نطيح من عين الردي مابها عيب
‏ولا همنا لو قال ما قال فينا

‏مدام نسكن في محاجر هل الطيب
‏ومنزالنا فـ عيونهم ما علينا .

رفقتك مثل الذهب بالهون والشده
‏ماتختلف . بإختلاف العالم الحآلي

‏غيرك إليا غاب ما حسبه و لاعده
‏وإلا إنت غير البشر دايم على بالي .

حتى وانا بالسفر ماغاب لك طاري
‏كنك مسافر معي بالصوت والصوره .

الضيقه اللي مانعتني عن النوم
‏الله يسمح درب ، منهو سببها .

لا تسولف عن فعولك خابرينك
‏والله انه .. ماوراك الا السوالف .

حظ الصغيّر من عنا الوقت مرتاح
وأحلام عمـره دوم ما هيـب صعبه
ٰ
مايلحقه شرهه من الناس لا صاح
واليا زعل من شي : ترضيه لـعبه !

اصبر على ما جاك وإقبل بما جاك
وحبل الرجا خله مباري لـ حبلك
ٰ
لو تضرب الدنيا من هناك لـ هناك
مالك من الدنيا سوى ما كتب لك .

اللي جحدنا ب الوفاء مَ بغيناه
شرواه في سوق البهايم نبيعه .

الموت لو نقدر نرده عن الغالي
ما فيه غالي من الغالين في قبره .

حي صوت لاسمعته ينسيني غثاي
مرحبا حتى لو إن الوصال مكالمه .

اللي تعود على الصاحين
يتعب مع العالم المرضى

مدام قولك وفعلك زين
اللي زعل منك لا يرضى .

يابوي مالي في حياتي مطاليب
‏رضاك عني " غايتي وامنياتي "

‏يا تاج راسي يا معلمني الطيب
‏يا عزوتي يا هيبتي يا غناتي .

الحظ ماهو حظ من يملك المال
‏الحظ حظ اللـي تمّسك بدينه

‏الخير في قلبه توّثق ولا زال
‏وبعد رضا الله مرضيٍ والدينه .

إن جلسنا معزه ,, وإن رحلنا إكرام
‏وإن حكينا جزاله وإن سكتنا بحر .

ذاخرك للموقف اللي ماحدٍ يقدر يسدّه
‏واشهد إنك تضرب الكايد تقل تضرب سهاله .