አሪፍ ፔይ የተሰኘ የኦንላይን ክፍያ ስርዓት ከብሄራዊ ባንክ ፍቃድ አግኝቶ ወደ ስራ ገባ።

የክፍያ ስርዓቱ ነጋዴዎች፣ የቢዝነስ ሰዎች እና ማናቸውም ተጠቃሚዎች በኦንላይን ክፍያ መፈፀም የሚያስችላቸውና ደረሰኝ ማግኘት የሚችሉበት ነው።

በተለያዩ አካባቢዎች በሚኖሩ ኢትዮጵያውያን ባለድርሻነት በ3.1 ሚሊየን ዶላር የመነሻ ሃብት ነው ስራ የጀመረው።

የኢኖቬሽንና ቴክኖሎጂ ሚኒስትር ዴኤታ ሁሪያ አሊ እንደ አሪፍ ፔይ ያሉ የኦንላይን ክፍያ ስርዓቶች የኤሌክትሮኒክስ ንግድን ለማሳለጥ ትልቅ ጠቀሜታ አላቸው ብለዋል።

ለዲጂታል ኢኮኖሚ ግንባታ የኦንላይን ክፍያ አማራጮች መበራከት አለባቸው ያሉት ሚኒስትር ዴኤታዋ በኢኖቬሽን የታገዘ አገልግሎት የሚሰጡ ተቋማት እንዲበራከቱና ማደግ እንዲችሉም የስታርት አፕ አዋጅ ተዘጋጅቶ ለመጽደቅ የሚያስችለው የመጨረሻ ምዕራፍ ላይ እንደሚገኝ ተናግረዋል።

ኢትዮጵያ ውስጥ በኦንላይን ክፍያ እየፈፀሙ ያሉት ዜጎች ከአጠቃላይ ህዝብ ቁጥር 2 ከመቶው ብቻ ናቸው።

@EthiopianBusinessDaily

ብሄራዊ ባንክ የባንክ ደንበኞች መረጃቸውን ወቅታዊ እንዲያደርጉ የሰጠው ቀነ ገደብ ሊጠናቀቅ ከ1 ወር ያነሰ ጊዜ እንደቀረው አስታወቀ

ሐሙስ ሚያዝያ 6 ቀን 2014 (አዲስ ማለዳ) የኢትዮጵያ ብሄራዊ ባንክ የባንክ ደንበኞች መረጃቸውን ወቅታዊ እንዲያደርጉ የተራዘመው የኹለት ወር ቀነ ገደብ ሊጠናቀቅ ከ1 ወር ያነሰ ጊዜ እንደቀረው አስታውቋል።

ብሄራዊ ባንክ እኤአ በ27/08/2021 በአገሪቱ ውስጥ ያሉ ኹሉም ባንኮች የደንበኞችን መረጃ አጣርተው እንዲያደራጁ መመሪያ ማውጣቱ ይታወሳል።

ይህም መመሪያ የብሄራዊ ባንክ ባስቀመጠው ቀነ ገደብ ሊጠናቀቅ ባለመቻሉ ለተጨማሪ 2 ወር መራዘሙ አይዘነጋም።

ይኸው የተራዘመ የ2 ወር ጊዜ ሊጠናቀቅ ከ1 ወር ያነሰ ጊዜ እንደቀረው ብሄራዊ ባንክ አስታውቋል።

መረጃቸውን ወቅታዊ ያላደረጉ የባንክ ደንበኞች አቅራቢያቸው ወዳለ የባንክ ቅርንጫፍ መታወቂያ ይዞ በመሄድ መረጃቸውን ወቅታዊ እንዲያደርጉ እና በመጨረሻ ቀን ላይ የሚፈጠር መጉላላት እና መጨናነቅ እንዲያስቀሩም ተጠይቋል።

@EthiopianBusinessDaily