علمتنا الليالي ... واختلاف السنين
‏لين شفنا الصحيح وبانت الخافيه

‏تكتشف معدن الانسان في حاجتين
‏لاتولى الفلوس ولا اونس العافيه .

حلمي كبير ورغبتي كنها طير 
‏ما يطوي الجنحان لاشاف قمه 

‏ان قالها الله والليالي مداوير 
‏لارقى سنام طويق والحلم اتمّه .

دنيا غثاها " مالقينا له علاج "
‏الا مع السجه وكثر المداجي

‏في ديرةٍ ما حولها نت وابراج
‏جوٍ خلا فيه الهبايب علاجي .

مافيه داعي للزعل والانفعال 
‏ومجادل الجاهل وكثر اللجلجه

‏خلك على ماقيل شيال الثقال
‏واللي يبي يزعجك صمتك يزعجه .

عن الخطأ ماني منزه ومعصوم
‏لكن احاول قدر الإمكان ما اخطي

‏وان جاتني غلطه من انسان محشوم
‏اغض عنها الطرف لا اخذ ولا اعطي

‏الصمت يحميني من العيب واللوم
‏والهرج ( تأثيره يطول ويبطي ) .

ودّي اخسر كل شي إلا ضميري
‏اللي يسعف صاحبه لا من تحيّر

‏من كثر ما غيّرت الأيام غيري
‏والله اني خايف اني لا اتغيّر .

لاصار مايدري بخافيك غير انت 
‏ترتاح .. لو انك عن الدرب غادي .

ﺭﺑﻲ ﺳﺄﻟﺘﻚ ﺃﻥ ﺗﻜﻮﻥ ﺧﻮﺍﺗﻤﻲ
ﺃﻋﻤﺎﻝ ﺧﻴﺮٍ ﻓﻲ ﺭﺿﺎﻙ ﺇﻟﻬﻴﺎ

جعل القلوب اللى له القلب يشتاق
‏تصبح وتمسي بالهنا والسعاده

‏وجعل النفوس اللى تحلت بالاخلاق
‏تصبح وتمسي ماتشوف النكاده .

اعشق ثرا اخواني واحتمي في ذراهم
‏هم عزوتي لا من غدت سود الأيام

‏ادعي عساني ماختبر في غلاهم ، 
‏يبقون هم ذخري على مر الاعوام .

‏لا ضاق صدري قلت يارب رحماك
‏ياللي بذكرك ينجلي ضيق صدري

‏استغفرك وأتوب لك واطلب رضاك
‏ماغيرك احدٍ عن خفا النفس يدري .

الزعل عندي مرادف لـ المحبه
‏مستحيل أزعل على إنسان عادي .

روسٍ رفعناها معزه وتقدير
‏و روسٍ نوطيها وناطا عليها .

خلك فطين وعاشر الناس بـ احسان
والطيب سوّه كان تقدر على الطيب

واختار لك ربعن نشاما على شان
مايخدعك حصني ولا يجرحك ذيب .

الهادي الله .. والعمر ما يعاضي
والتربيه م تنحصر في هل البيت

ياتي من العربيد شيخٍ وقاضي
وياتي من عيال المراجل سرابيت .

الهيل والدله وجلست هل الطيب
في مجلسن مافيه هرجن تمله

واليا لفيت الدار تلقى التراحيب
ناسٍ تشوف وجيهها مسفهله .

اشد من طعن السيوف المحاديب
« شوف الكريم مبهذلته الليالي » .

لامن رضى ينبت له لسان معسول
‏"واليا زعل ينبش .. علومٍ قديمه" .

يوم الأحد : ٢٧ محرم ١٤٤٨هـ .

افعل المعروف وتشوف العجايب
كل حاجه ممكنه تقدر عليها

يمكن تنجّيك من بعض المصايب
حاجةٍ في وقتها وفقت فيها

قمت معّ محتاج والا اسعدت شايب
انت ناسيها وربك مانسيها .

فهمت الحياه وعشت في مدرسة الايام
من العمر مايكفي مواجه خوافيها

من العزم امد النفس بالصبر والاقدام
ضعاف العزايم ماتبيني ولا ابيها .