر .. بس أنت
‏تمر و تاخذ دموع أوّل العمر و خواتيمه*

‏"أجاهد هوى نفسي وكل الحياة أجْهاد
‏كثر ماتبي نفسي كثر ماني أمنعها."

لا تسألين في غيبتك ويش لوني؟
‏ أسمـر حنيني في هجير المشاريه
‏يكفي ظلام الحلم يملى عيوني
‏ أحلى الكلام اللي حبست وقريتيه *

‏"أذكريني لا أنتهت للشمس رحلة مع نهار
‏وأذكريني لا صحى للصبح ورد الياسمين."

‏"والوداع اللي بلا رجعه عليّ أمّر وأدهى
‏والله أنه غرغرت سمْ وسكاكينٍ سنينه."

‏"ليلة وداعك .. على كثر الحروف الأبجديّه
‏ ما لقى من ودعك حرفين ينطقها لسانه."

‏ما أنت في دُنياي إلا قصّةٌ
تنسابُ في صمتٍ.. إلى النسيانِ

‏"مابيك تبكيني بعد شلعة الروح
‏أبيك تضحك لي محبه وأنا حي."

"محله من ورى حدب الضلوع ولا معه شرواه
‏متى ماحلّ في وسط الفؤاد مشرفٍ داره."

‏جيت مُنهك والدروب اللي خذتني مظلمة والنور وجهك*

‏"والله أنك لو على صدري الأقصى تويق
‏ما لقيت إلّا قبول .. وبياضٍ له سنا"

فمان الله ياروح الغرام اللي نويت أنساه
فمان الله يابسمة شقايّ وجرحي الدامي

فمان الله يالعذب القراح اللي جذبني ماه
اللي جيته ضامي وقفيت من جاله وأنا ضامي .

‏"ماضيٍ كنّه مصابيحٍ تشع بلا فتيلة
‏وحاضرٍ كله تنهات وتحسَّاف ومسار."