ما تشيِن النوايا في صدرَ " الكريم "
ولا تضيِع الجمايِل ، في عيُون الوفي .

انا على باله ، ولا مو على باله
سؤال دايم يراودني مع نفسي .

يا مسبب أوجاعي وكاسر شعوري
أحزاني الواجد تبي بس فرحه !!

لو كان يكفي عن غيابي حضوري
جيتك وجبت احساس قلبي وجرحه .

لا ياخذك شك في عقلك وياخذْك : خوف
انا لك لحالك انتي .. والبشر ( عفتهم ) ،

ماهوب لازم عشان احبّ .. عيني تشوف
امنت بـالله ، ورسول الله ، وما شفتهم .

لا توصّيني على قلبك كثير ،
كل شي أحرص عليه .. أضيّعه !

النفس : خيل و عزة النفس : خيال
ومن لاعسف نفسه يشوف الهزايم .

عسى السحاب اللي يسوق التباشير
‏يسقي قبور اللي عن العين غابوا .

الظروف تحد بسيوف القدر
‏وان شكيت الحال لله شكوّتي

‏اشهد انه شيخ والشيخه قدر
‏يوم ترحيبه قصر من عنوّتي

‏بيض الله وجه من دق الصدر
‏جيت له هاقي وصابت هقوّتي

‏الظنون تجنّب الوجه الودر
‏ابخص وجيه الرجال بنقوّتي

ما دريت إن المطر حب وحنين
‏وأنا على كثر المطر مشتاق لك .

تعال سولف لي عن البرد والليل
‏و الورد ورشاش المطر و العذوبه

‏بعلمك واعطيك شعري فناجيل
‏شعرِ لبس من نادر الشعر ، ثوبه .

من يلوم الغيم لا غطى سمَّاك
‏من حلاتك امتلت إرضْك مطر .

‏خلصنا من مجامل هل الحقد والتضليل
وجزنا من الي ما يناسب طبيعتنا

صالح القريني

‏نقضي على(الجوال)من الوقت ساعات
و(المصحف) تدور السنه مافتحناه

وأول مايسحب(هاتف)الشخص لا مات
و(المصحف) ليا حط في القبر يلقاه

مهنا السعدي

‏-

يـاوقـت الـشـدايـد فـادني كـل ماسويت
رغـم ان قسوتك يـاوقـت ماكنت طايقها
-
عرفت الصديق اللي طلع فوق ماضنيت
وياكثر اصدقـاي اللي صدمت بحقايقها
-
مهنا

‏ياقاطعٍ وصل الجماعه والأرحام
بالله عطني وش تفيد القطاعه

بكرة يجيك الموت والموت قدام
وتشوف ماقدمت في خلال ساعه

راكان_بن_محمد

‏مافيه حاجة تستحق الاكتراث
                كل الدروب لغير ربك قاتمه
يارب انا عبدك وطالبك الثلاث
             رضاك والجنة وحسن الخاتمة
.
.
احمد_الناصر_الأحمد

‏الرابح اللي إذا ضاقت بوجهه سجد
لا نزل الرأس لـ الخالق ، ودمعه رقى
ٓ
اللي لقى درب ربه بـ الزمن وش فقد
واللي فقد درب ربه بالزمن وش لقى
ٓ
لـ فيصل الرياحي .. رحمه الله

ان كان حظك مافرش لك وغطاك
‏لاترتجي من حظ غيرك يغطيك

‏مادام رزقك كاتبه يوم سواك
‏خلك صبور وقاسم الرزق يعطيك .

خلك على ربعك غصونٍ مضلّه
‏ملاذ عن حر الزمان وعجاجه

‏وإن جتك منهم يابيض الوجه زله
‏اضحك وسولف كن ماصار حاجه .