تعرف كلشي بيه
وماعرفت شبيك
لُغز حلك صعب
من يگدر يحلك
واشرد حتى اجيك
ومدري ليش الخوف
واخاف تخاف مني
بسدّك اختلّك .

يا گلبي
يالما بيك ظنّة
اركد ولك ..
مامش محنة
لا بالغريب و لا بهلنا

يا بَذات يالگِطعي يمَا تِهتم
كِتبنالك قصَايد نِبچي بيهِن دَم

ضَلام أنتَ بحَياتي وضُلمك هواي
وأضوكِك مُر وأكولن لا طَعم هَيل
وأعرفك خايّن وأدريِك بذات
وتِريد ويَاك اخَلصها بتواسِيل
ولك وأعرفك كَبلي عاشِك واعرف البيك
وضِميت الأسرار بوحِشة الليَل

أنا بلياك مَدري
شبيه مـا بيه
زِلف وبلايه ترچيه
درِب مابيه كل جيه
نهَر فاض وتِبع ميه
رجَع بس ما لگه جروف
وكُون تشوف روحِـي
شخلى بيها الخوف
مطلوبه نِذر وتخاف
ماتوصل حضرتك
من بعيد تطوف
- جَـبار رشِيد

هاذا السَواد الجوه العيوٌن انتَ .

بچفوفچ شگد شِعر
أسراره ما تنحچي
ثوره وقصيده وعشگ ،
طاحن بتالي العُمر
ومسودن آنه من أحب
لو أموت لو أنتصر !

وتذكِر بشتَه لمن نسد البوب
ونبدي نام متعوّب بحضن متعوّب
شلون نتوبٌ ؟
وهي عرگه عمام مطاك لو طكوك ترد بثنيهن مغَلوب !
كافي عتــاب
تضم ألسِانك مِن الويگ يدة باب
وتبطي بطلعتك بسنون جاهِل ناب
وأنه تشريني وفراگك رصاص احزاب!

لا يمَي وأحضنك وأخبط الرُوحين
ولا أنت البعيد الما ألكَ جية
لا سرك مثل يوسف وأشمرة بير
ولا أعرف أضم اليحترك بية
حُبك وين تاليه
عندي أحلام صارن سوُد
وأنه أضحك وأگول أحلام
ورديةٌ
وضباب بداخلي ونسِيان
وأذا گدامي وجهِي يصير ما
أعرُف معانية
حُبك ويٌن تالِيتة
لا تسئلني بيك أحتار قَبل لا أعرف
أنتَ شبيك
خليني أعرف شبيةٌ .

-وشنو الماخسرته ورايد اربح بيك؟

مر بيه فاهي العمر
وأتطعم بشوفتك
بيك انت ملح العشگ
السواك عنده خلگ
چي ضلك انت الشمس
تمشي انا اموتن برد
تتقرب انا احترگ
يالوگفيت الهوى
متشوف كل ما تجي
تلگاني بس مختنگ
تروح انت خايب صدك
عاد احنه خل نلتقي
بعدين خل نفترگ

من لــوعتي غنيت حـــد البچي

مَشهد غيابَك خرابة
وصوتَي مبحوح شيَصيح
والشـوارع كُلها مسكُونه
وصَفير وصُوت رَيح
والهَياكل والجَماجِم ملحَمه
والناس كُلها ميتَه
ووحدَي أعثر وأطيح
ولو خَبر منك يجيني
الناس تعدَل من جديد
ضوَه يبين من بعَيد
مَطر ينزل
شمَس تضحك
المَشانق تنصَب مرجوحة
لأطفال الشَهيد .

مَن عِدها وعرفت بنشغَة المگتول
شتعَوف الرصَاصه احَروره بالتفگه
مُن اموت برودتَك خَليها عَ التابـوت
وبَيدك گون نَعش جنازتَي طبگه
وخَليلي دمَعتك عَ الگبر نيشـان
خَاف بجفَن كَبري دمَوع مِا تلگه
خَاف يمُر وَكت
خَاف يمُر وَكت وتزورني مِن بعَيد
تدَليك بمگاني حَرورة الشهَكه

ماعندي مشاعر
زايدة بگلبي
اوزع بيها واني امشي
المشاعر مو جذب
أنه نغشيت
من گتلي الجسد
الـ بلا أثر ينعاب
لذلك عفت لچماتك
زرع متروك يم الباب
وأبشرك جنه من نكعد
ولمه وصحبه ونتسامر
جنت ما أسمع شيحجون
صوتك جان طاغي
بكَل أذن تسمع
صوت الصدى
الـ يدخل بالكهف ينعاد
صوتك الـ بوسط
أذني ولا يطلع .

سواد الليل يُبقى
وتُطفى الألوان
وأعَيد بذكرياتك
والمَشاهد.

بَيّاع من يشتري حزني وموَاويلي؟
وينطيني گلبه الخلِي وياخذ سَهر ليلي ..