السلام عليكمم...
تعديل بسيط على عدد مسائل التأهل...
اللي حل ٧ او اكتر اتأهل لتاني كونتست و اللي أقل من ٧ هيكون iron 😃🤍

السلام عليكم...
انا محمد صلاح ال community head حاليا لحاسبات القاهرة و كوتش لتيمين اتأهلوا الACPC السنة دي والمفروض أن التيم الواحد بيدفع 1.5k دولار و بندور على sponsors يدفعوا ال acpc fees دي ولكن لحد دلوقتي مفيش sponsors وباقي ١٤ يوم على الدفع فأضطررنا لعمل fundraising، جمع تبرعات عشان نقدر نساعد ال teams أنها تدفع فلوس(fees) الACPC

دا لينك ال fundraising لو حد يقدر يساعد
https://gogetfunding.com/help-fund-acpc-fees-fcai-cu/

و دا لينك بوست على لينكدان لو حد يقدر يshare react comment
https://www.linkedin.com/posts/salahfci_help-fund-acpc-fees-fcai-cu-activity-6982057505816231936-ZAKf?utm_source=share&utm_medium=member_desktop

بالنسبة لو حد عنده مشكلة في الدفع على الموقع فيقدر يدفع vodafone cash على الرقم دا 201014858417

شكراً 🤍🤍

https://codeforces.com/blog/entry/107523
Upvote here please 🤍

ازاي تضمن انك تشتغل في جوجل 🤔
https://youtu.be/e18gzzekdaI

السلام عليكم و رحمة الله ❤

جه وقت ال team formation contest 🔥

الteam formation contest هي contest بتتعمل كل سنة في وقت التقديم للECPC علشان الناس الي لسة مكونتش teams تعرف تلاقي ناس تانية عايزة تشارك في المسابقة في مستوي قريب من مستواها 🤝 و الناس بشكل عام تتعود علي جو المسابقة و الفترة الطويلة في التفكير و الحل.🥵

إن شاء الله الteam formation هتتعمل offline في الكلية يوم الجمعة 28/4 الساعه 1 ظهرا🌞 و مدتها ٥ ساعات ⏱ هتكون في معمل ٦ و ٧ و ٨.

ملحوظة: الكونتست لطلاب حاسبات و ذكاء اصطناعي جامعه القاهرة فقط.⚠

اي حد هيشارك في الcontest يا ريت يملا الform دي:
https://forms.gle/Ydz3PepGb3W3uLJXA

و بالتوفيق في الكونتست ❤❤❤

تنبيه مهم بخصوص ال team formation contest ⚠️:
-احنا مش ضامنين أجهزة المعامل هتكون شغالة ولا لا و حتي لو شغالة مش ضامنين هل النت هيكون واصل ولا لا ... فالأفضل ان كل واحد يجيب اللاب بتاعه و يعمل حسابه في باقة نت.
- ال team formation هتكون فردية ... يعني كل واحد لوحده مش فرق.
- غير مسموح بأي سيرش على النت، ما عدا الموقع دا تقدر تفتحه عادي https://en.cppreference.com/w/
- تقدر تجيب اي اكواد لأي algorithm او data structure و ما الى ذلك بس ك hardcopy، تبقى مكتوبة أو مطبوعة على ورق يعني، مينفعش تجيب فلاشة تحط عليها الاكواد ... و الناس اللي هتجيب اللابتوب بتاعها مش هينفع بردو تنقل من اللاب اكواد لو عليه libraries او references يعني.
- و طبعا مينفعش تستخدم الموبايل ولا الآلة الحاسبة (ممكن تستخدم اللي في اللاب).
- المسائل مش مترتبة يعني مش شرط أسهل مسألة تكون أول مسألة.

السلام عليكم و رحمة الله
- بنفكركم ب كونتست ال team formation بكره بس الميعاد اتعدل فهتكون الساعة 2 الضهر بالتوقيت الصيفي الجديد عشان الصلاة.

- فيه ناس هتحضر الكونتست في مدرج ابراهيم فرج ف يا ريت تعملوا حسابكم في مشترك.

- شوية تنبيهات يا ريت تقرأوها:
https://www.facebook.com/icpcfcaicu/posts/594128969410573
https://www.facebook.com/icpcfcaicu/posts/593561262800677
بالتوفيق ❤️

ال team formation contest خلصت 💪

دلوقتي المفروض الناس الي لسة معندهاش فريق لل ECPC تتواصل مع الناس الي قريبة منها في المستوي علي حسب ال contest عشان يكونوا فريق من 3.

ال sheet ده فيه كل الناس الي دخلت الteam formation و بتدور علي فريق, لو حابيين تتواصلوا مع بعض ممكن تبتعوا لبعض علي codeforces و الhandles بتاعت الناس علي codeforces موجودة في الsheet.

Sheet link : https://docs.google.com/spreadsheets/d/1SYwfKWI00lfk3klEREnDWAHfEt88B_44AwicN3Uazi8/edit#gid=0

لو حد شارك في ال Team formation و مش لاقي اسمه في الشييت ممكن يبعتلنا.

بالتوفيق❤️

السلام عليكم و رحمة الله و بركاته ❤️❤️

البوست ده خاص بطلاب حاسبات و ذكاء اصطناعي جامعة القاهرة فقط فيا ريت لو انت مش من الكليه تتواصل مع كوتشز الكوميونتي بتاعك بخصوص أي سؤال عن المسابقة و التسجيل هيفدوك اكتر مننا 🫡

جه وقت التسجيل في مسابقه ال ECPC 🥳🥳🥳 و البوست ده هيكون فيه خطوات التسجيل بأذن الله. ❤️

1- هتعمل اكونت علي موقع ICPC (لو انت مش عامل) و الفيديو ده بيوضح طريقه التسجيل في الموقع. ✅

ICPC website: https://icpc.global/
Explanatory video: https://youtu.be/OjVLAtD_AR8

ملحوظه: أكيد واخدين بالكم ان صاحب الفيديو من المنوفيه فعشان كده في البيانات بتاعته بيكتب جامعة المنوفيه ... انت من حاسبات القاهرة فأكتب حاسبات القاهرة مش المنوفيه. 😁😁

2- هتوقف الفيديو عند الدقيقة 10 و 12 ثانيه و واحد بسس من الفريق هيسجل في الفورم دي بيانات الفريق كله مظبوطة. ✅
Form link: https://forms.gle/pGbrLew8Z4zquZ9v6

3- بعد كده هتابعوا الشييت ده لحد اما اسم التيم بتاعكوا لونه يتغير للاخضر و ده معناه ان أحد الكوتشز سجل فريقكم في المسابقة. ✅
Sheet link: https://docs.google.com/spreadsheets/d/13UeBeQNMZnyediZrJZATcR45MR2XKbJVdSQh0KezMWw/edit?usp=sharing

4- هترجعوا تكملوا الفيديو و تكملوا باقي بياناتكم و تتأكدوا انها صحيحة بعد أما لون الفريق يتغير في الشييت. ✅

5- هنيجي لمرحلة الدفع هتدفعوا مصاريف المسابقة من اللينك ده {TBA} و أتأكدوا 3 مرات قبل اما تدفعوا انكم مختارين كلية حاسبات جامعة القاهرة قبل اما تدفعوا. ✅

ملحوظه: واحد بس اللي هيدفع المصاريف بأسم الفريق و المصاريف 1000 جنيه للفريق الواحد. ⚠️⚠️⚠️

6- كل شخص في الفريق هيصور بطاقته وشش و ضهرر و تجمعوا البطايق دي في PDF واحد بأسم الفريق و تبعتوه في الفورم دي. ✅
ID form: https://forms.gle/KLfWzCovZ4mirSR38

7- التسجيل هيقفل يوم 10/5 (10 مايو).

8- بس كده مبروك عليكم خلصتم التسجيل و بالتوفيق في المسابقة ❤️❤️❤️

Think twice code once. 👌

مقاس التيشيرتات يا شباب

السلام عليكم و رحمة الله❤️
- بنفكركم ان التسجيل هيقفل يوم 10/5 (بعد بكره).
- خطوات التسجيل من هنا: https://www.facebook.com/icpcfcaicu/posts/600981588725311
- طريقه الدفع لسه متحددتش من المسابقة و أول اما يوصلنا حاجه هنبلغكم.
- كله يتابع الشييت و يتأكد من حاجتين:
1- فيه علامه صح خضرا جنب اسم التيم بتاعه علي موقع icpc لما يدخل علي التيم .. و لو مش موجودة فده معناه ان فيه بيانات ناقصة عند حد من الفريق و محتاجين تكملوها من ال profile و هيكون مكانها علامة لونها أحمر لو ضغطوا علي العلامه هيقلكم مين في الفريق ناقصه ايه في ال profile.
2- جنب اسم التيم بتاعه في الشييت Done بالازرق و ده معناه ان حد من الكوتشز اكد ان معلوماتكم كامه علي الموقع.

-أتأكدوا برضو من أن الاتنين اللي معاكم في الفريق علي الموقع هما دول فعلا عشان لو فيه خطأ نصلحه.

مدينا التسجيل ليوم 13 بليل الساعه 11:59 هتقفل الفورم ⚠️⚠️

-لو ملقتش تيم فا ده بوست يساعدك: https://www.facebook.com/groups/icpc.fcai.cu.junior.training/permalink/904588007304184/

لو عايز تسجل فا ده بوست التسجيل:
https://www.facebook.com/icpcfcaicu/posts/pfbid024nDwQgaHFwQiGy2e2LKjbA6ANj9xxBXVSRU17PAGfm1aPW1Q14pAFXrub8PzX2Vcl

مش هنقدر نمد الفتره اكتر من كده ... الحق علشان للأسف مش هتقدر تيجي المسابقة لو مسجلتش 😢

شوية معلومات عن ال ECPC : ⚠️
١- المسابقة بتكون في إسكندرية في الأكاديمية البحرية بأبو قير.
٢- لازم نتواجد هناك في مكان المسابقة في حدود الساعه ٩.
٣- بتكون فيه مسابقتين واحده ساعتين و من 3 ل 4 مسائل و الهدف منها انك تتعود علي الجهاز و السيستيم بشكل عام و بعد كده المسابقة الاساسية اللي هي 5 ساعات و في حدود من 12 ل 15 مسألة.
٤- الجهاز شغال بنظام تشغيل (operating system) غير Windows اسمه Ubuntu و بيكون جهاز واحد بس لكل فريق.
5- المسابقه ممنوع فيها استخدام اي جهاز إلكتروني (آله حاسبة، ساعة ذكية، موبايل ... إلخ).
٦- المسائل بتكون مطبوعة علي ورق و بيكون موجود منها 3 نسخ (واحدة لكل متسابق).
7- تقدر تحل المسائل بلغة برمجة من ال 3 دول (c++, java, python) و يفضل ++c.
7- الكونتست بتكون مراحل :
اول مرحلة: تصفيات الكليه او الجامعه.
تاني مرحلة: بتكون علي مستوي مصر.
تالت مرحلة : بتكون علي مستوي العرب و أفريقيا.
رابع مرحلة والاخيرة : بتكون علي مستوي العالم.
و كل مرحلة بيتصفي منها ناس و الباقي يشارك في المرحله اللي بعدها و هكذا.
شوية معلومات مهمة خاصة بالكوميونتي:
1- الكوميونتي بيوفر اتوبيسات يوم المسابقة و بنتحرك من قدام الكلية في حدود الساعة 5:30 ل 6:00 الصبح و بنوصل هناك .. تحضروا الكونتست و الاتوبيسات هترجعكم الكلية تاني علي الساعة 1:00 او 2:00 بليل في نفس اليوم (طبعا انت مش مجبر تروح بالاتوبيس ممكن تروح قطر او اي وسيلة تانيه بس المهم انك توصل في الميعاد عشان الكونتست مترحش عليك).
2- يسمح بمرافق عادي في الاتوبيس.
3- هيكون في سكن بتوفره الاكاديمية --(المكان اللي هيكون فيه الكونتست)-- عشان لو حد عايز يروح قبل المسابقة بيوم (و طبعا انت مش مجبر انك تروح السكن ده .. ممكن تأجر انت مع نفسك أو ممكن تروح و تيجي في نفس اليوم عادي) --- الاسعار و التفاصيل لسه متحددتش و هنقولها اول اما تنزل.

Good News:
تم مد التسجيل من المسابقة الي يوم 29/5 ان شاء الله
Announcement:
لينك الدفع سيتم اعلانه غدا و ديدلاين الدفع الي يوم 5 /29 بإذن الله

السلام عليكم و رحمة الله و بركاته ❤️

- قبل ما تدفع فيه كام حاجة لازم تتأكد منها:
1- إن ال 3 اشخاص في الفريق لازم 100% يكونوا رايحين المسابقة و مينفعش تغيب إلا بعذر قوي و لو حصل إن حد من الفريق مش هيجي لازم تبلغونا بدري عشان نلحق نبدل الشخص اللي مش هيجي او نمسح الفريق من السيستيم و ده اخره يوم 29/5 (فيها حرمان لجميع اعضاء الفريق سنتين من المشاركة في المسابقة فكل واحد يتأكد من ال 2 اللي معاه).

2- لازم تتأكد 100% من اسم الفريق اللي هتدفع عليه لأنه Case sensitive في حالة حدوث اي خطأ في اسم الفريق فالفريق هيتحمل الخطأ ده ... (Team و TEAM و TeAm دول 3 اسماء ل 3 فرق مختلفة و خلي بالك من ال spaces وكل حاجة ... زي ما مكتوب علي موقع ال icpc بالظبط هو اللي هتدفع عليه).

3- إن كل شخص في الفريق مكمل معلوماته كلها و الفريق متلون باللون الاخضر في الشييت و مكتوب جنبه Done .. غير كده يبقي لسه فيه مشكلة و ده لينك الشييت اللي فيه الفرق: https://docs.google.com/spreadsheets/d/13UeBeQNMZnyediZrJZATcR45MR2XKbJVdSQh0KezMWw/edit#gid=1430637698

- بعد الدفع هيجيلك mail بإتمام عملية الدفع لازم تحتفظ بيه (في حاله حدوث اي مشكلة هيكون هو الاثبات الوحيد علي الدفع).

- وتأكد انك اخدت سكرين شوت لرقم العملية او صورت ريسيت فورى ... إلخ.

- واحد بس من الفريق اللي هيدفع ال 1000.

- اتأكدوا من اسم الكليه و انتوا بتدفعوا (Cairo University - Faculty of Computers and Artificial Intelligence).

- محدش يدفع قبل اما يتكتب جنبه done في الشييت ⚠️.

- لينك الدفع: https://www.easykash.net/BMB6259

- أخر ميعاد للدفع يوم 29/5.

- طريقة التسجيل : https://www.facebook.com/icpcfcaicu/posts/600981588725311

- معلومات مهمة عن المسابقة: https://www.facebook.com/icpcfcaicu/posts/608225224667614

بالتوفيق❤️

السلام عليكم و حمة الله ❤️

إن شاء الله دي أخر خطوة في التسجيل.

عايزنكم تملوا الفورم دي عشان نطلعلكم إثبات القيد https://forms.gle/SrjCjZjKKEQptS7H6

الفرق اللي لسه مدفعتش معاكم لحد بكره عشان تدفعوا
https://www.easykash.net/BMB6259

مساء الخير,
دلوقتي مفتوح انكم تحجزوا الغرف في فندق المسابقة.
احنا هنزل الاسعار للفرد, علشان احنا ممكن نقسم الاوض بين الناس.
وممكن يكون فيه شخص عايز يحجز لوحده من التيم.
فالمكتوب هو سعر الفرد في الغرفة, مش سعر الغرفة كلها, متفقين ؟
الغرف الثنائية (مكيفة) فى فندق الاكاديمية.
سعر الفرد 400
الغرف الثلاثية (مكيفة) فى فندق الاكاديمية.
سعر الفرد 400
الغرف الثلاثية (مراوح فقط و حمام مشترك للدور) فى فندق الاكاديمية.
سعر الفرد 200
الغرف الرباعية (مراوح فقط و حمام مشترك للدور) فى فندق الاكاديمية.
سعر الفرد 200
الأسعار دي ل الليلة الواحدة.
الحجز متاح ليومين يوم 11 ويوم 12.
اي يوم منهم معناه انك حاجز من الساعة 12 الضهر في نفس اليوم .. للساعة 9:30 الصبح تاني يوم.
يعني لو حجزت يوم 11, لازم قبل ما تروح المسابقة تكون فضيت الاوضة. مينفعش تروح المسابقة وشنطك لسة في الاوضة ؟ اتفقنا ؟
اسعار السكن إقامة فقط ولا تشمل أى وجبات او مشروبات.
المسابقة منزلة فورم لحجز الغرف, وديه نازلة لليدرز, لو سمحتم محدش يستخدمها, علشان السنة الي فاتت ناس مليت الفورم بنفسها ولغبطت العدد عندنا.
الفورم بتتملي كل فرد لوحده, مش التيم الي بيملاها.
مسموح بمرافقة الأم فقط للبنات في السكن ... و لو المرافق حد غير الأم فلازم تتواصل الاول معانا عشان نتواصل مع المسابقة و نعرف هل ينفع ولا لا (طبعا المرافق هيدفع برضو 🙃).
لو حد متأكد انه هيتأهل ECPC فممكن يحجز برضو يوم ال ECPC (يوم 18 و 19) بس لو متأهلش الفلوس مش هترجع.
وياريت تعملو حسابكم في 5 او 10 جنية مثلا في التحويل زيادة, تبرع للكومينتي.
بعد ما تحول الفلوس (فودافون كاش) على الرقم المكتوب في الفورم تملى الفورم:
https://forms.gle/rDV3FdMAR5H5ako99
مفيش اتوبيسات هتتحرك قبل المسابقة بيوم, فالناس الي هتحجز قبل المسابقة بيوم كدة تعمل حاسبها تروح مواصلات, والمواصلات بسيطة.

DEADLINE: 30/6 11:59 pm

حجز الأتوبيسات فتح تاني يا شباب ⚠️⚠️

- السعر للفرد 210.
- الأتوبيسات هتتحرك الساعة 6 الصبح من قدام الكلية و هنرجع علي الساعه 12 او 1 بليل قدام الكلية.
- هنقف عند داندي فلازم الناس تكون هناك الساعة ٦ ونص مثلا. مش هنقدر نستنى حد ف اللي هيتأخر هيفوته الباص فتعالوا في الميعاد :))
- فورم الحجز : [https://forms.gle/ZG5iERNsdkGtVbxZ9](https://forms.gle/ZG5iERNsdkGtVbxZ9)
- الفلوس هتحولوها فودافون كاش علي الرقم اللي في الفورم.
- انت مش مجبر تيجي بالاتوبيس طبعا بس لو هتروح مواصلات لازم تكون هناك الساعه 10 بالظبط.
- تقدر تروح بس او تيجي بس بالاتوبيس بس السعر هيفضل زي ما هو.

تعديل: مسموح بمرافق واحد بس يجي بالبطاقة ... و طبعا السعر هيبقي 420 ... و اكتبوا في ال notes في ال form ان فيه مرافق.