أب منزل صورة عادي ع حسابه ع فيس بوك عادي فرحان مبسوط مع عيلته وأولاده اللي هما يعني مجرد أطفال صغيرين ودة راجل ناضج كبير عنده مشاعر سبحان الله زينا كدة
إذ بعدد من الغير أسوياء والمرضى النفسيين اللي أقل حاجة تتقال عليهم إنهم مرضى حقيقي وعديمي كرامة وشعور يفضولوا يتنمروا عليه وعلى أولاده
مش مراعيين مشاعره مش مراعيين إن كل دة هيتكتب عند ربنا ويعني نسيوا خالص إنه الكلمة الطيبة صدقة دة لو كانوا عارفين يعني ايه أخلاق أو دين
والعجيب ف الأمر إن منهم دكتور يعني مفروض حضرتك على قدر من العلم ما شاء الله ف مفروض أنت متساعدش الناس إنها تبدأ تتنمر وتتريق على إنسان عادي زيه زيك ويمكن هو عند ربنا أحسن منك يمكن بكتير
والناس اللي هما مش عارف إزاي أو مين سمحلهم يعلقوا ع شكل أو عيشة شخص يتساءلوا وإنه ازاي اتجوز وازاي واحدة قبلت بيه وإنه لقى ابنه الأول كدة فيخلف ليه تاني وتالت وإنه حضرتك لازم تتعاقب وتتحاكم
بجد يجماعة ايه القرف اللي الناس وصلت ليه دة، أنت مالك أنت بجد مالك دي مش حياتك ولا يحق ليك تمامًا إنك تتنمر على شكله ولا تلومه ولا تقوله تتحاسب ومش تتحاسب أنت مين أصلًا علشان تتدخل ف حياة الناس أصلًا