قناة التقارير السياحية 🇪🇺

Forwarded from سحر

اليوم الثاني: رحنا قريندالوالد كان خطتنا نطلع قمة فيرست وهذا اللي صار وجداً استمتعنا قمة جميلة والتصوير من اعلاها مثالي اجمل صور السفرة التقطتها من هناك تمشينا شوي وفي مطعم ودورات مياه ومكان جميل لمشاهدة اللي يسوون البراقلايدنق لما جينا ننزل قالو لنا في اصلاحات للتلفريك وطولنا واقفين ننتظر اكثر من ساعه ولما ركبنا اخيراً وقفونا بمحطة وقالو لسه في اصلاحات نزلنا وكل شوي يوقف ف احنا طفشنا ولما توقف في اخر محطة اتخذنا اسوء قرار في سفرتنا قررنا ننزل نمشي على رجلينا من مكان المحطة الاخيرة الى سنتر قريندالوالد للأسف ماتوقعنا المسافة طويلة ومتعبه لكن لان الطريق نزول ولفات كثيره بالجبل تعبنا وكان معنا كثير اجانب يمشون لكن هم متعودين وشاليهاتهم اقرب واحنا اجهدنا رجولنا وتعبنا لما وصلنا موقف سيارتنا وكم مرا نوقف من الالم مو قادرين نكمل وصلنا السنتر وريحنا شوي بعدين كملنا للسيارة ورجعنا الفندق ماقدرنا نسوي اي شي ثاني يومها
اليوم الثالث:
نزلنا فطرنا بالبوفيه وبعدها رحنا لمطل هاردر كولم طلعنا بالعربة المعلقه لقمة المطل وصراحه مكان جميل مطل على البحيرتين وفيه زاويه جميله جداً للتصوير وفيه مطعم وكافيه ومصلى طلبنا قهوة وجلسنا شوي وبعدها رجعنا نزلنا عشان نشتري تذاكر قمة يونغفراو الثلجية مشينا على محطة القطارات اللي بوادي لوتربرونن اشترينا تذاكر القمة بمبلغ 249 فرنك للشخص مع تراڤل باس لمدة ثلاث ايام وقالو لنا ان الوقت متأخر عشان نطلع القمة ولازم نجي بكرا من بدري عشان اخر قطار يطلع الساعه 1 الظهر كملنا تمشينا في الوادي وفي السنتر واشترينا ملابس ثقيله عشان القمة الثلجية ورجعنا مرا ثانيه لسنترنا تمشينا فيه وجربنا محل funky chocolate اللي يسوي فراوله مع شوكولاته وحسيت مبالغين في مدحها طعمها عادي
اليوم الرابع صحينا من بدري ورحنا الوادي وصلنا محطة القطارات وحسينا الوقت بدري قررنا نجرب نروح مكان اسمه مورين وطلعناله بالقطار تمشينا فيه شوي بعدين رجعنا للقطار اللي يودي لمحطة كلاين شايدق اللي منها نكمل للقمة
وصلنا ونزلنا في قطار ثاني وهناك المنظمين موجودين بكل مكان ويتابعونا ويورونا القطار الي بيودينا كل شي واضح وسهل طلعنا للقمة والمكان كان باررد جداً وجميل استمتعنا بمنظر الثلوج والضباب وفيه فعاليات ومطعم واماكن جداً جميلة للعب ورؤية الثلج والاطلاله ونزلت الثلوج علينا واحنا هناك فعلاً تجربه ماتتكرر واكثر شي انبسطنا فيه بسفرتنا وراح ارسل مقاطع بنهاية التقرير للثلوج رجعنا من القطار ومع الدفا بعد البرد نعسنا نمنا لما نزلنا المحطة والمطر ينزل الاجواء كانت جميلة بهذا اليوم وبطريق الرجعه وقفنا عند شلالات بالطريق من لوتربرونين الى انترلاكن وقفنا عندها تقهوينا شوي والدنيا مطر وضباب وكملنا لفندقنا وبنهاية اليوم تعشينا بمطعم باب الحارة ويظل فاتح لما الساعه 12 بالليل
اليوم الخامس بهاليوم فطرنا بالفندق ورحنا الزحليقة الصيفية حقت ملاهي انترلاكن بسيطة وحلوه بس الملاهي حقت صغار وعاديه مافيها غير الزحليقه طلعنا بالعربة للأعلى ونزلنا بالزحليقة جداً جميله
لما خلصنا كنا مقررين نروح القطار البخاري بس كان الجو مشمس وحسينا مارح نستمتع فضلنا عشان الجو حار نروح قريندالوالد ونسوي الفعاليات اللي فاتتنا .. توجهنا لهناك وتمشينا بالسنتر وطلعنا بالعربة لأحد المرتفعات اللي فيها مطعم وزحليقه وملاهي وبرضو كانت ممتعه وانا شخصياً اعجبتني اكثر من زحليقة انترلاكن تغدينا هناك ورجعنا لسنتر انترلاكن عشان نشتري الشوكولاته السويسرية من محل لاديراخ

🚩🚩
الأخطاء اللي وقعنا فيها بأنترلاكن:
أول خطأ كان اننا اشترينا التراڤل باس متأخر ف ماستفدنا من التخفيض كثير وطلع علينا بخسارة ماطلعنا فيه بعد القمة الا مشوارين ولما حسبناها ماستفدنا كثير كان مفروض نشتريه من اول يوم وينباع بالمحطات وأماكن التلفريك
الخطأ الثاني اننا حجزنا بفندق غالي شفنا اكواخ وشاليهات وفنادق جميله اثناء رحلتنا وارخص حرام التكلفه اللي دفعناها الفندق ماكان يستاهل واغلب وقتنا برا
الخطأ الثالث ماتوقع احد بيطيح فيه غيرنا ماشاءالله عشان ذكائنا استثنائي 😂 الا وهو اننا نزلنا مشينا على رجولنا من التلفريك وهالشي سبب لنا اصابات عانينا منها اغلب ايام سفرتنا وغيرنا كثير من خططنا بسبب هالشي خصوصاً انه صار معنا بأول يوم لنا بأنترلاكن
الخطأ الرابع تمنيت اني نوعت بالسكن والمناطق مايعتبر خطأ بس انصح اللي بيسافر انه يغير
🚩🚩

نكمل

فرنسا 🇫🇷- ستراسبورغ والحدود الألمانيه 🇩🇪

1.6K viewsfate-al ***, 04:23