المكارم ماهي على كبر البيوت
كم كريمٍ سقف بيته من عريش

مايهم تعيش وافعالك تموت
المهم .. لامت .. افعالك تعيش

جرحٍ عطيبٍ وازرق الدمع كاوي
وليل الشقى يضرب على خافقٍ باد

جرح الزمن اصبح لقلبي مخـاوي
مثل الرفيق اللي عن الدرب ماحاد

اسير قلبي في همومـة شقـاوي
كنه سجينٍ سيـق للمـوت منقـاد

لاعاد له ضحكٍ ولالـه غنـاوي
ولا له مع العالم تباشيـر واعيـاد

بين الضلوع يجر صوته خـلاوي
يغني اجروحه شقى/هم واسهـاد

وش حيلته لاصار طيـره نـداوي
والوقت جايـر والمخاليـق نقـاد

‏صبرنا على الحاجه وعشنا عزاز نفوس
وحفظنا الكرامه...دونها ماتنازلنا

دعسنا على الدنيا.. على شان رفع الروس
ربينا على سلم المعزه وجاز لنا

هدفنا من الدنيا، نبي نكسب الناموس
على سلمنا وسلوم اهلنا..ولا زلنا

وفي الاخره، يالله في جنة الفردوس
عسى جنتك ياربي .اخر منازلنا

‏ياحلوهم قبل السنابات والحاله
ساتر الله خبـلهم مايعــرفـونه

واظهر الجوال ممشاه واخباله
حتى عرفنا خبلهم من تليفونه

مافيه من ينشد عن فلان وعياله
ماعاد عند الناس خبلً يدسونه

ترد الروح يا درب السفر ،، دام السفر فيني
‏( يرتب هالشعور ) اللي يحببني بنوم الليل

‏انام الليل كله ، وإن صحيت وصبّحت عيني
‏صباح الغيم والوجه الحسن والنار وريح الهيل

ليت الاحلام سهَله والأمـاني رحابه
‏وليت الأيام رغبه والزمن يستجيّبه
‏.
‏وليت بعض الطوُاري ماتجيب الكئابه
‏والليالي ماراحت به تعوّد تجيبه

‏يا ساهرين الليل شرهتكم على النايمين
‏انا مشاريهي على صدري وملّيتها .

له المرحبّا وله ابشر ، وله تمٍ ولبيه
وله عينيِ اليمنى قبل عيني اليسرى

ثنتين فيها بتقدر تكسب العالم
الكلمة الطيّبة و المنطق الهادي .

صباحك الورد والنسمه وشمس الصباح
وعيوني .. اللي جهدهـا شوفي البارحه
َ
كنك المطر لا نزل عقب السنين الشحاح
النـاس .. مستانسه والارض بـه فارحه !

ان جيت خل الكل يفرح بلقياك
محبوب عند الناس ويقدرونك

وفي غيبتك خل الجميع يتحراك
مثل المطر كل البشر يحترونك .

ما اقدر على بعده ولا اقوى خصامه
لا غاب احس بدنيتي شـي مفقود .

اللي يحدة للوفا طيب ساسه !
تلقاه حتى في عداواته شريف .

من طيب راسه كل ماحل طاريه
والنعم تفخر به وتنساق يـمّه ،

🗓️ يوم الأربعاء ٦  شـــ ١٤٤٧ ـــوال

الله هو اللي وزع الرزق بقياس
ومن دنيتك ما تاخذ الا نصيبك

ان زاد رزق الناس لا تحسد الناس
الله حسيب الناس والله حسيبك .

من عاش في ضل الرياجيل مسكين
حاسو مريره وافقدوه احترامه

أن كان منت تعيش رجلٍ حمر عين
اصبحت من ضمن الهلايم هلامه .

يازين سج القدم بارضٍ خلاويه
في ديرةٍ يوم اجيها ينشرح بالي .

الهقاوي طيبه والراس طيب
والليالي المقبله ماعرف خفاها .

مايرخص العمر غير اللي فقد غالي
وما زاد روس الدهاه الا تجاربها .