‏وين أودّي باقي الذكرى .. إذا طال إرتحالي
‏ماحسبت حساب قلبك بالمواصل والمفارق

‏يوم قلبي صار مسمارٍ على جدار الليالي
‏ليه أنت والسنين القاسيه صرتوا مطارق !

‏كنت أشوفك أندلس شعري .. وخرّبك التعالي
‏وأنكسر عزم الجيوش اللي بنيت ومات طارق

"يالله بصبحٍ فوق نوره فيه للمحتاج نور
‏تمشي به أقدام العباد ولاتضيق دروبها.."

‏"و أتنفّس رغم هذا الضيق في صدر المدينة
‏و أتبسّم حتى لو مابه عصافير و أغاني

‏و أنتي أنتي .. مثل ما أنتي ولكنّك حزينة
‏تربكين الدمع ويل الدمع من ضيق المحاني

‏صح أنا ما أخترت أكون أنسان يمكن تعشقينه
‏ بس أنا ما أخترت أكون إلا معاك أنسان ثاني"

‏معاك ما الله كتب لي عمر و أعيشه
‏يمضي نصيبك .. بما لا يشتهي قلبي

‏"كذا بدون أسباب جيتي ورحتي
‏أسرع من البسمة لا زارت شفاتي

‏وش اللي سويته معك وأنجرحتي ؟
‏وأنا أعتذر عنّه .. بقية حياتي."

"طفى وهجَه ذبل وجهه بعد ماهده التحنان
‏يحاول يضحك بوجه الحياة .. وتخنقه عبرة."

‏"أنا من وين ما وجّهت تلقاني ظلال و فيّ
‏جفاف العمر لو يمضي وأنا مامرّني سيلك

‏تزاحم وقتي البارد، بـ لهفة خطوتينك ليّ
‏و أشوف النِّور في صبحك و أشوف النُّور في ليلك"

طمنيني يا ليال العمر دام العمر مره
لي ثلاث سنين يرجف قلبي ولا أحد درى بي..

"وجه واحد ما ثبت في ذاكرة هالعمر غيره
‏كم ضحك لي بـ أقشر الأيام و أرواني مسرّه"

‏"لا تحد القلب دام القلب سالي
‏شرهة الغالي على الغالي كليفه."

كم عشقت وكم كرهت وكل ظن بظنه
‏وأكتشفت أني بعد طول الدروب لحالي.

‏لو يجي عقب الجفا ويقول رفّي
‏كيف أروف ودنيّتي بجرحه سقيمة

وين كانت خطوتك يوم الليالي حاتميّة ؟
كل جرحٍ ملتئم كم كان يحتاجك ضماد

‏"لو نسيت الليالي كلها مانسيت
‏ليلةٍ علمتني شلون شكل الوداع."

ما عرفت مْن الطريق؛ ألَّا سرابه
ليه أشوفك رغبةٍ في قلب سامِح

وليه أشوف فـْ زحمة وْجيهٍ تشَابَه
وجهك اللي يزعَل ، وعينه تْسامِح

من جعلَهم في سما عيني سحابة
تمطرك شكل، وتلفَّات وملامح

أضحكي لي يا ليال العُمر دام العُمر مرّه
و أسقي جفافٍ تفرّع وأحتضن زهرة شبابي..