‏لا تودد لي ولاترجي غرامي
‏من لذيذ الحب تربكني السعاده

‏ماعطيت المقبلين من أهتمامي
‏ولا خذيت من الحظوظ الا القراده

‏في حمى الايام جالس لي حرامي
‏يخطف من العمر هاديه ووداده

‏لا يغرك ضحكي وصافي كلامي
‏لي مزاجٍ ماعرف وش هو قناده

‏ان رضيت أرسلت للعالم سلامي
‏وان غضبت أرخيت راسي للوساده

‏"ومن الأرواحِ من إذا ملكَتك ملأتك
‏وإذا آوتك داوتك وإذا أحبّتك أحيَتك.."

‏حرّ كبدي يوم قفى .. والتوجد غافي
‏ كني اللي صبحوه وديرته محتلّه.

‏" أدرِّجُ القلبَ من شهرٍ إلى سنةٍ
‏عنهم وأرضيهِ دونَ الوصلِ بالحلمِ ".

ردّيت بابي يوم طاح اللي هقيته ما يطيح
‏ولا عاد باقي غير دمعٍ لو أردّه طحت أنا.

‏"والله اني من عرفتك دريت اني غديت
‏بين حبك والمفارق و ناس يحسدون".

‏أهوجس فيه وأنسى إني نسيته
‏وأفكر في لياليٍ قد مضن لي..

‏"جيت ما كنّ مرتني سنين الشباب
‏وكنّ مالي حبايب قبلك وتجربة".

سهم الهوى مخطي وصَايب،
وراعي السَّهم جَارح ومجروح..

”مازلتُ أبحث عن شيءٍ، حين ضاعَ ضيَّعني“
— محمود درويش

‏"كارثتهُ ليست مع الآخرين، كارثته أنه يستطيع إنقاذهم جميعًا عدا نفسه".

"عادك ورا عوج الضلوع مقيم/ والناس نزّالة وشدّادة".

‏"ليتَ الذي أعطاك جُلَّ محبّتِي
‏ألقى بقلبك بعض ما ألقاهُ."

‏"أبطى وحِس الضلوع يقول لابدِّه/ رجله على الدرب، وعيونه على العودة"

‏عسى كل عام يمرّ والوِلف باقٍ ولمعة العين هي هي، والشغف ذاته والقلوب ذاتها. لافرّق الله شمل الأحبة

‏"كل يوم أقول في باكر أمل
‏وأن حضر باكر رجيت اللي وراه".

‏"رغم إنك المنزوي، والمّمتلي والنحيل
‏ورغم اني العاقل اللي يوم شافك جهل
‏إن جيتك أنا الثقيل اللي مجيّة ثقيل
‏وإن رحت ماني مثل اللي مراحه سهل
‏قلبي اللي زرَع لك في مداه النخيل
‏لا تمرّه جفاف .. و لا تحبّه خطا."