‏لابد يوم نبدل الدار بالدار
نرحل وننزل في منازل جديده

منازلن مترين في خمسة اشبار
اجسادنا فيها توبد وحيده

جيرننا واجد ولافيه مسيار
والكل مايعرف من ايت بديده

احدن وضع له في بساتين وانهار
واحدن حياته في عذاب ونكيده

‎عايض_دبيل

‌‎العمر يفنى والموت خاتم للاعمار
حسن العمل يبقى وهذا رصيده

على كتوفك ملك مدون اللي صار
وكل انسان يلقى مايسويه بيده

يوم النشر يوم الحساب في جنه اونار
يوم التغابن عند ربي وعيده

‏يابوك مالي بالمساييّر. حـاجه
مادام مالقـى مايفل الحجـاجي

يابوك راسي مايطيق اللجـاجه
ولاردّ على عدن شرااابه هماجي

الحر ماينزل بخم .. الدجـااجه
والذيب مايثغي سوات النعاجي

يقطع زماننٍ صار فيه انعواااجه
ودرب المراجل دايمـاً بنعواجي

محمد الخمع

‏أربع أبيات وكلّهن زبدة الهرج
إن جبتهن خذ راحتك في حياتك

إحفظ لسانك وإحفظ البطن والفرج
والوالدين وبرّهم مع صلاتك

وطيبك بوسط الناس للموقف الحرج
شهادةٍ تنفعك ليلة مماتك

والموت مالك عنه لو كنت في برج
ورحمة عظيم الشان ختمة نجاتك

‎غزاي_الحربي

‏معشي الذيب للراوية #فواز_الغسلان

التذكير اليومي بالتقويم الهجري
(‏#يوم_الثلاثاء #التقويم_الهجري )

١- #درر_من_الشعر ‏
٢- ‏#لاتحزن
٣- #سؤال_وجواب
٤- #باقي_على_يوم_عرفة

🌸#تصاميم_البيت_السعيد🌸
👌للاشتراك @thamar1

🗓 التقويم الهجري 🗓
👈للاشتراك👌 @aItaqWem

‏ ‏قصيدة بديوي الوقداني شيخة عتيبة للراوية #فواز_الغسلان

‏حق الصداقة للراوية #فواز_الغسلان

‏من لا حفظ قدره وقدر القرابه
يصبر على جور الليالي والايام
.
لابد ما الدنيا .. تمكّن صوابه
وتجرعه كاس المراره وينضام
.
ويصبح كسير جناح ماله مهابه
لا ساقته دنياه بنحور الاخصام
.
حامد بن حمدي

‏جعلني عند حسن الضن مانيب دون
فوق حسن الضنون وهقوة اللي هقا

وعن قصار اليدين مخيبين الضنون
جعلني مثل حرٌ في علو إشهــــــقا

وكان سيقت لي الهقوات سوق الضعون
من جناب الرفيق أو من جناب أصدقا

لارجعت من جنابي خاليات البطون
جعلني ماهتني في عمري الي بقا

عبدالله_محمد_مشهور

‏علم اللي ماكسب نعم بشبابه
لايدورها ليامن صار شايب

وعلم اللي يسب ربعه والقرابه
مايسب اهل المواقف غير عايب

الجماعه ذخر ودروع وعصابه
لاطواك الوقت واشقتك النشايب

اشهدن الطيب له عز ومهابه
لاجمعت الطيب لأجناب وقرايب

ناصر_الشعيفاني

‏ترا اللي يشيل الهرج ويفرق الاجواد
لابد الزمان يدور وتجيه في بيته

وترا اللي يحسب ان الدعاوي عيا و عناد
يربيه وقته كان ماهي مربيته

يدور الزمن واللي يصيد الفهود يصاد
وحميد النبا ما يرخص الهرج من صيته

يشوم الحصان عن الهزيلة ووشهي عاد
وراع الخطا يخطي ولاهيب مخطيته

عبدالرحمن_القوس

‏يا موسعين المجالس لا تضيق الصدور
يازين وقتٍ مجالسنا اربعه فاربعه
'
اليوم كم مجلس فيه التريلا تدور
لكن راعيه والله ما بصدره سعه
'
الله يقول ان هالدنيا متاع الغرور
والا فيه ميت يموت ودفن ماله معه
'
والرزق ياتي وخذ عبرة برزق الطيور
تسرح خماصٍ وتضوي وهي متشبعه
'
المهدي بن تركي

‏ياالله برزقً مادرى عنه مغتاب
ولاحال من دونه خبيث السريره

يقضي لوازمنا ويفتح لنا الباب
على الحياه المزهره والمنيره

وينسي المحتاج موال الاتعاب
ويقف مواقيف البطل في المغيره

عبدالله بن حصين

‏والله لولا شدة الوقت واحكام الظروف
ماتميز بين الأصحاب طيب ومعثور

فيه واحد في المواقف يكفي عن ولوف
وفيه واحد كنه البندق اللي ماتثور

التجارب مثل وضع النقط فوق الحروف
لايغرك في العوافي كثر هبد الصدور

يارفيق العافيه بعد هذي ماتطوف
انكشف وجه الحقيقه وكشف الحق نور

‎ابو_سلمان

‏الردي لو يستره ثوب وش يستر رداه
دام مايحشم قرابه ولا يحشم وجيه

إنصحوه يبيع ثوبه ويشري له عباه
طاح من عين المراجل ولا عادت تبيه

والسفيه إن ما تبلاك ما تسلم غثاه
حاول إنك ماتقرب يدينك في ايديه

وصافح كفوف الزمن وإبتسم للحياه
وإعلم إن الله اذا احب عبده يبتليه.

لشاعرها

‏الزمان يدور ، و الحيه الرقطا تدور
و كل ضلعٍ نايفٍ ، تنطوي في فيته

و كان حنا ، ما دفنا الحيايا بالجحور
بعد بكره ، كل جحرٍ تجينا حيته

و المواقف ، ما تبي كود رجال جسور
و شرهة الفارس : على سيفه و جنبيته

والله انّا ما ربينا على دهن السيور
نلطم المجنون و يطيب من جنيته

خليل بن هدلان

‏من لا نفعني بالليال العسيرات
ماني بمحتاجه نهار العزايم

غيره أبلقى في نهار المسرات
أهل السوالف في نهار الولايم

وإلا عريب الجد ذخر الصعيبات
يظهر نهار الجو زاد بعسايم

يفداه منهو يختفي بين لحظات
وعذره يقول انا هكا اليوم نايم

الشاعر لهاب بدر

‏تضيق لكن رحمة الله و سـيـعـه
والله مابعد الضيق ياكود الإفراج

حبل الرجاء ماهو بحبل الـقـطـيـعه
والموقف الطيّب ماهو موقف إحراج

هوى المكيّف غير هوى الطبيعه
لـكـنـك ألـ كـل الهوائين مـحـتـاج

‎محمد_عبدالله_الروقي