وجهة نظر شخصية...

أي فرصة عمل تحت المليون تعتبر استغلال في ظل الظروف الحالية 👌

كتير منتشرة عبارات على واجهة المحلات (مطلوب عامل - يلزمنا عامل)

وهاد الشي للوهلة الأولى بتحس أنو هاد شي جيد وأنو معدلات البطالة في انخفاض..

بس للأسف في شي بخليك تحزن شو عم بصير بالكواليس ألا وهو أجور العامل نفسو.

تخيل نفسك عاطل عن العمل وقررت تفوت لعند صاحب المحل وتقلو وظفني.. شو بتتوقع راتبك؟ مستعد احلف يمين أنو ما رح يكفيك أسبوع.

ورسالتي لأصحاب العمل: ما رح طالبكم برفع أجور العمال بس صدقوني تكلفة الحفاظ على العامل أقل بكتير من تكلفة إيجاد بديل الو... وفكروا فيها.

سوق العمل في حمص محزن بشكل كبير 💔💔💔

مافي شي اسمو شهر تجربة!!

بدك تجرب الموظف جربو بأسبوع واحد وعطيه حقو.

لا تكون استغلالي وخاف ربك...


وأنت كشخص عم تبحث عن عمل اذا كان اول شهر تجربة ارفض واذا كنت مضطر كتير
اكتب عقد وخليه صاحب الشغل يوقع عليه أنو يعطيك حقك الكامل بنهاية الشهر✋

كل صاحب شغل بيقول أول شهر تجربة بيكون #نصاب بنسبة 99%

خلال يوم واحد ... وصول فرص العمل تجاوز 30 ألف مشاهدة

بنتمنى من قلبنا تقدروا تلاقوا فرص عمل تناسبكم وبرواتب تعينكم عالحياة 🙏🙏🙏

••• لنشر فرص العمل وطلبات الإعلانات ضمن القناة ابعتولنا هون @Exjobs_Bot

للأسف الواقع بحمص صار موجع في شي لازم ينحكى…
الشغيل بيشتغل طول اليوم، تعب ووقفه وخدمة للناس، وبآخر الأسبوع بيقبض 200 ألف ليرة بس!

طيب خلص… منقول هاد الموجود.
بس المصيبة الحقيقية بموسم العيد. الشغيل بيرجع بعد الدوام وبيكمل شغل بالليل لحد الساعة 2 الفجر، والراتب نفسه! لا في زيادة على الدوام المسائي، ولا في تقدير للتعب.

وإذا صار أي تقصير بسيط بسبب التعب؟ بيصير اللوم والصراخ وكأنو الشغيل آلة ما بتتعب.
والأغرب إنو البعض بيفكر إنو لما يعطي "عيدية" بسيطة كأنو عمل إنجاز عظيم وفضل على الناس!
يا جماعة… الشغيل مو عبد.
الشغيل إنسان عنده طاقة وكرامة وحياة.

سؤال صريح لبعض أصحاب المحلات بحمص…
لو أنت مكان الشغيل اللي عندك، هل بتقبل تشتغل طول اليوم وتقبض آخر الأسبوع 200 ألف ليرة؟
وهل بتقبل بموسم العيد تضل واقف تشتغل لحد الساعة 2 الفجر بدون أي زيادة على الراتب؟

اتقوا الله بالناس اللي عم تشتغل عندكم… لأن الظلم ما بيدوم، وتعب الناس مو رخيص.
الله يكون بعون كل شغيل عم يتحمل حتى يعيش.
#حمص

قبل التحرير ... مطلوب موظف سوشال ميديا مع إجادة استخدام وسائل التواصل الاجتماعي الراتب 400 ألف.

بعد التحرير.... مطلوب موظف سوشال ميديا مع إجادة التصميم الغرافيكي الراتب 600 ألف.

خلال التحرير ... مطلوب موظف سوشال ميديا مع معرفة بتصوير الريلزات ومونتاج الفيديوهات براتب 800 ألف.

بعد سنة من التحرير.... مطلوب موظف سوشال ميديا مع معرفة بتصوير الريلزات ومونتاج الفيديوهات والإعلانات الممولة براتب مليون - مليون و200 ألف.


شايفين هالحكي فوق 👆🏻👆🏻

99.9% من معاهد ومحلات البلد عم يطلبو هالشي واذا دققنا بنلاحظ كل طلب في 3 وظائف تختلف جذرياً عن بعضها ولازم الراتب فيهم لا يقل عن 500$


أي مو تضربوا أنتو ومحلاتكم بدكم #عبد تستغلوه يشتغل 3 وظائف براتب... 💩 🙂🙂🙂

وبالآخر بتقلولنا ماعم نلاقي طلبنا وماعم نلاقي شخص جاد !!!!!

موظف سوشال ميديا : مهمته إعداد المحتوى وجدولته لمدة شهر والرد على التعليقات والاستفسارات الواردة للصفحة ع كافة وسائل التواصل الاجتماعي / فيسبوك - انستغرام - واتساب - تيلجرام/ وإعداد تقارير بالوصول والانتشار ومدى جودة البوسترات والمحتوى المقدم من موظف الكوبي رايتر او من الممكن يكون مسؤول عن كتابة المحتوى.

الراتب المتوقع: 150-200$

توضيح هي تعريف لوظيفة سوشال ميديا مع الراتب المتوقع... ورح ننزل طبيعة باقي الوظائف مع رواتبها المتوقعة.👆🏻👆🏻👆🏻

#مطلوب

معابد ضمن مدينة حمص مع يومية تناسب ساعات العبودية المطلوبة من الفرد 🙂🙂🙂


@Exjobs_Bot

لو كاتب يلزمنا عبد مو كانت وصلت الفكرة أسرع !!!!

‏#العبودية أنتهت عام 1879 ⛔

‏#سوريا في 2026 :

‏مطلوب موظف براتب مليون
مميزات العمل : الجمعة عطلة🤣🤣


‏

••• فرص عمل حكومية ورسمية بتنزل ع قناتنا الواتساب فقط ✅
https://whatsapp.com/channel/0029Vb6pXVL0gcfG4r22743W

••• لطلبات الإعلانات ضمن القناة تواصلوا معنا  @Exjobs_Bot

الأجواء مجنونة في حمص 🔥🔥🔥🔥

كمية #المعابد بحمص شي متل الكذب...

وصلتنا كتير قصص 🙂🙂🙂

سيتم النشر غدا 🔥

تفاصيل الشغل ✅
العمر المطلوب ✅
أوقات الدوام ✅

الراتب ❌🙂🙂🙂🙂🙂

لهلق ما عم نفهم ليش الراتب سر !!!!
تفاصيل الشغل واضحة الراتب لازم يكون واضح اذا اجا شخص لعندكم وما حسيتوه مناسب اعتذروا منو ببساطة

عم نتخيل السبب......