عشت عمري مصدر إعجاب الكثيرين
وما هزني في رحلة العمر غيرك

قال أخاف تكون في حبي مخادع
قلت لا واللي صدف بينك و بيني

والدليل إن يجيني منك رادع
كل ماجيت أهتني بك مايجيني

عذبة الروح ما خانتني التجربة
مير ضاقت فجوج الارض وأسبابها

جيت أسابق خطاوي عمري المتعبه
فقرها حزنها غيّابها أحبابها

وكان بيني وبين أفرح معاك عْتبه
والحياة الوسيعه قفّلت بابها

‏آه ياليت أكثر الرغبات يدركها التمني
‏كل ماقالوا من الأحلام لك حلم وتمنّه

‏كان والله ما أعشق إلاّ كل شيٍ فوق ظني
‏وما أكرَه إلاّ كل شيٍ فيه فضل وفيه منّه

‏"وحشا ما مات لك غصنٍ يشفّ الما بجذوره"

‏يا المخطي اللي ما لـ ذنبه مغفرة
‏ليت العفو مثل الهوى كان فـ يدي

‏من قال لك إنَّ العفو .. بـ المقدرة
‏ما قالك جرحك معي كان أجودي ؟

شايبٍ في جمجمة راسي رزين
‏ ما يداني ورع في جوفي شقي

"ماني مع الشعر مثل أول بوجهه ضحوك
‏كنت أحسبه من منابع خافقي قد نضب

‏مدري تجمّلت بـ أفكاري عليّ و أكتبوك
‏ولّا تجمّلت فيني.. وأنت كلّك سبب"

"تركتك للزمن ذكرى ويقولون الزمن دوار
‏رسمتك في سما عمري وأثاري هالعمر فاني

‏كثر ما دارت الذكرى على بالي وأنا محتار
‏كثر ما ردني عقلي قبل لا يحكي لساني

‏يمر الشوق في لحظه ويهد الحيل لك تذاكر
‏وتلعب بي أحاسيسي وأحس القلب ولهاني

أنا من بعد ما عفتك وأنا عاجز بعدك أختار
‏رغم كثر الذي شفته بشر أشكال والواني

‏عجزت ألقى شبيهٍ لك كأنك شي ما قد صار
‏كأنك شخص لا يمكن يجي مثله أحد ثاني"

حسبي على الذكرى تخلي كل جرحٍ يستفيق
‏تكدر الحاضر علي وتعرض همومي قبل

‏وأنا طموحاتي وراها حد سيف ونشف ريق
‏ويدق فيها الهرج مثل اللي يدقون الطبل

مابين شوق الفجر وبين ضيق العصر
مشاعرٍ ضاع فيها كل قلبٍ دليل

تغرّك ضحكةٍ في وجهي المتغاضي المرتاح
‏وأنا والله أشيل ديار في صدري بأهاليها

على الهون يا زهرة شبابي و تو الناس
‏علام العمر يمضي و الافراح منسرقة

‏تلّج الطواري كل ما ذعذع النسناس
‏على واحدٍ بين العرب واضحٍ فرقه

‏شعور المسافة بين حبل الرجا و الياس
‏شعور المسافر كل ما طالت الطرقة

‏"يا وجدي أن عوّد المألوف مثل الغريب
‏ذي والله الحاجه اللي تستفز الشعور"

‏أدري إن الحب يخلف هقاوي من هقى
‏مثل ما تخلف ظروف الزمن بعض أصدقاي

‏فدوتك ما راح و أحسب حساب اللي بقى
‏دام الأرض أرضي و باقي سحابك في سماي