إن مزحنا لجل تخفيف الطعون
إبتلشنا بالصدور الضايقه

وإن سكتنا مامزحنا يزعلون
ما عرفنا كيف نرضي الذايقه

ماعاد هي لحيّة مساري وتذكار ..
‎يوم اكتشفت ان الليالي سريعه

إليا متى اغطي ذنوبي بالاعذار
‎وإليا متى رد القطيعه قطيعه ..

'نسابق العالم برحله ومشوار'
‎ونردد اللي باعك اليوم بيعه ..

نعيش بالدنيا من ادوار لـ ادوار
‎وما نتّعض الا لاجات الفجيعه

في وقتنا وصل المقّفي من العار
‎نكبر وننسى من حقوق الشريعه !

من الطبيعه ، يقلب الجو بـ غبار
‎لكن يدوم اغبار ، وين الطبيعه !!

لو يستمر الليل من دون الانوار ،،
‎بنّسمي ايام السنه بـ اسم ضيعه

ولو يمسك الجاهل مشوره وينشار
‎بتشوف له بين الوجيه الوضيعه ..

الصيف لو طوّل مع جوه الحار
‎" اكيد بـ يصدّه شتاه وربيعه " ..

واللي لزم نفسه على وقت الاسحار
‎عدّه بعد ربي حفظ له وديعه

الصاحب اللي ينصحك لا تمله
‏هو راس مالك فـ الليال المعاسير

‏واللي يخاف العيب ويراقب الله
‏احرص على خوته كانك تبي الخير

‏واحفظ لسانك لا يجي منك زلة
‏تندم بيوم ٍما تفيده معاذير

‏وابعد عن دروب الردىٰ والمذلة
‏فوق ٍ على ذنبك هموم ومخاسير .

الرزق مكتوب والأقدار مكتوبة
‏لا تشغل البال بالدنيا ومافيها

‏احرص على طاعة المعبود والتوبة
‏وباقي أمورك ترى ربك يسويها .

نمشي على الأرض دام الأرض ممتده
‏و أن أظلم الليل ما تهنا ولا ضعنا

‏عشنا التجـارب و ذقنا الليِن والشده
‏وعجايب الوقت توجعنا و تنفعنا .

يالله عسى الوقت يمضي على خير
‏وكل الامور اللي على البال تفرج

‏وتشرق لنا شمس الامل بالتباشير
‏ونلقى لنا من ضيقة الصدر مخرج .

انت الاخو اللي على الطيب ممشاك
‏" وانت الكفو اللي ،، تعادل قبيله "

نفوسنا سمحه ، ونياتنا بيض
‏واللي يجي بقلوبنا بـ ألسنتنا

‏نقول قول الحق لو انه يغيض
‏هذي معادنا ، وهذي سمتنا .

لا شفت أحد طاح لا ترمي سكاكينك
‏الوقت دوّار لا تشمت : ولا تضحك
‏ٰ
‏بكرة إذا طحت والدمعة ملت عينك
‏بتشوف منهو يجي يضحك على جرحك

احب الرفيق اللي يحافظ على مبداه
يصون الرفاقه ما اختلف في مباديها .

‏اللي على الشده ضعيفه عزومه
تدوسه الدنيا تحت رجلها دوس

خليل بن هدلان

يا بائع الصبر لا تشف

ظروف الزمان المر تمشي على المقلوب
ودروب الصبر صارت طويلة ومنعاجة

صبرنا على سـود الليالي صـبر أيوب
لكـن صبـرنا عـيًا يسـوي لـنا حاجـة

بنـادم يحـاول بـس مالة عن المكتوب
وكلن حسب قسمة و حظة و منهاجة

احـد جاتـة الدنيا على غاية المطلوب
واحد مثل ماقالو ظروفه على الصاجة

علي الفزي

أتعبت نفسك بالسّفر و المشاوير
و إذا سألتك قلت هذي الاناسه
.
ترى الاناسـه جلستك حـزة عصير
مع شايبٍ شيّب من الوقت راسه
.
سـوالـفـه تعطيـك نبذه و تصوير
عن ما مضا و تزود فيك الحماسه
.
معك يسولف من محبه و تقدير
كنّـه يدرّسـك السـوالـف دراسه

شجاع_بن_سعيدان

الا واهني اللي ليا حط راسه نام
زمانٍ يلوع أهل المواجيب مالاعه

والاواعذاب اللي ليا غط ساعه قام
كما حال طفلٍ راقدٍ له على راعه

محمد_أبوعبيه

صيحتك في نظرة الطيب علاج
والا ضعيف النفس صعبن علاجه
'
لو قلت له وسط الحرم حج ياحاج
يشيل في نفسه ويعقد حجاجه
'

اتغيشم في زماني وانا ماني غشيم
واسفه العوجا ماكني سمعت ازعاجها
.
ادري ان الموت الاحمر لياضاق الحليم
كم هروجً قاصرً دونـها هـراجها
.
والخطاء لاجاك من واحدٍ فكره سقيم
صدة النفس الكريمه تراه علاجها
.
واللجاجه بالمجالس تـراها للحريم
والرجال رجال في ثقـلها منهاجها