‏"بقالي معك ضحكة هدب وابتسامة عين
‏حرمت السنين المقبله من بشاشتها

‏أنا لـ الملل بعدك .. و الأيام لـ الروتين
‏فقدتك.. والأيام فقدَت فيك دهشتها"

‏بدا دور الليالي والا أنا معك إنتهى دوري
‏ومعك ماعاد تنفع شرهتي وحكاي بـ المرّه
‏
فمان اللي زرع حُبك بقلبي وأصدق شعوري
‏وأنا شخصٍ ليا ترجم شعوره ينكشف سرّه.

تمنيتك وأنا كل الأماني جبتها بعناد
‏و تصاغرت الظروف اللي تهدّ وجيت لك كلي

‏قطعت دروب و أحلامي قراح و ذكرياتي زاد
عطيتك صافي شعور المحبة وش تبي قل لي

‏لو إنه بيني و بينك عذول و معجزة و بلاد
‏أحسك نسمةٍ مرت عجولة تحتضن ظلي

"ذكرتك .. بعد رحلة من الصبر والأوهام
‏وعرفت إني صعب أنسى على كثر ماجاني".

أصدق من شعوري اللي حابسه دمعتين
تلعثمت و أشتعل صوتي و ذاب السكات..

"فتحت لوجهتك صدرٍ يشوف إنك سما وآفاق
‏قبل لا أعرف خوافي خطوتك في سرمد أيامي"

‏أدري إنك لوّ يطول البُعد منت بـ ناسي
‏وتدري إني من غرامك مستحيل أهوّن

‏تهقويت ليلك وأنت ليلك ظما وجدال
‏وأنا كلّ ما جوّد مداي التعب خيرة

‏تزلّ الدروب.. ولا سلا قلبي ولا زال
‏غريبٍ يدوّر في طرف ضحكتك ديرة.

غريبة كيف حليّت المكان ولا حَسبْت خِطاكْ؟
‏عسى ما ينجرح لِك دربْ لا مريتهّ .. اللِيْلة

‏ أنا لو ما أعرفكْ ما جهلتّ إن الدروبْ أشَّواك
‏ و لكِن كل عذرٍ تقبلْه یا صعب .. تأويلهّ

‏تسلی دام فـِ العقل إعتدال و القلْوب إدِراكْ
‏ متى ما إحتالّ لِك وادّ الظمیٰ ما ينْذِكر سيلهّ

قلت بختار و أخترتك غلط و أنخذلت
‏كنت أبيك الحياة .. و صرت التجربة

"أنت ياللي ليا مالت جروحك تميل
‏الليالي خذت مني وماقصرّت

‏لا تسولف ترا ليل المفارق طويل
‏كل كلمة على بالك .. فبالي طرّت

‏طوّل الصمت وأربكت الشعور الجميل
‏قلت أببعد مدام إن الجروح كثرت

‏خل دمعك يسولف للوداع ويسيل
‏ولا أنا .. دمعتي طاحت وهي مادرت."

جعل يسقا شتا عامٍ ندوّر للكلام أسباب
‏و إذا لحق السوالف برد قصايدنا تدفينا

‏تباعدنا ماكنّا يوم من العمر كنا قراب
‏و تبهذلنا و تشتتنا قبل تتشابك أيدينا

‏ياليت الذاكره تنزع مثل ما تنزع لثياب
‏أو إن الذكريات اللي تلاحقنا تخلّينا

" ما لقيت من الليالي عقبّ فرقاك أمان "

ما كان يوم الموادع كان يوم الضياع
يا قسو الأيام .. لا سنّت سكاكينها

يارب وأقدارك تبي قلبٍ على الدنيا قوي
‏وأنا آدمي ذاكرته أقوى منه وقلبه ضعيف.

‏تخالَف عنوتي، حِلّ ورحيل وملتقى وغْياب
‏لوجهك يا شغف حلمي القديم وماضي جْروحي

‏تقفِّل لي ظروفي باب، و إِيدينك تفكّ أبواب
‏معك يا طيِب صدري للحديث وما أزين مْزوحي

‏أنا لولايّ أعرفك ما هنَا لي لمَّة الأصحاب
‏ولا والله مزحت ولا ضحكت إلَّا على روحي

لا تذبحيني بالغياب المطول
و أنا أرتقب لك كل يومٍ وليله.