‏ما دريت إلا وهو بالقلب وازِي
‏غفلةٍ ماهي على قلبي حسوفة.*

‏"عليك من الوله ما يقصّر الطاري على ذكراك
‏نسيت الغايبين اللي مضوا ولا هان نسيانك."

‏"حث رجلك دام هبّت لك هبوب فوادي
‏والله أن قلبي هو اللي يستحق العنّوه."

على الله ياهبوب الليّل والذكرى لها تعبير
ليالي من العمر راحت ولا زالت لها ذكرى .

‏راحت أيامي وأنا مثل مكسور الجناح
‏لا أبتسم حظي بوصْلك وَلا قام سْعَدي

‏أحتريك من أوّل الليل كلّه للصباح
‏وصرت بأسبابك خويَّ العتيم السرمدي

‏وأنت شرهاتك كبيره ومدّاتك شـْحَاح
‏والوعايد سالفة ليل تصْبح وتغـَدي

‏إنْ شكيتك من ظما ما تورّدني قراح
‏واللقا بك صار بُعْد الثريّا والجدي

‏لين طاب الخاطر اللي تريّح وإستراح
‏لعنبو حظٍ يحدّه على مِنـّة ردي.

فهل ياترى عقب البطا جَمعةٍ ومزوح
‏تنسيني الفرقا وأثرها من أعماقي ؟

"إذا عندك اللي ينهي أحلام عمري قل
وأنا أشوف لي في مقبلات العمر دِبرة".

أما إني أنساك؟ لا والله أحبك وأبيك
ماني بناسيك لو قلبك يصد وسلا .

‏"تعب كل شيء يركض لِمداك، ولاتعب صبري."

والله إنه لو تغلّا سيد الأحباب غالي
‏كل غصنٍ فالمحبه ينحني له من علوّه..

كِل مالديت لي ظهرك عرفت إنك عدوي/ وكل ماقبلتني وجهك نسيت اللي عرفته.."

‏"بنينا لك بوسط القلب بيتٍ ما يحده سور
‏وتركت البيت وأهل البيت.. ما كنك مخاوينا."

المشكله أني أحَبه .. جعل تفداه الرخوم
‏ودي أعالج خافقه وأعرف شنهي حكايته *

‏"لا يموت الغلا ويشـحْ حتى الكلام
‏بين قلبٍ رهيف وبين قلبٍ حجر
وأن تهاونت بالفرقَا عليك السلام
‏وحشة الليل تقتلها صلاة الفجر".

‏عفى الله عنك يا حلمٍ رسمّته بالطريق وتاه *

‏"غلاك بضميري واضحٍ ما عليه غبار
‏تشيل الغلا نفسي وأنا عاجز أمنعها

‏يقولون ما ودّعك! قلت الفراق وصار
‏الانسان روحه تنسلب ... ما يودّعها."

‏لو كل غالي تجي دايم على ذكـره
‏ماصرت أشوفك هناك وحبك هنيّا
‏ياليتني لابغيت أكره! قدرت أكره
‏ماكان قلبي ليّا جيت أكرهك عيّا ):