لينك الملزمة المستخدمة في الفيديو
https://drive.google.com/file/d/1mLfBPW1pRntQfGkGNlmDa_kHvG-J3nl2/view?usp=sharing

اكبر عدو لـ اي انسان "الفراغ" انت لو فاضي دماغك هتفكر ف كل حاجة وحشة تقوم تعملها، هتدور على الذنوب وتقوم تعملها، هتتكلم على الناس وتغتابهم وممكن توصل لدرجة تبقى عايز تأذيهم ما انت فاضي بقا، هتتابع ناس ملهاش لازمة ع السوشيال ميديا لدرجة هتلاقي نفسك بتزعل ل زعلهم وتفرح ل فرحهم، دماغك وقلبك هيعيشو في تعفُن مش هتقدر تشيل مسؤولية حاجة ف دراستك او شغلك او تطوير نفسك هتلاقي إنك بتمل وتزهق بسرعه علشان انت اخدت على الفراغ وإن دماغك تبقى مشغوله بالملهيات بس، علشان كده متسبش نفسك فاضي ومش شرط طول الوقت بتدرس هي الحياة مش كلها دراسة "اشغل نفسك بـ نفسك" إنك تطور عقلك و معرفتك بـ دينك تقرأ وتحفظ قرآن، وبعدها مش هتلاقي Space جواك للناس او للملهيات والذنوب.

بسم الله الرحمن الرحيم،

الحمد لله وحده، والصلاة والسلام على من لا نبي بعده..

حبينا نتكلم في سلسلة من البوستات الخفيفة عن، كيفية إستغلال الإجازة بشكل صحيح؛
خصوصًا إن أغلبنا خلص امتحاناته وبدأ الإجازة — واللي لسه بيمتحن أو ما بدأش، مش ناسيينكم، ربنا يوفقكم وعقبال ما تحصلونا، إن شاء الله. 🫡

وحبينا نفتتح السيرة بأننا نناقش قضية مهمة، والـ هيكون عنوانها، إن شاء الله:

الشّرود المدعىٰ. 🧠

كلنا بنستنى فترة الإجازة دي عشان نرتاح من زنقة الوقت، وتراكمات المواد، والضغوطات النفسية الـ بتلاحقنا طول مدة السيميستر الدراسي، ومـ بنصدق ناخد استراحة محارب، ودا مش غلط، بل بالعكس صحي، وأمر مستحق.
لكن الغلط لما الفراغ المتاح لينا دا نتمادى في تضييعه، بحيث ان وقت ثمين، وايام كثيرة ممكن نستثمرها في مشروع عمري، تضيع هباء، ولن نراها إلا يوم القيامة.

ففي البخاري عن حديث عبدالله بن عباس - رضي الله عنهما - أن رسول الله ﷺ قال،

📍 "نعمتانِ مغبونٌ فيهما كثيرٌ منَ النَّاسِ... الصِّحَّةُ والفراغُ."

قف عند الحديث دا وتفكر فيه شوية كدا، وٱسال نفسك بصدق. هل أنا مغبون في النعمتين دول ولا لأ؟؟

انت غالبا يومك بيبدا بمسك التيليفون اول ما تقوم من النوم، تقعد تقلب في السوشيال ميديا، ما بين عوشروميت بوست ورِيلزات شتى، من مختلف الأقاليم والمجالات — ممهدة بخواريزميات، ممنهجة، وموجهة، ومفصلة، لكل مستخدم ولكن بهدف موحد، ألا وهو:

"ازاي نسحب منك إهتمامك ونستنزف تركيزك"

وبالفعل. هو دا الـ بيحصل، وبتفضل على نفس الحال دا — متقلب، بين بوست وبوست، تطبيق لـ تطبيق — لانك بتفضل تشغل وقتك ووتركيزك هرباً من "الملل" اللاحق بالفراغ الكبير المتاح لك دا. وفي آخر اليوم، هتغدوا مكتئب بسبب التيه والتشتت وعدم الإنجازية الـ حطيت نفسك فيها دي.

ليه؟
لأن غالبا من لفّك الكثير دا في المواقع، مش هيظهر لك غير الناجح؛
واحد واصل وبيوثق لحظات الوصول لمسعاه المراد، لكن مش هتشوف سنين التعب وفترات المكابدة الـ وصلته لهناك. واكيد مفيش داعي طبعا اننا نجيب سيرة المحتوى التافه السخيف الذي لا يهتف لشيء.
وهتشوف النموذج المثالي دا متكرر لك كثير.
اللي يخليك تحس إنك متأخر، وإنك ضيعت فرصة، وإن كان ممكن تبقى في مكان تاني لو بدأت بدري شوية.
نفس النماذج دي الـalgorithm بيغذيها لك، وهيضربها لك أوس ١٠. هتقعد كل ريل ولا بوست تشوف نفس النمط، حد شاطر جدا في حاجة في المجال (او خارج المجال، عادي برضه) تحبطك،
تحسسك ان في "potential ما" راحت منك، بس انت يا غلبان ملحقتش السباق.

والله يا شباب الملل دا نعمة، ومساحة تفكير عظيمة؛ بس إحنا الـ مش عارفين ازاي نواجه الملل دا ونستغله صح في ان احنا نسعى ونصنع لنفسنا مشروع مثمر سواء لدُنيانا او أُخرانا. ودائما ما بنُقابله بالهروب المؤقت بالـscrolls.

والحقيقة يا شباب، آفة التشتت ووهم الإنجازية ما هي إلا مشكلة مستحدثة بسبب وفرة الخير الـ احنا فيها دي، وفرة غير مسبوق لها أجل.
كثرة المصادر، والبودكاستات، والكورسات الـ بقت في متناول اليد دي ما هي إلا خير، ولكن، عدم وضع منهاجية في تحديد الأولويات من الأهم ثم الأقل اهمية، ووضع الأهداف الواضحة، هو سبب كبير في توهان الواحد بين الخير دا كله.

لأن زمان، قبل زمن السوشال، كانت الناس عندها اهداف محددة ليومها.
كل واحد عارف دوره كويس، ومطلوب منه ايه.
من الفجر للعشاء، ☝
بين شغل وغدا وراحة وصحاب والمدام والعيال والنوم.
انما دلوقت انت بتسمع شوية بوتكاست هنا، لمقال حلو هناك، على شوية scroll بين هذا وذاك؛ مقطع بيديك شعور إنك فهمت، وبوست يخليك حاسس إنك اتعلمت، مقارنات بين مصصادر وموالااات تحسسك إنك بتخطط وبتنجز… لكن في الحقيقة، مفيش حاجة بتتحط على أرض الواقع.

وقد قيل أن العلم يهتف بالعمل، فإن أجبته وإلا ارتحل.

ومع تكرار الأيام بالشكل ده، بيبدأ عندك نوع من الإحباط، وإحساس إنك متأخر، وعديم الإنجاز.
إحساس إنك كنت مشغول طول اليوم، ولكن بدون أي فائدة معنوية أو حسية.
كله بسبب التيه المزيف الـ صنعته لنفسك دا. طب وليه من الأول بقا تعمل الفخ وتقع فيه؟؟؟ 🤔

تفكروا كويس في الكلام دا، وكل واحد أدرى بما، ومن أين يؤتى، لان تحديد المشاكل هو رأس الحل، إن شاء الله.

وحتى لا نطيل الحديث على حضراتكم، خلينا نكتفي بهذا القدر، ونسيبكم تستمتعوا شوية بالإجازة شوية عشان ما نقفلهاش عليكم من اولها كدا. 😅
ونكمل حديث إن شاء الله في المقال الـ جاي؛ ودا هنبدا نشوف فيه حلول لمشكلة تضييع الوقت دي ونناقش فيها "طرق نعيد بيها ضبط الإجازة".

لا تنسونا من صالح دعائكم،

والسلام عليكم ورحمة الله وبركاته. 🤍

#إجازة_برا_الجدول

المحاضرة الأولىٰ:
{في الكورس التأسيسي}
لـ☜يتبع مع المحاضرة الملف الخاص بها

*فريق دعم معاك للآخر*

بإذن الله جميع ما يخص الأحياء هيكون بنفس الكيفية وأفضل
بالإضافة إلى مقاطع مرئية تشرح الأجهزة الحيوية وآلية عملها بطريقة مبسطة
وانتظروا مفاجأة سأعلن عنها خلال الأيام القادمة

رابط القناة
https://t.me/+typphC_53JlmNjY0

المحاضرة الثانية:
{في الكورس التأسيسي}
لـ☜يتبع مع المحاضرة الملف الخاص بها.

*فريق دعم معاك للآخر*

المحاضرة التأسيسية الأولي
https://youtu.be/TcOJlHPkCoY?si=JCHTlVo4Frt-_vRH
ملزمة المحاضرة التأسيسية الأولي
https://drive.google.com/file/d/1mLfBPW1pRntQfGkGNlmDa_kHvG-J3nl2/view?usp=sharing

لاااازم تحتفلوا معانا 🤭
فاضل ماده 😍☝️
وخلاص فاضل تكه 🥳🥳🥳🥳
دعواتكم بقى نكمل الرحله ونطلع منها مجبورين القلوب اللهم ءامين 🫂🫂🫂🤍

في حلقة من "قلبي اطمأن"، وقفت قدام طفل اسمه زهير. طفل عنده 12 سنة، بس الحقيقة إن ملامحه والمسؤولية اللي شايلها أكبر بكتير من عمره اللي هو نفسه ميعرفهوش.
زهير طفل يتيم الأبوين، لقى نفسه فجأة في مواجهة دنيا كاملة، مش عشان يعيش طفولته، بس عشان "يطعم إخواته الصغار". لما غيث سأله عن سبب شغله، رد ببراءة تقطّع القلب: "عشان أسعد وأطعم وأأكّل إخواتي".
الجميل والموجع في نفس الوقت، إنك طول الحلقة مش هتشوف من الطفل ده غير بشاشة الوجه، رضا حقيقي طالع من قلب نقي مش شايل هم بكره رغم كل القسوة اللي شافها. الرضا ده كان قوي لدرجة إن المذيع نفسه صوته تخن وضاق من الحزن والتأثر، وفي اللحظة دي بالذات، وبمنتهى الرحمة والعفوية، الطفل هو اللي بص للمذيع وقاله: "أنا عايز أسعدك".
موقف يخليك تقف مع نفسك وتفكر.. طفل مكسور ومحتاج، بيبحث عن سعادة غيره وهو في قمة معاناته. درس حقيقي في معنى الرحمة، والمسؤولية، والرضا اللي بيصنعوا من الأطفال أبطال حقيقيين في زمن صلب.
الله يحفظه ويحنن عليه قلوب عباده.

لماذا أبتلينا بهذه الفتن؟