‏قصه وقصيده للفارس والشيخ سلطان الادغم

‏ركعة وتـر في تالي الليل تغنيك
عن ما جمعته في حياتك من أموال

من فضلها يمكن من النار تنجيك
يوم الحساب وتصفيت كل الأعمال

جازع الرياحي

‏مانلتفت للحـذفة اللي من اخلاف
ولا ننشد اللـي شافها من حذفّها
.
وان جـاء يعـلّمنا بـها واحـد شـاف
نقول حـذفـة جنّبت عـن هـدفّها
.
نغضي عن الزلات من كل الاطياف
واصدورنا يتعب بها من وصـفّها
.
ونهتـم بعـلوم المطاليـق الاشـراف
والا سوالـيـف الـرخـوم انعـرفّها
.
المهدي تركي

‏.

.

خلك مع اللي لا قسى الوقت ما مال
... مركـــاك لا مــالت عليــك الليـــالي

وإلا تــرى وقــت الـرخــا فـيه الانــذال
... كــلاً يـقـول انــا الرفـيق المـــوالي

الهاب بدر

‏لا تنكر المعروف لا جاله مجال
واليافعلت الطيب لا تقفّيه صوت

جمايل الرّجال فـ ظهور الرِجال
تسجيلةً ماهيب تسجيلة بلوت

قطيم_محمد

‏النفس لاشامت مثل عاصي الخيل
يصعب على الخيال قبضة رسنها
.
لاشامت النفس العزيزه عـن الميل
مـــن عقبها الشــرهات يطـوا كفنها
.
شــرهتك سـندهـا لــروس الـمشاكي
ولا عـــن الــرديان شــرهــتك صـنها
.
سعود ابن ضبان.

‏لايخدَعَك صاحب الوجهين
بكـل يـوم….ومعـه صاحـب

يلبـس علـى وجهـه قناعين
وجهه يالو ينكشف شاحب

يتظاهر بطيب وِهْـوَه شَين
ولاتصدق لنَـوحِه الناحـب
…
الجديعي

‏كثير العرب لو صد عنا ماقلنا ليش
ترا قيمة الرجال من قيمة فعوله
،،
مثل روغة المشبوه من نقطة التفتيش
يروغ الردي لاحتاج له كل من حوله
،،
ترا واحدٍ يكسي جناح الصقر بالريش
كسانا بثوبٍ من غنى النفس ذا طوله
،،
رغم مايواجه من عراقيل صقر قريش
لكنه كسر كل الخصوم وبناء دوله
،،
عايض العاطفي

‏السماحه والبشاشه حاجةٍ مطلوبه..
من جمعها طيب حضّه كثّر الله خيره
.
واحدٍ ماله قبول ولآ تحب اسلوبه
وواحدٍ من سمح وجهه مآتدور غيره..

بندر عجب

‏أصـد وبعد عـن غثـا جمعـة النـاس
ومريـحــن عن زايــد الهــرج راسي

ولاجيت اخذ علمي من الراس لراس
لاتــرخـي اذنك للعلـوم الـطفــاسي

عـن مجلس ًمال الكفو فيـه مجلاس
اقصر خـطـايـه عمـد مـاني بنـاسي

بندر_فيحان

‏:
ياعابد الدنيا ترىَ الدنيا ممر
واللي مقدر لك بها لازم يجيك

والعمر فاني .. لاتظنه مستمر
صل وتصدق بالخفاء مما لديك

وقبل توصّي بالدعاء من يعتمر
أكرم وبرِ اللي لهم حقٍ عليك

ماكل من يدعي لك بطول العمر
تلقىَ قبولٍ مثل دعوة والديك

النجم_العالي

‏والله لونه مين ولا ولد مين
من لايعدك ذيب عده ولد شاه

‏"
لاشـفت قلبك فيه بعض الطـواري
مـر الـقـبـور وعـلمه عـن نـهـايـتـك
'
قــله تــرى درب الـمـقابـر جبـاري
هــذا مصيـرك في نهـاية مسيرتك
'
احـذر من الغفله حذاري حـذاري
يمكن تصير الخاتمه وقت غفلتك
•
عبدالعزيز_بن_مفلح