‏الناس لايمكن تفوز برضاهم
صعبن عليك ومرضي الناس كايد

لاشك قدرهم وسامح خطاهم
ولالك بكثر الهرج ناقص وزايد

وان جوك عاملهم على مستواهم
واحيان خلك عن بعضهم محايد

وان جتك غلطه لا تفتش وراهم
احرص على سلم العرب والعوايد

سعودعايد العلوي الحربي

‏الذيب من صلبه يجيب الذيـــــــــابه
والا الثعالب مابـــــــعد جابت فهــود

والسيف تحمي سلته من نصابـــــه
والطيب ماياتي بــــــلا فعل وجهود

ومن لا كسب قولت نعم في شبابـــه
واللــه فلا تنــقال لــه لاغدى عـــود.

لشاعرها

‏حافظين [ وجيهنا ] والعوايد و السلوم
عن ضعيف النفس واللي بغى تشويهها

يا ردي المعرفـه < لا توصي > وإمخدوم
وص نفسك دامها [ أحق ] في توجيهها

في بياض الوجه والطيب وجزال العلوم
مكرمين > وجيهنا [ عن ] سواد وجيهها

‎#سلمان_الذيابي

‏الكفو ما يتبع ضعوف المكاديش
ولايهرج الهرجه بلا صدق موثوق

والذيب مهما جاع ماياكل الريش
ولاشاور بصيده ضعيفٍ ومطفوق

اليا نـوا صـيده بعـيد المطـاريش
ون جر صوته يرتعب كـل مخلوق

والا اضعوف البايده و المخاريش
ما عندها عـزه و لا تعـرف حقوق

‎#عبدالمجيد_الرشيدي

‏ماهمنا خبلٍ يسولف ورانا
اللي يحسب انه كسب له نواميس
•
اما يواجه في شجاعه حدانا..
والا يطير احسن سوات القراطيس

‎#سعود_الخشمان

‏استعمل هذا الرابط للانضمام إلى مجموعتي في واتساب: https://chat.whatsapp.com/JXq3Gzj8Cy3GwbEuOz8WAS

‏'
أحب البشاشه وأكره الصاحب الـمنحوس
وأحــب البـساطـه والـحـيـاة الطبـيـعـيـه
'
تعبـنـا نكـافـح ليـن شابت نـواص الـروس
وعطـانـا الـزمـان دروس غـيـر إعـتـيـاديـه
'
فصول الحياة أخطر من الواقع الملموس
تـجــر الغـشيـم بغـمـزة عـيـون سحـريـه
'
‎#أحمد_الذبياني

'

‏الصاحب اللي ينصحك لا تمله
هو راس مالك فـ الليال المعاسير

واللي يخاف العيب ويراقب الله
احرص على خوته كانك تبي الخير

واحفظ لسانك لا يجي منك زلة
تندم بيوم ٍما تفيده معاذير

وابعد عن دروب الردىٰ والمذلة
فوق ٍ على ذنبك هموم ومخاسير

شعر : سعود بن غنيم

‏-
الله يبعد خوتك " يابو وجهين "
وجهٍ لنا .. و الوجه الاخر علينا
'
لاجيتنا سمعتنّـا المنطق الزين
وان رحت منّـا بالحكي تقتفينا
'
حنـا بـ فضل اللي خلقنا غنيين
بوجيهنا ... وإلا بـ مدت يدينا
'
من اول نحسبك طيّب و هالحين
الله يرفع عنك ... ولا يبتلينا ..!

‎#لــشاعرها

‏يارب تستر عليّ بسترك الضافي
واعمالي الصالحه يارب تقبلها

وأغفر لي الذنب في دنياي وإسرافي
والنفس في رحمتك يارب تشملها

هالأربعه لاحْصَلن في هالعمر كافي
هن لذّّة العمر في دنياي بأكملها

لاصرت في خير وبصحّه ومتعافي
ماهمّني رايح الدنيا ومقبلها

‎#حمد_السعيد

‏الكلمه العوجا تجي من هل العوج
تفرَض عليهم مثل مايفرَض الفرض

تجي من المسكين و الخبل والغوج
وندوسها مثل الزقاره على الارض

وان جات من مرجوج ماني بمرجوج
عرضتها العجه مع الطول والعرض

وان جات من حاقد ومبغض ومفلوج
واجب نسددها مثل سلفة القرض

فهد بن شعلان

‏رحلت حياة الآدمي مابها فوت..
من الاوله والثانيه في طريقه.

الاوله يقتات ويشيِّد بيوت..
وتمضي به الستين كنها دقيقه.

نطرد ورىٰ الدنيا ونغفل عن الموت..
هذي سراب وذيك عين الحقيقه..

يامنجيٍ ذا النون من ظلمة الحوت..
وثِّق عرانا في عراك الوثيقه..

# عايض بن ساقان

‏سو الجمايل دام عادك حي
تـرا الكـفو ماهـوب ناكـرها

تكـبر بعينه لو هـي اشـوي
تلـقى وفاها عـنـد ذاخـرها

‎#بندر_بن_غصين

‏ابتسم واضحك ولو كان همك معتلي
فوق ضلع القلب لو رفرفت لك رايته

كل مومن باليسر هم قلبه ينجلي
وكّل امرك للولي كل شي بشايته

‎#فريد_السحيمي

‏ثنتين من مُجمل صفات الرجوله
ترفع مقامك عن كثيـر المشـاريه

مالا يسـرّك تسمعه .. لا تقـولـه
ومالا رضيت بفعلته .. لا تسوّيه

‎#حمود_السمي

‏ياميّت القلب يامعذرب ولد عمك
ترى عذاريب ابن عمك عذاريبك
.
لو المنافق ضحك لك وإلتفت يمك
يضحك وبكرة ماتدري وش يسوي بك
.
‎#حمود_السمي

‏الراس لولا درس الأيام ماشاب
والنصح للي يقبلونه طماعه

أسمع كلامي زين يا أعز الأصحاب
خله معك محفوظ مثل الوداعه

الهرج في ربعك وفالناس الأقراب
ينزلك منزال الردى والدناعه

والعله اللي ماتداويها الأطباب
هجر القريب وفتح باب القطاعة.

محمد محماس المطيري