الله على الحظ وظروف الليالي يعين
‏احيان اشوف الضروف مع النصيب إخشرا

‏واصبر وعندي يقين الله مع الصابرين
‏واخفيت مابي ولا واحد بحالي درا

‏يالله معونتك مالي غير عونك عوين
‏خيرك ونعمتك تكسوني لحاف وذرا

‏اغفر خطاياي واحشرني مع الصالحين
‏واكرمني مع الكرام اللي لوجهك ترا

‏⁧ #محمد_جبار_القت⁩

الدين علمنا على المنطق الزين
‏وحسن التعامل بالأدب والمحبه

‏والرفق بالعاجز وحب المساكين
‏والبعد عن راع الحسد والمسبّه

‏ومرافق اللي دوم بالخير ماشين
‏اللي عملهم كل شخصٍ يحبه

‏ولاخير باللي مايحافظ على الدين
‏والخاسر اللي في عدوه تشبّه

‏⁧ #سعود_عايد_العلوي_الحربي⁩

خلك مع اللي دوم سبّح وكبّر

‏وابليس عن درب النبي لايصدّك

‏وان شفت شدّه في زمانك تصبّرْ

‏واطلب كريمٍ بالمعونه يمدّك

‏خلّك طليق حجاج واحذر تكبّر

‏وإياك تتبع واحدن مايودك

‏والعبد في حكمة وليه مدبّرْ

‏واصل طموحك والكسل لايردك

‏⁧ #سعود_عايد

احتجت والحاجه مهي والله بعيب
‏وجربت خلان الرخـا واخـذلـونـي
‏:
‏قدمت طيب ولا لفا منهم الطيب
‏هقيت فيهم طيب مير اخلفوني
‏:
‏اثر الليالي (مدرسه فالتجاريب)
‏منها الافاده لو (توسع طعوني )
‏:
‏طاح القناع وبان ( وجه الاكاذيب)
‏واللي سكن عيني سقط من عيوني
‏✍🏻
‏⁧ #هاضل_ابوليل⁩

عسى نقبل و نقفي وحنّا عزاز انفووس،،
‏وعسى من يظن فينا لقانا على ظنّه،،

‏ليا طاحت انفوس الرياجيل عند فلوس،،
‏نصينا كريمً مالنا صدّتن عنّه،،

‏نوجّه على اللي لا عطا يعطي الفردوس،،
‏هو اللي لحاله عنده النار و الجنّه،،

‏⁧ #مزيد_المويس⁩

رجلن مكانه في مقاديم القروم
‏من طيب ساسه بالمواقف مايهاب
‏،
‏ورجلن مكانه في مقاديم الرخوم
‏أكبر طموحه صورةٍ وسط السناب
‏،
‏والناس تفرق بالطبايع والعزوم
‏ومن لايحوش الطيب وجهه للتراب
‏،
‏⁧ #عبدالله_القحيصان⁩

‏'

‏والـلـه اني تالي الوقـت أنـا ماني بـ أنـا
‏اتظـاهـر بـالسـعـاده وانا قـلبي حـزيـن
‏'
‏واتـذكـر مـاضـي الـوقـت وايـام الهنـا
‏النـوايـا صـافـيـه والخـلايـق طـيـبـيـن
‏'
‏قـبـل تاتينا الحـضـاره وتـهـدم ماابنـاء
‏وقبل ماننظر بعضنا بعض ابنص عين
‏'
‏⁧ #صالح_بن_عون⁩

‏'

ياوطنا مانصد ولا انتونا
‏ان دعانا الصوت لبينا عجالي

‏مرخصين ارواحنا لجلك وطنا
‏محتمينك بالجنوب وبالشمالي

‏صف واحد نرتكي منا ومنا
‏نرتكي ونشيل حمل مايشالي

‏نكعم العدوان واللي يمتحنا
‏بالحزم والعزم وأيمان الرجالي

‏قبلنا فازو بها جدان اهلنا
‏نالو الامجاد من اول وتالي

‏⁧ #البدون⁩
‏.
‏.
‏اناعزتي للي قضى العمر دون اثبات
‏وصل عمره الستين وآماله آماله

‏بقى ينتظر وتصد دنياه له ماجات
‏يشوف الفرج باالعين لاشك ماطاله

‏ولاله معاش يجيب لصغاره الحاجات
‏وعليه الديون وهمها حالته حاله

‏واليا نامو العالم بقى للسهر مابات
‏يقول المصيبه كيف مستقبل عياله

‏الهاب بدر

لا تــامـن الـدنـيـا و لا تـامـن الـنـاس
‏الــوقــت مــايـرحـم ولا هــــوب يـــاوي
‏كــم واحــدٍ عـقب الـسعاده والاونـاس
‏شاف الفقر والضيم و اصبح شقاوي
‏عـلـيـك بــالـي يـرفـع الـهـم و الـبـاس
‏والــلــيـا دعــيـتـه مــايــرد الــدعــاوي
‏⁧ #حمود_البيضاني⁩

يالله بعلم يبهج الصدر والعين.
‏ يجلا مرارات الحياه المملّـــــه

‏ايامنا دوراتها بين ثنتيــــــــن
‏ اتصدّر بعلّه وتقبل بعلّـــــــه

‏ياناشدٍ عن حالتي رَبِّك يعيـــــن
‏تمشي الامور وكل شي على الله

‏اشق وارقع واقضي الدين بالدّين
‏ واموت قبل ينوش راسي مذّلـــه
‏⁧ #عبدالله_محمد_مشهور⁩

‏الشعـر بـدع وفـن يـ اللي تغنّيـه
ان كان تعرف للنظم والطواريق

واللـي قصيـده ماتجمل معانيـه
لايزعـج العالم بـ كثر الخثاريـق

احداً بيـوتـه ترفعـه مع قوافيـه
واحداً بيـوته كـل بوهـا تـلافيق

‎#شريف_العضياني

‏الفقر فقر المرجله والمواجيب
وقل الصلاه وقل عطفك على أمك

ورزق البنادم ضامنه عالم الغيب
يا تيك لا تشكي على الناس همك

لو ان رزق الآدمي باالمشاعيب
يمكن قطع رزقك من عيال عمك ..

‎#الهاب_بدر

‏.

أنا امدح الطيب ما ادوّر عطاياه
ماني من اللي عيشته باالمدايح

الله خلقني حر بيضاً سجاياه
ورزقي على منشي المزون الروايح ..

‏يا سرعها سرعاه دورات الايام
العام كنّه شهر ،، واليوم ساعه

اعمارنا في نقص عام ٍ بعد عام
وتزيدنا سود الليالي ،،، بشاعه

تلبّس الصادق من الوهم هندام
وتلبّس الكاذب ،، ثياب القناعه

وتقول للصاحي ترا الوعد قدام
وتقول للمجنون سمعاً وطاعه

‎#سعيد_العلياني

‏عيبٍ على الرجال حقر الرياجيل
وعيبٍ على الرجال٠٠سب القبايل

وعيبٍ على الرجال نشر الاباطيل
وعيبٍ على الرجال جحد الجمايل

وعيبٍ على الرجال٠تبع الاقاويل
وعيبٍ على الرجال قطع الوصايل

والمرجله تصعب على بارد الحيل
ماجابها ياكود ٠٠٠٠٠جزل الفعايل

‎#عبدالله_مشاع_السمي

‏ليه التكلّف والحياه الكليفه
من عاش في جو الكَلافات ماعاش

جرّب ترى طعم الحياة الخفيفه
مثل الهوا اللي شمّته تنعش انعاش

واحرص على اصحاب القلوب النظيفه
اللي بياض قلوبهم يشبه الشاش

واقرب من اصحاب النفوس الظريفه
وابعد عن اللي يسطَح بكبره الجاش

‎#ممدوح_التويجري

‏إن كان تبغى الكلام اللي عليه الكلام
أبعد عن البهرجه و الصحبه الزايله
،
من لا يعدّك حزامه لا تعدّه حزام
لو كان من روس قوم ٍتكسب الطايله
،
من عز نفسه وجدها ياعزيز المقام
و أهل الوفا تستحق الفزعه الهايله
،
و مقصّرين الفعول مكثّرين الملام
أصواتهم عاليه و أفعالهم مايله
،
‎#سعد_المخلفي