نطيح من عين الردي مابها عيب
‏ولا همنا لو قال ما قال فينا

‏مدام نسكن في محاجر هل الطيب
‏ومنزالنا فـ عيونهم ما علينا .

رفقتك مثل الذهب بالهون والشده
‏ماتختلف . بإختلاف العالم الحآلي

‏غيرك إليا غاب ما حسبه و لاعده
‏وإلا إنت غير البشر دايم على بالي .

حتى وانا بالسفر ماغاب لك طاري
‏كنك مسافر معي بالصوت والصوره .

الضيقه اللي مانعتني عن النوم
‏الله يسمح درب ، منهو سببها .

لا تسولف عن فعولك خابرينك
‏والله انه .. ماوراك الا السوالف .

يــــــومــــ الاثـــنـــــيــــن ١٨ شـــ ١٤٤٧ ـــوال

شخصين جنّب عنهم وابعد خطاك
‏لو ما تخاوي ،، بالعمر غير ظلك

‏اللي تسوي به جميلٍ ويجفاك
‏واللي يسوي بك جميل ويذلّك .

لامات صبر الحليم وضاعت الذمه
‏سافر بليا موادع و الطريق اطوه
‏
‏عزز طموحك و شد الحيل والهمه
‏مايرضخ المجد غير لواثق الخطوه .

إن عصتك الصعايب لاتحقر المُحال
‏وإن تبسم زمانك روّض المستحيل .

لا تنزعج من جفاي و طبعي الشارد
‏أنا أكثر انسان يمشي عكس رغباته .

طبعي مزوح وخاطري دوم مرتاح
ماشيل في قلبي على الناس حاجه .

اليوم لا عاد تستغرب ولا حاجه
‏لو بار فيك الخوي الصادق الخيّر

‏كم واحدٍ غيّرت الايام منهاجه
‏وانا احسب إن الكفو ماهو بمتغيّر .

يالله بفعلٍ عن اهل الفعل يفرق
‏وحضٍ اليا قام ، ماقام يتلدد
‏ٰ
‏وسمعةٍ ماكنّها الا " العود الازرق "
‏اللي لامن حركوا جمره تجدد .

يالله توفيقك ورزقك ومنجاك
‏وعطفك ولطفك والرضا والقناعه .