#BlackMarket

" በሕገ ወጥ የውጭ ምንዛሪ ወንጀል ተግባር የተሰማርተዋል ብዬ የጠረጠርኳቸውን 138 ተጠሪጣሪዎች ባንክ ሒሳብ እንዲታገድ አድርጊያለሁ " ሲል የፋይናንስ ደህንነት አገልግሎት አሳውቋል።

እነዚህ ተጠርጣሪዎች ዋነኛዎቹ ሲሆኑ ሕጋዊና መደበኛ የባንክ ሥርዓትን ትተው በሕገ ወጥ እና ትይዩ ገበያ (ብላክ ማርኬት) የውጭ ምንዛሪ ወንጀል ላይ ተሰማርተው ያገኘኋቸው ናቸው ብሏል።

የ138ቱን ግለሰቦች ስም ዝርዝር ይፋ ከማድረግ ተቆጥቧል።

የተጠርጣሪዎቹ በባንክ ያላቸው የገንዘብ እንቅስቃሴ ታግዷል ያለ ሲሆን በሕገ ወጥ መንገድ የምንዛሪ አገልግሎት የተሰማሩት ላይ ብርቱ የሕግ ተጠያቂነት እንደሚከተል መንግሥት አስጠንቅቋል ሲል አስታውሷል።

በወንጀል ድርጊቱ ላይ ተሰማርቶ መገኘት የንብረት መወረስን ጨምሮ በከፍተኛ ጽኑ እስራት እንደሚያስቀጣ ፤ የንግዱ ማህበረሰብም መደበኛ የባንክ ስርዓትን ብቻ እንዲጠቀም ማሳሰቢያ መተላለፉን አስገንዝቧል።

@tikvahethiopia