-وشنو الماخسرته ورايد اربح بيك؟

مر بيه فاهي العمر
وأتطعم بشوفتك
بيك انت ملح العشگ
السواك عنده خلگ
چي ضلك انت الشمس
تمشي انا اموتن برد
تتقرب انا احترگ
يالوگفيت الهوى
متشوف كل ما تجي
تلگاني بس مختنگ
تروح انت خايب صدك
عاد احنه خل نلتقي
بعدين خل نفترگ

من لــوعتي غنيت حـــد البچي

مَشهد غيابَك خرابة
وصوتَي مبحوح شيَصيح
والشـوارع كُلها مسكُونه
وصَفير وصُوت رَيح
والهَياكل والجَماجِم ملحَمه
والناس كُلها ميتَه
ووحدَي أعثر وأطيح
ولو خَبر منك يجيني
الناس تعدَل من جديد
ضوَه يبين من بعَيد
مَطر ينزل
شمَس تضحك
المَشانق تنصَب مرجوحة
لأطفال الشَهيد .

مَن عِدها وعرفت بنشغَة المگتول
شتعَوف الرصَاصه احَروره بالتفگه
مُن اموت برودتَك خَليها عَ التابـوت
وبَيدك گون نَعش جنازتَي طبگه
وخَليلي دمَعتك عَ الگبر نيشـان
خَاف بجفَن كَبري دمَوع مِا تلگه
خَاف يمُر وَكت
خَاف يمُر وَكت وتزورني مِن بعَيد
تدَليك بمگاني حَرورة الشهَكه

ماعندي مشاعر
زايدة بگلبي
اوزع بيها واني امشي
المشاعر مو جذب
أنه نغشيت
من گتلي الجسد
الـ بلا أثر ينعاب
لذلك عفت لچماتك
زرع متروك يم الباب
وأبشرك جنه من نكعد
ولمه وصحبه ونتسامر
جنت ما أسمع شيحجون
صوتك جان طاغي
بكَل أذن تسمع
صوت الصدى
الـ يدخل بالكهف ينعاد
صوتك الـ بوسط
أذني ولا يطلع .

سواد الليل يُبقى
وتُطفى الألوان
وأعَيد بذكرياتك
والمَشاهد.

بَيّاع من يشتري حزني وموَاويلي؟
وينطيني گلبه الخلِي وياخذ سَهر ليلي ..

گِتلة قررت باچر أعوفك
وأنتحر وَ أنسى !
باچر گَلي ماموجود ممكن تنتحر هسة ..؟
وَشعر دزيتلة بطلاع الروح .. يشرح حالتي الصعبة ..
گِلي الله أجه بوكتة
وَدزة لواحد يحبه .

گمت ما ادري ، اروح لوين !
‏اطب للبيت ،
‏احس شلون الملاگيك
‏غلطتي بكل مكان بـ بيتنه محاچيك

١١:١١صَ

آثاري أنتَ وجع مرغوب عد گلبي

بَيّن بعينَك مَلل إي والكَفيل
عميَة عين الـ خَلتك مَليتني
ياهو مثلي الحَبك وحَط روحَه بيك
ثلجَة وبنُص موگدَك حَطيتني
چنت أضَويلك درب من شَح ضواك
ومن إجَتك اوادمَك طَفيتني !
قَشمرتني بـ ها حبيبي وبعد ابوي
ومدري بأسماء شكُثر سميتني
راح أصدگ بالـ حسَب نجمات الليل
وما أصَدگ من صُدگ حبيتني .

گطره بشط عشرتك
راحت ويا الروج
اذا رايدنا نرجع
غربل الماي

يحادي الضعن نزل الولف مو مال
الخصر عن الجمل والدرب مو مال
المغرب مال شوف وشبگ مو مال
جفه ما يصلح تكطعون بيه

احَضُني گبّل لا امَوت ..
باچَر جَوة گَاعي اعَظام تِلگانيّ
باچَُر كُلهَا غُربهَ اتعِيش بمَچَاني
سِّمَهم تارِس الشَارع
او واحِد يقَصّف الثَاني
ومحَد طاح مِن عَدهُم
الطايَح بيهَا بَس اني !

- رسَول محَسن .

وحَگ هِذا المُطر مَاردت أزعِلك
ولوُ معَتذر منِي بساعَة الضِيج
شرطَ لوُ جاينِي كَتال أقبّلك
شلوُن أفهَمك
هِذا مَو أنِي العَنيد المِا يسامَح
الدنيّا كَسرتني
وترةٌ المكَسور طبعةٌ يكَون جارحّ
ردتَك تعلمِني أحَبك مِن جَديد
يـَ الوحِيد ورغُم خَذلانة وحِيد
گُلتلك تحملنِي وضعَي مِو تمَام
يّا سِراب شمَا أجيّك تظَل بعِيد .

بية مُطر ومحزم غيوم
هوة الـ گبد مَثلوم مَثلوم ..

شفته ونگلب لوني
ومدري شصار بعيوني
وبسمك أهلي سموني
وخيعوني وخيعوني
وذا ما شالتك هاي الگاع
والله تشيلك عيوني