وافين للوافين لو كان ما كان
وش لذة الاعمار لو ما وفينا .

البر شوفه ينسيك التعب و الهموم
والعالم اللي مقابلهم يجيب المرض .

الجو رايق والهوى فيه نسناس
‏والغيم متجمع بـوسط السما فوق

‏يالله ترحم ميت الارض والناس
‏وتشفي قلوبٍ مسها الضيق والعوق .

الجو ما هو شرط .. طلعة ولايف
‏يكفيك طيب اثنين خوه و مجنى

‏هذا يقول من السوالف طرايف
‏و هذا يجيب من القصيد المغنى .

يا أصحابنا برد المفاصل وصلكم
‏جمد عزايمنا وقيد خطانا

‏هاتو فراويكم وزيدو حطبكم
‏برد الشتاء ماعاد يمزح معانا .

مايهم برد العقارب ولا برد الشباط
‏البلا لا شفت قدمك وجيهٍ بارده .

‏عاش حرّ(ن) كـل ما زادت المَـيله عَلا
واعْتلى في قمّة المجد والطِّيب اعْتلاه
.
إيه نَنْـشد عن هـل الطِّـيب عقّـال المَلا
و نتنشّـد عـن رفيق(ن) نعزّه من غلاه
.
و الرّفيق الي ليا (شافني ) صابه بلا
والله إن يبطي وأنا مانشدته وش بلاه

. عبدالله_غالب_الشلوي

‏شيبتنا سود الأيام قــدام المشيب
وأرتوينا من حلاها وذقنا مرها

والليال المقبله ماعرفنا وش تجيب
مير ياربي طلبناك تبعد شرها...
.
أحمد البلادي

‏راحوا اللي في كبار المواقف ياقفون
وذكرهم لازال باقي على قيد الحياه

واشغلونا اللي يقولون ما لا يفعلون
الهروج اكبار والفعل ما يازن حصاه

ذيب_المهّــان

‏الخوه الخوه الله يرحم الخوه
ويرحم قبور الرجال اللي تقدرها
'
شيمه و فزعه وخفة نفس ومروه
صعبه على الجاهل اللي مايدبرها
'
فهد بن شعلان الاكلبي

‏عليك بالـقـرآن لا صـرت مـهـمـوم
ويزيح عن صدرك جميع الهمومي

وصلّ الصلاه بوقتها دايـم الدوم
تــرا البـشـر والعـافيـه مـاتدومي

سلمان بن دبسان

‏ٰ
لا تامن العقرب ولا تامن الداب
السـم واحـد لا رقـا فـي متونك

‏ياصاحبي بالوقت لاتامن أثنين
عدو أبوك وراعي القال والقيل

‏يالله طلبناك عفوك ياعزيزالجلال
يامن بجودك نجود وقوتك نستعين

نسألك يامن اليك المنتهى والمآل
أن ترحم امواتنا واخواننا المسلمين

حمود

‏سبح وهلل واحمد الله وكبر
اخير من دنيا الفناء والغرابيل

لا قلتها مخلص و قلبك تدبر
تلقى جزاها يوم جني المحاصيل

رجا

‏ضاقت علي كل الدروب الوساعي
امشي واخطط يابس القاع بالعود

ماهيب والله قصرةٍ فـي ذراعـي
مير الرجال إلها قوانين وحـدود

أحمد الناصر

‏السعاده كان ودك بالسعاده
في الصلاه اللي عليك الله فرضها

البارحه زعلان مدري على ويش
‏يمكن من الحرمان ولا محطم

‏لا والله الا ضيقو لقمة العيش
‏البنت تكشف والسنافي يتلطم .

دلل حبيبك ، وافهمه ، واعتني فيه
‏وفي كل موقف حط نفسك مكانه

‏تبسم بوجهه ، ورحب بطاريه
‏واحفظه في قلبك سوات الامانه

‏بيع الخلايق كلها لجل تشريه
‏المستحيل الصعب سوه عشانه

‏حبه ولا تسال عن أيام ماضيه
‏ولا تفكر بالغدر والخيانه

‏خل السهر يسرق دقايق لياليه
‏اجمل زمن بيمر عمرك زمانه .

مواقف الطيب محسوبه ومشهوده
‏ورجلٍ بلا طيب لا يذكر ولا يحسب

‏واللي كسبها بعرفه قبل مجهوده
‏فعايله طيّبه " ومجالسه مكسب " .