احب الرفيق اللي يحافظ على مبداه
يصون الرفاقه ما اختلف في مباديها .

‏اللي على الشده ضعيفه عزومه
تدوسه الدنيا تحت رجلها دوس

خليل بن هدلان

يا بائع الصبر لا تشف

ظروف الزمان المر تمشي على المقلوب
ودروب الصبر صارت طويلة ومنعاجة

صبرنا على سـود الليالي صـبر أيوب
لكـن صبـرنا عـيًا يسـوي لـنا حاجـة

بنـادم يحـاول بـس مالة عن المكتوب
وكلن حسب قسمة و حظة و منهاجة

احـد جاتـة الدنيا على غاية المطلوب
واحد مثل ماقالو ظروفه على الصاجة

علي الفزي

أتعبت نفسك بالسّفر و المشاوير
و إذا سألتك قلت هذي الاناسه
.
ترى الاناسـه جلستك حـزة عصير
مع شايبٍ شيّب من الوقت راسه
.
سـوالـفـه تعطيـك نبذه و تصوير
عن ما مضا و تزود فيك الحماسه
.
معك يسولف من محبه و تقدير
كنّـه يدرّسـك السـوالـف دراسه

شجاع_بن_سعيدان

الا واهني اللي ليا حط راسه نام
زمانٍ يلوع أهل المواجيب مالاعه

والاواعذاب اللي ليا غط ساعه قام
كما حال طفلٍ راقدٍ له على راعه

محمد_أبوعبيه

صيحتك في نظرة الطيب علاج
والا ضعيف النفس صعبن علاجه
'
لو قلت له وسط الحرم حج ياحاج
يشيل في نفسه ويعقد حجاجه
'

اتغيشم في زماني وانا ماني غشيم
واسفه العوجا ماكني سمعت ازعاجها
.
ادري ان الموت الاحمر لياضاق الحليم
كم هروجً قاصرً دونـها هـراجها
.
والخطاء لاجاك من واحدٍ فكره سقيم
صدة النفس الكريمه تراه علاجها
.
واللجاجه بالمجالس تـراها للحريم
والرجال رجال في ثقـلها منهاجها

نصيحتي للكل من دون تحديد!
وأبدى بنفسي قبل نفسي تولّي
ٰ
أبختصر في شطر ماودي أزيد
والله ما يرتاح غير " المصلّي "
ٰ
فواز_بن_محيلب

الناس واجد مير مامثل الاخوان
مامثل اخوك اللي يحبك ويغليك

مامثل اخوك ألي صدوقٍ وعوان
تفديه بالغالي وبالروح يفديك

يشكيلك جروحه وهمه والاحزان
ولا ضاقت الدنيا بهمه يواسيك .

لا تنصدم في صدةٍ مالها اسباب
بعض البشر ماله مع الناس مبدى

يامعاتب الناس لاتعتب ولا تشره !
‏موارد الطيب بين الناس معروفه

ريح الحطب والبرد ومقابل النار
‏تجلي عن الخاطر ( همومٍ كثيره )
‏.
‏والدله اللي وسطها ( بـن وبهـار )
‏تشفي جروح اللي جروحه خطيره

من لاحسب قبل النسب معدن الخال
‏" لا ينشد المولود ،، من وين عيبه "

الرجل تعرف ميزته من ردوده
‏إليا سمع رد الهروج ايتقصى

‏وإلا الردي مسكين كلٍ يقوده
‏يبقى على ماقيل خبل موصى .

دام النوايا في حشانا سليمه
‏ماهمنا من قال فينا ومن عاب .

ياحبني للنفوس اللي على الفطره
اللي على العز ، وقفتها وممشاها

اذا زعلك صاحبك واوجعك بعلومه
‏تحمله واطيب افعاله تذكرها

‏انشد مجرب وانا بعطيك معلومه
‏الحر ما يجحد العشره وينكرها