لا ضاق صدرك والحزن داخلك لج
استغفر الله خالقك هو يفكه

ينسيك هم العبد ومحارب الفج
علم ومؤكد ماوجد فيه شكه

و ان كان تبقى الاخره اطلب الحج
خير اقترابك للولي ارض مكه

‏يالهفي لبكره ووقــفة عرفــــــات
هاك الصعــيد اللي هو الحج كله
/
به تختلط دعوات ودموع وآهات
حسّار تحت الشمس يرجون ظله
/
له يرفعون أكفّ وآمــال واصوات
ومنهاجــهم سعي ٍ على خـير مله
/
يالله برحــماتك وعفـوك وجـنات
لعبيدك اللي في خشـوع ومـذله

‎#خلف_الفريد

‏ياباغي الرفعه ترى العز بالدين
لا عـز للانسان مـن غيـر دينـه
.
والمرجله عشق الرجال المديحين
ومـن كبها يا عنك تربت يمينه
.
سعود_القت

‏أنا أشهد ان الصمت للعاقل علاج
والعذر منكـم كان طـوّل سـكـوتي

لاكثـروا أهل الهرج ماني ب هـراج
ولانـي على بلـوى الخلايق شموتي

امـا كـلام ً مطلـعـه نـور وسـراج
ولا بلاشـي تسمـع النـاس صـوتـي

أعيـش لـي سيـرة ومبـدا ومنهـاج
مـن يـوم ميـلادي لـيـا يـوم مـوتي

ماجد_المسعودي

‌‎عشر_ذي_الحجة ،،
ِ
ِ
الذنب يعمي العيون أكثر من العجة
والنفس جهل وهوى وابليس مغويها

يالله وأنا طالبك في عشر ذي الحجة
تغفر لـــنا حـــاضر الدنـــيا وماضيها
ِ
ِ تركي_القرني
ِ

‏اللهُ أكبرُ في صُبحٍ تُجلِّلُهُ
أنوارُ مكة حَفَّت كُلّ مُشتاقِ
:
قد جاءَ حُبّاً ويحدو قلبَهُ أمَلٌ
يطوفُ بالبيتِ في ذُلٍّ وإشفاقِ

‏يا ليتني في أرضِ مكّة أبتغي
فضل الإله مع الحجيج أُنادي

لبّيك يا الله جئت ملبّيا
جردت من كلّ الحياة فؤادي

ظروفنا كثرت وقلت خطانا
‏ولا عاد ندري وش جديد الجماعه
‏ٰ
‏يطيب جرح وجرح قام يحدانا
‏والناس تحسبنا نحب القطاعه .

بعض المشاكل حلها بالفراسة
‏لا شان وجه الوقت وامتس حبله

‏يضيع فيها فيلسوف الدراسة
‏ويحلها لك شايبٍ يتبع ابله .

لو الغلا ينشاف في عين مخلوق
‏كان العرب شافوك في وسط عيني .

طبعنا وطبع اهلنا على مر الزمان
‏نحفظ المعروف لو إنْه فنجال قهوة .

انـا رفيق الكل من دون تحديـد
‏" حتى عدوي لا بغاني لقاني "

يابوي مالي في حياتي مطاليب
‏رضاك عني " غايتي وامنياتي "

‏يا تاج راسي يا معلمني الطيب
‏يا عزوتي يا هيبتي يا غناتي .

الحظ ماهو حظ من يملك المال
‏الحظ حظ اللـي تمّسك بدينه

‏الخير في قلبه توّثق ولا زال
‏وبعد رضا الله مرضيٍ والدينه .

إن جلسنا معزه ,, وإن رحلنا إكرام
‏وإن حكينا جزاله وإن سكتنا بحر .

ذاخرك للموقف اللي ماحدٍ يقدر يسدّه
‏واشهد إنك تضرب الكايد تقل تضرب سهاله .

حي الله اللي مجيّه يشرح الخاطر
‏اللي حديثه قراح وشوفته سلوى .

كسبت من دنيا العناء طولت البال
‏ما ارخيت راسي تحت موطى قدمها

‏لو حدني وقتي على هايف الجال
‏روحي على الدنيا طويلٍ نسمها

‏لا تبدي الحاجه على بعض الاشكال
‏الناس تال الوقت قلت شيمها

‏احذر من اللي ينقل القيل والقال
‏الحيه اللي سمها وسط فمها .

إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده .