🌿 Barchasi yaxshilikka.

Nima bo‘lsa ham, o‘zligingizcha qoling. O‘zgarmang. Birov uchun o‘zgarmang.

Yon atrofingdagilarga nimanidir isbotlash, tushuntirish uchun dunyoga kelmaganingizni biling. Siz Alloh uchun yaratildingiz va O‘zigagina qaytasiz.

Hayotingizdagi har bir vaziyat sizni foydangiz uchun. Robbingiz sizga yomon bo‘lishini istarmidi?
Aksincha, sizni o‘zgalardan himoya qiladi, O‘ziga qaytishingizni, barchaga ishonib bo‘lmasligini tushuntiradi. Barini sizni foydangiz uchun qiladi.

Ba'zilar tuyg‘ularingiz bilan o‘ynashadi, Alloh o‘shanda bandasi ochgan yarani tuzatadi.

Ba'zida sizni xafa qiluvchi so‘zlar aytishadi, Alloh esa O‘z oyatlari ila sizni mahzun bo‘lmaslikka chaqiradi.

Ba'zida qayergadir bosh qo‘yib yig‘lashni istaysiz, Robbingiz esa O‘z huzuriga sizni kunda 5 marta chaqiradi. Sajdaga bosh qo‘ygan vaqtda Sakinatni his qilasiz..

Barchasi sizning foydangiz uchun, barchasi Uning rejasi ostida. Unutmang, Alloh siz uchun doim yaxshisini ravo ko‘radi!

@falsafasi_hayot 🍃

🌿 Rasmda Turkiya shaxridagi taksi haydovchisi.
"Qur’onni bunday hajmdagi ish bilan o‘qishga qanday vaqt topasiz ? “ deb so‘ralganda
U javob berdi :
"Yo‘q, men o‘qimayman, yodlayman. Men har bir qulay daqiqada, hatto qizil chiroqda to‘xtaganimda ham takrorlayman. Shunday qilib, men kun bo‘yi bo‘sh vaqtimda Qur’onni yodlayman."

O‘zimizga savol beraylik: oxirgi marta qachon Qur’on oyatini o‘rganganmiz..?!

@falsafasi_hayot 🍃

🍀 Allohdan umidingizni uzmang...
Baxtli bo‘ling... Umidli bo‘ling...
Chunki hayot hech narsaga qaramasdan juda go‘zal... Chunki faqat yomon onlardangina iborat emasdir umr... Chunki faqat yomon insonlar bilan to‘la emas dunyo... Chunki yaxshilar ham bisyor... G‘amnok bo‘lmang... Umidsiz qolmang... Baxtsizlikka belanmang... Baxtli bo‘lish uchun yo‘llar qidiring..! 🙂

- Erdogʻan Yildirim

Allohga nisbatan goʻzal gumon qiluvchilardan boʻling, inshaalloh hali hammasi yaxshi boʻladi 🙂

Ps/ Kanal uchun mahsus buyurtma asosida tarjima qilingan, beruhsat koʻchirmang ))

@falsafasi_hayot 🕊

🌿 ALLOHGA QARZ BERGAN ODAM.

Iroqlik do‘kondor Ramazon arafasida qarz daftarini yoqib yubordi. U miskin, muhtoj odamlarni qarzlarini o‘ylab qiynalishlarini istamadi.
Daftar yonib kul bo‘ldi, undagi qarz odamlardan soqit bo‘lib Allohning zimmasiga o‘tdi. Do‘kondor qarzini albatta oladi. Qiyomat kuni Alloh unga juda katta foizlari bilan qaytaradi.

- Majnuniy.

@falsafasi_hayot 🍃

🌿 Antiqa sahovat

- Kechirasiz, uka, mana shu yerdan o‘tib ketayotgandim, ko‘chada yurgan ekan, sizniki emasmi? - so‘z boshladi toza, ozoda kastyum shim kiyib, qo‘lida sigir arqonini tutib olgan kishi.
- Yo‘q, bizni sigirimiz yo‘q. -javob berdi kambag‘algina, boriga shukur etib kelayotgan inson.
- Men juda majlisga shoshib turgandim, shu sigir siznikida turatursin, egasi qidirib kelsa berib yuborasiz. Ko‘chada biror yoqqa ketib qolib egasi qidirib yurmasin.
- Xo‘p, aka mayli. Egasi kelib qolsa sizni aytaman, yaxshi inson ekansiz.
- Mayli, meni aytaqoling. Hechkim so‘rab kelmasa, o‘zim olib ketaman, maylimi? -kuldi haligi kishi.
- Xo‘p, aka.
Otasining o‘rtog‘i unga amaki bo‘ladigan bo‘lsa, jondek jigariga Ramazon oldi bitta sigir hadya etsa etibdi-da. Sahovat qilishning shunday yo‘llarini topsa ham bo‘larkan-ku. Ertasi tongda darvozasi oldida qog‘ozcha topdi, shukur bilan yashab kelayotgan inson. "Kecha sizga arqonini tutqazgan sigirim o‘zingizniki ekan. U sizga Yaratganning bir tuhfasi emishki, egasi qidirib keladi deb kutmang. Ramazon muborak bo‘lsin, do‘stim!"

— Nuriddin Ziyo

@falsafasi_hayot 🍃

Doʻstimga sms yozdim:
- Doʻstim, ozgina moddiyot qiyin boʻlib qoldi. Shunga magaziningizdan bir muddatga uyga oziq ovqat mahsulotlari olib tursak boʻladimi?
Bir ozdan keyin xat keldi:
- Sotuvchiga tayinlab qoʻydim, borsangiz ne kerak boʻlsa berib yuboradi, yoʻq boʻlsa boshqa joydan olishingizga pul ham beradi. Ramazonga toʻliq mahsulot qilib oling. Bexabar qolibmiz, uzrimizni qabul eting.

Bu men... Bu siz... Bu biz...
Ramazon muborak aziz dindoshim...!

@falsafasi_hayot 🕊️

🏔️Zilzila bizga nimalarni eslatdi ?

📌Zilzila... G'azablanish,xafa bo'lish, arazlashning befoyda ekanligini, huddiki yelkamizdan turtib, “Ko'zlaringizni oching, o'zingizga keling, umr juda qisqa” deb eslatdi.

📌Eng sevgan insonlarimizni, sevgan narsalarimizni, yoqtirgan taomlar-u, joylarimizni bir necha soniya ichida yo'qotishimiz mumkinligini, Dunyo foniy, oxirat esa abadiy ekanini qulog'imizga shivirladi.

📌Zilzila... Biz o'zimizniki deb da'vo qilgan tanamizga ham ega emasligimizni, mulk faqat Allohniki ekanini ta'kidlab nido qildi.

Alloh hodisalardan ibrat olib, qolgan umrini o'zining roziligi yo'lida yashaydigan bandalardan qilsin.

@falsafasi_hayot 🍃

🌿 Mashxur rok qoshiqchi Ket Stivens dengizda cho‘kayotganida:
- Ey Robb, agar meni cho‘kishdan saqlab qolsang, men qolgan umrimni seni yo‘linga bag‘ishlayman - dedi.
Allox saqlab qoldi.
O‘zini joxil kasbini tashlab, ismini Yusuf Islam qo‘ydi.
Va hayotini islomga bag‘ishladi.
Maktablar ochdi.

Baʼzan oʻylab qolaman... biz xam dengizda g‘arq bo‘lishimiz shartmi?

@falsafasi_hayot 🍃

🌙 Ro‘za tutishga qiynalaman deganlar uchun tavsiya!

Ramazon oyining boshida 10 kun, o‘rtasida 10 kun, oxirida 10 kun tuting, oson bo‘ladi..))

@falsafasi_hayot 🍃

🌿 Ramazon shu qadar barakali oyki, ertalab saxarlikda kam ovqat yesangiz ham kun bo'yi to'q yurasiz, chanqamaysiz.. Eng qizig'i, iftorlikka bir necha daqiqa qolganda och qolganday his qilasiz biroq, 10 daqiqada to'yib qolasiz..
Alhamdulillah

Qalbimizni quvonchga toʻldirib, hush kelding ey oylar sultoni Mohi Ramazon 🥰 Yetkizganiga shukr...

@falsafasi_hayot 🍃

🍀 Siz ham roʻzadormisiz?
 
Bir necha yigit Ramazon oyida bir moʻysafid otaxonning odamlar koʻzidan pana joyda taom yeyayotganini koʻrib qolishibdi:
– Ie, Otaxon! Siz roʻzadormasmidingiz?

Otaxon:
– Nega? Albatta roʻzadorman. Faqat suv ichib, taom yeyapman, xolos.

Yigitlar qah-qah kulib yuborishibdi:
- Rostdanmi Otaxon?

Otaxon dedi:
• Kimsaga yomon nazar tashlamayman,
• Birovni mazax qilmayman,
• Insonlarni gʻiybat qilmayman,
• Hech kimning koʻngliga ozor yetkazmayman,
• Odamlar bilan qoʻpol muomala qilmayman,
• Birovning moliga koʻz olaytirmayman.
• Lekin...  ming  afsuski  kasalim bor... Oshqozonim kasal. Shunga meʼdamni roʻzador qilolmayapman.
Soʻngra otaxon yigitlardan soʻradi:
- Sizlar ham roʻzadormisizlar bolalarim.

Yigitlardan biri hijolatdan boshini egib ohista ovozda javob qaytardi:
- Yoʻq! Biz faqat ovqat yemayapmiz, xolos.

🌿 Aziz qadrdonim! Siz ham roʻzadormisiz?

@falsafasi_hayot 🕊️

Ramazon shunday ajoyibki, unda bir vaqtning o‘zida a’zolar chanqaydi, lekin qalb qonadi..

@falsafasi_hayot 🍃

Allohdan qarzdormisiz?!

Xoʻja Nasriddin bozorda oʻrik sotayotgan edi. Shunda, oldiga mahallasida yashaydigan chala tanish bir ayol kelib:
--Oʻrigingiz shirinmi, deb soʻradi.
Xoʻja Nasriddin:
--Tatib koʻring, dedi.
Ayol:
--Men roʻzaman.
Xoʻja nasriddin:
Unday boʻlsa, olib borib yeng. Pulini keyin berasiz.
Oʻrikni tortib berar ekan, oʻylab qoldi: Xozir ramazon oyi boʻlmasa, demak....
--Qanaqa roʻza tutyapsiz?
Ayol:
--Uch yil avval ramazonda qarzim qolgan edi, shuni qazosini tutyapman.
Shunda Afandi oʻrikni qaytarib joyiga qoʻydi.
--Hozirgina bermoqchi edingiz. Nima boʻldi?
Afandi:
--Allohga boʻlgan qarzingizni uch yilda berayotgan ekansiz, menikini kim biladi qachon berasiz. Boring, sizga qarzga bermayman, debdi.

🌿 Roʻza turmoqlik biz uchun farz.... biz uchun qarz...!

Tutgan ro'zalaringizni Alloh dargohida qabul qilsin ilohim 🍀 o'zi go'zal sabr bersin...!

@falsafasi_hayot 🕊️

🌿 Misr metrolaridan birida bir yigit iftorlik vaqti paketga uchta hurmo solib bir qog‘oz parchasi bilan ro‘zadorlarga tarqatibdi. Qog‘ozda shunday deyilgan:

"Haqqimga duo qiling, unga uylanayin"

Tinib tinchimagan bo‘ydoqlar)😅

Ozgina tabassum 🙃

@falsafasi_hayot 🍃