“ما الله خلق من يساومني على الفرقا
‏من يامن رضاي .. لا يستامن غيابي"

ياحبيبي في بلدنا توأد اللحظات ويعيش التمنّي
وش بقى ما فاتنا بالله في نجد العذيّة ؟

‏" ومانيب والله خايف من الغياب الطويل
‏الخوف كله أغيب .. و أنت ما تنتبّه "

"تو عمره فأوله مير الهموم تكبر
‏أنشدوني عن صواديف الزمن وطعونه

‏الكلام الزين لكسور الزمان مجبر
‏أقصرو حبل الهروج الجارحه من دونه

‏جعل حزن الفقد عن ذاك القبال يدبر
‏الحزن موحش وشفته في سواد عيونه

‏كل ما حاول يعبر مايعرف يعبر
‏الدموع تخون رمشه والكلام يخونه"

"‏دَنا الليل وقام الوجد والوجد موتي وقاتلي.."

‏ياحبيبي .. بعد إذن العام لو عادت شهوره
‏ما طمعت آكون سيْده والا أصير آمر وناهي

‏ماطلبت مْن الزمان وسطوة عْناده وجوره
‏غيرك أنت وموعدٍ قمري ، على كوبين شاهي

‏ضايقٍ صدري وأنا صدري وسيع
‏وهدّني بردك بعد هاك الدفا

‏وخابت أمالي وضيّعت الجميع
‏من بعد صدّك فلا شيٍ صفا

‏كيف مِت بداخلك مالي شفيع؟
‏كيف هِنت وهانت أيامي افا

‏بين حبك و الألم خيطٍ رفيع
‏أفرح بوصلك ويكسرني الجفا

‏لا تكلّفني .. فـ مالا أستطيع
‏ضرّني بعدك أبي منك الشفا

الله يجعل لي بـ قلبك لا زاد الحنين
مثل الذي لك ورا صدري لازاد الوله.

يا كثرك بذاكرتي تمرّ وتسيل أشجان
‏تفاصيلك .. بكل الوجيه أتلمسْهَا

"من كلام البارحه ماني مْواجر
‏حتى آسف تأسف وتشفق عليّه

‏كن في صدري من البارح خناجر
‏وكل طعنه في ضلوعي من يديه

‏لـ الخطأ تأنيب والتأنيب فاجر
‏جمرةٍ بين الضلوع العوج حيّه."

‏"واللي مُتاح من الفرص ماهوب يسوى الأنتهاز
أنا أحب الكايد اللي مستحيل إنه يُتاح."

‏إذا طردتك تعالي ماني بطرد سراب
‏ويش المحبه ليّا من المحاني جفت

‏تلفتي لي .. تراني لا نويت الغياب
‏مقبور في قبر و المقبور ما يلتفت

"إثر لك يا متلف الروح قلبينِ قلبٍ يبغضني وقلبٍ يتمناني.."

‏أنا أدري ماعلى قلبي من صْدوف الفراق خْلاف
‏لو إن نوبات حزن الذكريات تضيّق ضلوعي

‏ومثلك ما تردّيه الليالي ومنه ما ينخاف
‏لو إنك كاشف أسراري وعارف وش هي طبوعي

‏لَكِنْ ليه الحياة الجايرة ما تعرف الانصاف
‏ياكيف أحلى الليالي معْك تَسقى بمالح دْموعي؟

‏لو إنك يا الوله مثل الأوادم من لحم وعظام
‏قتلتك و أسترحت من أشتياق القلب وجهاده

‏ياسيّدي ليت الوله ينشاف
‏وتشوفه بصوتي وتنهيدي

‏عايدني الليلة من الأنصاف
‏صوتك هَناي وضحكتك عيدي