تجارب ال 100 ⬇️⛔️

بسم الله الرحمن الرحيم --- تجربتي [ 100 الفترتين ]
ببدأ في العميق ماني مجهز كلام وأكيد مايخفاكم قبل كل شيء التوكل على الله والدعاء والوتر كنز كنز بتشوف اثرها في حياتك

التأسيس

١- مادة الفيزياء : مستواي في أولى وثاني بهذي المادة كان عادي إلى سيء مقارنة بالكيم والرياضيات ، بديت اولًا اتأسس مع فرح ابراهيم كتاب ناصر لما خلصت كان اساسي جيد لكن ماحسيت اني أتقنت المادة بشكل مثالي الا بعد المراجعة راجعت من شرح ابو راما لناصر وكنت احفّر ورا كل صغيرة وكبيرة لين ما افهمها وبعض المواضيع تعمقت فيها بالمنهج

٢- الرياضيات : اساسي كان كويس بهذي المادة واحتجت مصدر يشرح بشكل سريع ومقاطعه مدتها قصيرة اشوف الي احتاجه فقط ف عشان كذا كان افضل خيار لي العوهلي كتاب ناصر بعض الدروس كنت أقرأ الهوامش واحل بنفسي الي اغلط فيه اشوف شرحه
وطبعا حاجات كثير نفس ماسويت بالفيزياء الي كنت احتاج اتقنها اكثر تعمقت فيها بالمنهج وما اكتفيت لشروحات التحصيلي


٣- الكيمياء : كانت من أحسن المواد عندي بديت اول شيء تأسست من العمري كتاب ناصر ثم راجعت من شرحه ل يلو وهذا الي فرق معي أكثر شيء ولو تكتفي بشرحه يلو مباشرة احسن واحسن

٤- الأحياء : اخر مادة بديت فيها بعد ماخلصت وراجعت الثلاث مواد الباقي بديت اذاكرها وبنفس الوقت بديت تجميعات لباقي المواد ، عموما اعتمدت يلو شفت احياء ١ شرح طلحة بعد كذا رحت احمد سكول شرح المنهج اذاكره على ملخص يلو طبعا المادة تعتمد على الحفظ بشكل كبير كبير لكن ماني من النوع الي اقدر اقرأ واحفظ مباشرة كنت احتاج اشوف مقاطع بعدها ترسخ بعقلي والمادة ماتتقنها الا بعد ماتراجعها مرتين وثلاث




التجميعات الي شفت
- يلو
- غشام
- الكنز للكيمياء والفيزياء ( فيه اغلاط بسيطة بتلاحظها)
- الحوت الكبير للرياضيات ( مو شرط لكن بيقوي مستواك اذا عندك وقت )

طبعا شروحات التجميعات فيه واجد يشرحون لو بكتبهم مابخلص دور على الي يناسبك بوقتها

من الحاجات الي كنت اسويها كنت اسوي كويزات لنفسي في بوت التيلقرام للأسئلة الصعبة بالتجميعات واختبر عليهم بعد مدة وأحيانا كنت اطيح بنفس الغلط مرتين لكن راح يخليك تتقن السؤال والمعلومة

إجمالي مدة مذاكرتي قرابة 5 شهور

بين الفترتين ذاكرت تسريبات فقط ماحسيت اني احتاج اراجع شيء
سايفر - يلو هم التسريبات الي ركزت عليهم

التجربه الثانيه ⬇️

السلام عليكم ورحمه الله وبركاته
معكم خريجه 2024 وبتكلم عن تجربتي وكيف جبت درجه 100
1- المصادر
2- طريقة المذاكره
3- التجميعات
4- المده

اول شي بتكلم عن المصادر لكل ماده /

الفيزياء : التأسيس ذاكرت من ناصر وتلخيصات يلو لكن الافضل والاشمل هو يلو وتقدرون تعتمدون عليه وتابعت شرح الاستاذه فرح للفيزياء من المحاضرات ال10 لانها كانت شامله وكنت اسجل المعلومات الي مو موجوده في الملخص في دفتر

الرياضيات : ذاكرت فيه من اكثر من مصدر ( المعاصر ، ناصر ، يلو ) لا تذاكرون هذي كلها انصحكم تعتمدون على يلو بس لانه كان الاشمل لهم كلهم اما الشرح كنت مع الاستاذ عماد ، عبد الوهاب العوهلي وتقدرون تشوفون غيرهم اذا ما ناسبكم اهم شي تفهمون

الكيمياء : التأسيس كان من ناصر ، يلو مع شرح الاستاذ محمد العمري صدق افضل واحد يشرح الكيمياء كنت اشوف الشرح لدفعه 23 ويمديكم تشوفون شرح الاستاذ لملخص يلو بعد

الاحياء : اعتمدت كتاب النبلاء مع شرح احمد سكول وكنت اراجع من ملخص يلو
صح الاحياء كثير بس مع الوقت بتشوفون انكم حفظتوا المعلومات بسرعه

طريقه المذاكره /
لما كنت اشوف تجارب الدفعات الي قبل اخذت المصادر بس
اما طريقه المذاكره تعتمد على كل شخص وقدراته
انا ما كانت تعجبني فكره اخلص الماده وبعدها اذاكر الماده الثانيه مع تجميعات الاولى
كنت اذاكر الماده وابدأ في الثانيه على طول وبعدها الماده الثالثه وكذا
وبعد ما خلصت المواد ارجع للماده الاولى واراجعها (مراجعه يوم او يومين ) وادخل في تجميعاتها وبعدها الماده الثانيه ......
والأفضل تذاكرون بالطريقه الي تناسبكم

التجميعات / بدأت فيها بعد مراجعه كل ماده عشان احفظ القوانين اسرع وتثبت المعلومات
اهم التجميعات الي لازم تخلصونها : غشام , الحوت فترات , تجميعات يلو , بصمه فرح , اهم 400 سؤال , الكنز , سايفر ، التجميعات في كتاب النبلاء
اذا خلصتوا منها وعندكم وقت انصحكم بالحوت الكبير بيطور مستواكم اكثر ان شاء الله
وبعد افانين ، القبطان ,
المدة /
مافيه مده مذاكره افضل من الثانيه المهم انكم تنجزون فيها
يعني الي ذاكر شهر يقدر يجيب درجه الي ذاكر 3 شهور اهم شي تنظيم الوقت
مده مذاكرتي 4 شهور بس ما تعتبر مقياس للدرجه الي ممكن تجيبها

التجربة الثالثه ⬇️

تجربة التحصيلي

بسم الله الرحمن الرحيم
اولاً الحمدلله الذي اكرمني بهذه الدرجة الي كنت اشوفها من سابع المستحيلات وكنت ما اتوقع اجيبها الا بمعجزة ماشاء الله تبارك الله
حبيت اكتب تجربتي لان اظن فيه ناس كثير كنت بمكانهم وماكان فيه احد يوجّهني او يفيدني بالموضوع هذا بحكم اني كنت ادرس بمدارس عالمية وكل منهجنا انجليزي .
اختباري اخذته باللغة العربية رغم ان طول عمري ادرس المنهج بالانجليزي وهذا ابداً ما كان عائق لي للوصول للدرجة.

١- الانتهاء من اختبار القدرات :
مهم جداً انك تخلص من اختبار القدرات حدد لنفسك مهلة الى الترم الثاني بعدها اذا ماجبتها ابدا تحصيلي وخل القدرات على جنب لا تقعد تحاول في نفس الشى ومافيه فايدة
اكبر غلط ان الواحد يدرس قدرات وتحصيلي مع بعض مايصير لازم الواحد يركز في شى معين ويبدع فيه ، فالمهم انك تبدا تحصيلي وانت ماعندك شى ثاني تدرس له .

٢- المدة :
المدة انت تحددها مو اي احد ثاني كل واحد يعرف قدراته ومستواه في المدرسة
انا مدة دراستي لاختبار التحصيلي كانت ٧ شهور وفيه مرات اقطع يعني مو متواصلة
مدة الدراسة هذي كثيرة بحكم اني كنت بمدارس عالمية وكنت اتأسس من الصفر والمصطلحات جديدة علي.
اذا كنت طالب نفسي انصح انك تبدا بدري لكن اذا كنت تدرس المنهج المعتاد فانت حدد مستواك وبناءً على ذاك تحدد المدة المناسبة لك وطبعاً عشان تجيب درجة عالية مهم ان المدة لاتقل عن شهرين متواصلة وفيها انجاز

٣- التأسيس :
اولاً اخذت ناصر عبدالكريم ٢٣ وكنت افتح الشروحات السنة الماضية واتابع واحل الاسئلة و كنت احس اني مختمة التحصيلي لكن اكتشفت طريقتي كانت خطأ
كنت اهم شى عندي يخلص مدة المقطع مايهمني اذا انا صدق فاهمة الفكرة او لا وبسبب هذا الشى عدت كل التاسيس بس بمصدر جديد الي هو يلو
المصدر هذا ساعدني بشكل ما تتصورونه من ناحية تقسيم الدروس والتلخيص والشكل والترتيب ولكن ما اقول ناصر مو مهم انا اتعمدت على اثنينهم وبقولكم كيف
• الفيزياء
انا كنت اكره شى اسمه فيزياء ولا احبه واحسه معقد بس تغير تفكيري مع التحصيلي
بديت مع فرح ابراهيم الله يجزاها الف خير الي خلت الفيزياء تافه بشرحها
كنت افتح ملخص يلو واشوف شرح فرح ابراهيم من كتاب ناصر ولما اخلص الدرس اراجعه من ناصر واحل الاسئلة الي فيه واحل تجميعات الدرس نفسه في يلو
واي شى احس يبغاله حفظ كنت اكتبه واعلقه على جدار مكتبي مثل القوانين ، العدسات ، المرايات ، الاشعاعات ، الخ وهذا الشى مرره ساعدني وانصحكم فيه
طبعاً الفيزياء اخذ مني اكثر مدة لان هي المادة الي بديت فيها وكنت مو عارفة طريقة المذاكرة وكنت اطول شوي وهذا شى طبيعي

• الكيمياء
ثاني مادة بديت فيها والي تعبت فيها لين مافهمتها لكن ابداً مو صعب لما فهمته كان بسيط بس يبغاله تفتيح مخ وتركيز وحفط
طبعاً بديت مع محمد العمري ممتاز شرحه للي يحب يفهم كل شى بدقه وقتي ماكان شارح يلو بس ناصر

بما انه شرح ملخص يلو فشوفوا مباشرةً شرح يلو من محمد العمري وبعدها راجعوا الدرس من ناصر وحلو الاسئلة الي فيه
في بعض النقاط ماكانت تدخل مخي وكنت اعيد شرح محمد العمري بس ما افهمها ف قلت اجرب شرح فرح ابراهيم في الكيمياء للدروس الي كنت مستصعبتها
شرح فرح ابراهيم حلو وممتع بالكيمياء للي يحب الربط وما يحب يفهم فادتني كثير بالمركبات العضوية والتراكيز والاشياء الي تحتاج حفظ
فلذلك انت شف الي يعجبك والي تفهم له

• الرياضيات
ثالث مادة ابدأ فيها وللعلم انا كان مستواي جداً ممتاز في الثانوي في مادة الرياضيات
اولاً اخذت كتاب عماد وخلصته كامل ولما بديت احل التجميعات ماعرف احل ولا سؤال واضطريت اعيد تاسيس الرياضيات مع يلو طبعاً
للاسف كتاب عماد مافادني وضيع وقتي لان شرحه مبني على اسئلة المنهج مو اسئلة التحصيلي
بديت في يلو مع محمد القرني شرحه ممتاز للي اساسه صفر في المادة وللأمانة انا كنت اسكب كثيييير لان مستواي كان زين وفيه معلومات متكرره من القدرات
استاذة نادية بدوي ممتازة للي مستواهم متقدم ماتشرح كل نقطة بالتفصيل فشرحها حلو للي فاهمين طريقة الحل مثل القسمة والضرب والاختصارات وما الى ذلك

• الاحياء
طبعاً المادة هذي كانت اكثر مادة خايفة منها لان كل المصطلحات جديدة علي
بديت في المادة مع يلو مع الدكتور طلحة توفيق
شرحه حلو وبسيط ويربط لك المعلومة ويعطيك الزبدة بدون زيادة معلومات مالها فايدة
طبعاً اعتمدت كلياً على يلو في مادة الاحياء من جميع النواحي
لازم تعرف ان النسيان طبيعي جداً وخصوصاً في المادة هذي فمهم ومهم ومهم المراجعة
وبرضوا اي شى فيه حفظ كنت احفظه عندي واعلقه على جدار مكتبي نفس الطريقة

٤- التجميعات :
مهم جداً نعرف ان مافي تاسيس بدون تدريب ولا فيه تدريب بدون تاسيس هم مكملين لبعض وخطأ نستغني عن واحد منهم
طبعاً التجميعات مهمة جداً واذا ما تدربت فكأنك ما سويت شى

التجربه الرابعه ⬇️

السلام عليكم ورحمة الله وبركاته،
معاكم اخوكم مشعل خريّج 2024 وحاب انقل لكم تجربتي كيف اني قدرت اجيب الـ100 الحمدلله وان شاءالله اني اقدر افيدكم ولو بالشيء البسيط ،
راح ارتبها بالطريقة ذي :
١- المدة
٢- التأسيس
٣- التجميعات
٤- التسريبات
٥- ملاحظات اتمنى انها تفيدكم

١- المدة /
انا بديت تقريبًا من بداية الترم الثاني من ثالث ثانوي والمده يعني تقريبًا ٦ شهور ،
الوقت جدًا كافي انك تجيب الـ١٠٠ بإذن الله ولكن اهم شيء يكون فيه خطه واضحه والتزام بنسبة ٩٥ - ١٠٠ ٪؜ عشان ما تنضغط الشهور الاخيره او يكون فيه اشياء ما اخذتها

٢ - التأسيس
اولًا الرياضيات :
بديت التأسيس من كتاب ناصر عبدالكريم مع مهند والعوهلي وعدته مره ثانيه مع الأفضل فرح ابراهيم،
بعد ما خلصت التأسيس من كتاب ناصر اشتركت مع يلو وصارت المراجعه من يلو مع ناديه بدوي ،
الرياضيات من اثقل المواد وقت المذاكرة ويحتاج تدريب مكثف التأسيس بيكون ثقيل عليك شوي ولكن مع التدريب بيصير سهل واسئلة الرياضيات في الاختبار جدًا بسيطه ومقدور عليها بإذن الله


ثانيًا الفيزياء :
بديت التأسيس من كتاب ناصر مع فرح ابراهيم وفعلًا هي الافضل ما شاء الله تبارك الله
وراجعت تأسيس الفيزياء مع يلو
المراجعه مهمه في الفيزياء عشان القوانين والمعلومات تثبت وتتمرس عليها

ثالثًا الكيمياء :
بديت التأسيس من كتاب ناصر مع فرح ابراهيم وراجعت التأسيس مع يلو مع الاستاذ محمد العمري
الكيمياء ضروري فيه المراجعه ولكن يعتبر من اسهل المواد اذا مو اسهلها


رابعًا الاحياء:
التأسيس مع يلو مع د.طلحه والصدق يلو يكفي ويغني عن باقي المصادر بإذن الله ولكن الاحياء يحتاج ربط ومراجعة بشكل مستمر عشان المعلومة تثبت



٣- التجميعات /
1- تجميع غشام (الأفضل)
2 تجميع يلو (الأفضل للاحياء وبرضو لجميع المواد ممتاز وشامل وزياده بعد )
3-تجميع سايفر 2023 جمييل جدًا ويجي منه كثير
4- توقعات اينشتاين فادتني الصراحه جتني منها اسئله
6-تجميع الحوت اخذت الاحياء فقط بس عشان اراجع
7 -اهم 400 سؤال جهاد
8- اهم 300 سؤال الكنز
٩- اهم الصور والجداول لمادة الاحياء وعلم البيئة
١٠ - مراجعة العلماء يعني ما تاخذ وقت بس احتياطًا يعني


٤ - التسريبات /
١- سايفر ( الافضل من وجهة نظري )
2- يلو ينزلون الاسئلة الجديده وغالبًا يكون شامل
3- تسريبات غشام جميله جدًا
4 - تسريبات اينشتاين
5 - تسريبات الكنز
6 - تسريبات جهاد
٧ - تسريبات مهندسة التحصيلي
التسريبات غالبًا متكرره يعني لو شفت سايفر ويلو كفايه خلاص



٥ - ملاحظات وكلام في الخاطر /
لا تشيل هم الاختبار وتعطيه اكبر من حجمه والله العظيم سهل تجيب فيه ١٠٠ بتوفيق الله ثم اجتهادك ولكن لازم يكون فيه خطه تمشي عليها وتلتزم فيها ونصيحه التأسيس هو اهم شيء لا تعديل اي نقطه الا وانت مستوعبها اتعب على التأسيس عشان ترتاح وقت التجميعات بإذن الله ،
التعب يكون وقت المذاكرة ووقت السعي ولكن في المقابل اذا دخلت الاختبار راح تحل كل شيء وبسهوله تامه بإذن الله،
دائمًا وابدًا وكلوا اموركم لله واسعوا وبإذن الله النتائج تكون مرضيه جدًا
( وأنْ ليس للإنسان إلا ماسعى ، وأنّ سعيه سوف يُرى ، ثم يُجزاه الجزاء الأوفى )
الله يوفقكم واتمنى اني قدرت افيدكم ولو بالشيء البسيط❤️❤️❤️❤️

التجربه الخامسه ⬇️

بسم الله الرحمن الرحيم
أنا سلطان دفعة 24 ، الحمدلله ربّ العالمين حصلت على 100 بالتحصيلي كل هذا بفضل الله ثم اجتهادي

اولاً التأسيس :

مدة مذاكرتي كانت تقريبًا من نص الترم الأول (ماهو افضل خيار ، الا لو حبيت تذاكر لأختبار البترول المبكر ابدأ فيه وحتى لو ماكان ودك وكنت فاضي ابدأ لكن لاتعطيه كل وقتك استمتع و طور انقليزيتك افضل واقرا عن التخصصات اكثر من انك تدرس تحصيلي ب ذيك المدة ) تقريبًا لو نجمعها مع بعض ومع القطعات ٤ شهور "

أول مادة بديت فيها الفيزياء 🧲 : كانت طريقتي فيها افتح كتاب ناصر عبدالكريم + دفتري واضيف اي شي مو موجود بناصر وبعد ما اخلص المقطع اراجع عالسريع ثم اخش عاللي بعده كنت اخذ محاضرتين باليوم خلصتها ب ٢٢ يوم بدون ضغط وتقدر تخلصها بمدة اقل بس اني بديت بدري قلت اخذها بروقان بعد ماخلصت المادة رحت ثبت معلوماتي في حل تجميع غشام + بصمة فرح كذا انت قفلت على المادة بشكل خرافي

٢- الكيمياء ⚛️:اسهل واتفه مادة بالتحصيلي

طريقتي بالمادة اني افتح كتاب ناصر عبدالكريم + دفتري وشرح أستاذ محمد العمري واتبع بالمحاضرة واركز ، وكان عدد المحاضرات 23 كنت اخذ ٢ باليوم ومرات 1 ماعدا اول مره خلصت اول 3 بحكم اني كنت فاهم الدروس ذي من قبل اخذت مني 11 يوم بعد ماخلصتها رحت احل تجميع غشام + الحوت فترات + يلو ( مدفوع )

٣-الرياضيات 📐 : المادة ذي دسمه لكثرة مواضيعها وتحتاج لتدريب مكثف ، اول شي بديت بكتاب المعاصر وخلصت نصه تقريبًا رحت احل ناصر ماقدرت احل ف تركته ، رحت اذاكر ناصر مع مهند وصراحه الشرح ماجاز لي وخلصت وحسيت ماوصلت لمرحلة اني كويس فيها ، جربت شروحات كثيره ولكن ارشح لكم وائل السيد ، (محمد القرني جاء متأخر ، واستاذه نادية شرحو يلو هم )
وانصحكم اذا وصلتو للقطوع شوفو شرح محمد الحربي فيه رهيب مره لان ماحصلت شرح زيه
مادة تحتاج لحل كثير وانا كنت من النوع اللي اذا رجعت لشرح التجميع كثير احس ان تأسيسي مو مره ف عشان كذا تأخرت فيها .

٤- الأحياء 🧬 : اكثر مادة مسببه لي رعب وخايف منها من قبل لا أبدأ بالتحصيلي ولكن بالاختبار اتفه شي ممكن يجيك هو الأحياء وتستانس لما يجيك
اخذت ملخص يلو + شروحات احمد سكول + تجميع يلو ، طريقتي فيه كنت افتح عروض احمد سكول + شرح احمد سكول بالمنهج واتبع بالعروض بعدين بعد ما اخلص مثلًا موضوع البكتيريا والفيروسات كامل بعروض احمد اقرأ يلو قراءة واوقف على اللي احس اني بنساه او شي واقراه اكثر من مره وبعدها احل التجميع وبعد ما اخلص جزئية اول ثانوي اقرأه مره ثانيه واحل التجميع مره ثانيه وكل يوم راجعو اللي فات لو قراءة بس بيثبت معكم بشكل رهيب اخذت مني تقريبًا 3

نصائح : اول شي توكل على الله و احسن الظن بالله ولا تيأس و استمتع بالرحله ، وانا كنت استاء اذا مثلًا اخطيت ب التجميعات او مافهمت شغله عادي واجه عيوبك واخطاءك ولاتوقف عند شي مثلًا مافهمت مع معلم فلاني غير المعلمين مافهمت من شرح تحصيلي ارجع لشرح المنهج انا ندمت اني ماسويت كذا وتقريبًا وقفت شهر ونص بسبة الشي ذا ، وارشح لكم مدرسين بالمنهج ب اذن الله يفكون لكم ازمه في حال م فهمتو شي من شرح التحصيلي
١-الرياضيات : محمد الحربي ، عبدالوهاب العوهلي
٢-الفيزياء : عبدالله فزكس
٣-الكيمياء : استاذة حصه
٤- الاحياء : احمد سكول دائمًا وابدًا

قال الرسول صلى الله عليه وسلم
من قال :

استغفرالله العظيم الذي لا إله إلا هو الحي القيوم واتوب إليه

غفر له وان كان فرّ من الزحف 🤍🍃

كلمتان خفيفتان على اللسان ثقيلتان في الميزان حبيبتان إلى الرحمن 🍃


سبحان الله وبحمده 🤍

سبحان الله العظيم 🤍

يخوان 🚨⛔️⚠️⚠️⚠️⚠️

كويز الساعه 9:30
الي مايجي ياويله 🛡️🛡️🛡️🛡️🛡️

على اختبار التحصيلي ⚠️🛡️
باقي 84 يوم 🔥