የቤተ ክርስቲያን ችግር የሚስተካከለው መዋቅሩ ከላይ እስከታች ሲታከም ብቻ ነው።ጳጳሳቱና የከተማ መነኮሳቱ ቤተ ክርስቲያንቱን እያስተዳደሯት ሳይሆን እየጠቧት ነው።ቢቆጠሩ አምስት እንኳ የማይሞሉ ጳጳሳት ካልሆኑ በቀር አራት አምስት ፎቅ ያለሠራ የቤተ ክርስስቲያንቱን ካዝና ያላራቆተ ጳጳስ የለም።በቃ እውነት እውነቱን እንነጋገር ሌባ ሌባን ማገድ አይችልም።እነ አቡን ሳዊሮስ እነ አቡን ዲዮስቆሮስ በሌሎች ላይ እርምጃ መውሰዳቸው የሚበረታታ ቢሆንም እነርሱም ግን ከሁሉ የከፋ ጥፋት በ ቤተ ክርስቲያን ላይ ሲያደርሱ ኖረዋል አሁንም እያደረሱባት ነው።አቡነ ሳዊሮስ ከወሀቢያ ጋር ተሰልፈው ኦርቶዶክሳውያንን አስጨፍጭፈዋል እጃቸው በደም ተጨማልቋል ለብዙዎች አካል መጉደል ምክንያት ሆነዋል ከፖለቲከኞች በከፋ መልኩ በኦርቶዶክሳውያን መካከል ልዩነትን ተክለዋል ቤተ ክርስቲያንቱ የሥርዐቱ ሁለተኛው ጽ/ቤት አድርገውታል።አቡን ዲዮስቆሮስ በዘመነ ኢሕአዴግ የኢሕዴግ ሰው የነበሩ አሁን ደግሞ ተገልብጠው አሁን ያለውን ኦርቶዶክስ ጠል ብቻ ሳይሆን ኦርቶዶክስ በል ሥርዐት በካድሬነት በማገልገል ላይ ናቸው ይኽ ብቻ አይደለም ሀገረ ስብከታቸው ራያን ዘወር ብለው እንኳ አላዩትም ።አዎ ! ለውጥ እንዲመጣ ከተፈለገ ጳጳሳቱ በአደባባይ የበደሏትን ቤተ ክርስቲያን በአደባባይ ይቅርታ ይጠይቁ።ሳዊሮስም እስከ ጥቅምት የአዲስ አበባ ሀገረ ስብከትን ይዘርፉታል የራሳቸውን ሰው በየመዋቅሩ ይሰገስጋሉ ከጥቅምት በኋላ ደግሞ እንደ እርሳቸው ቤተ ክርስቲያንቱን ለሥርዐቱ የሚያስገብር ጳጳስ ያስቀምጣሉ።እንደውም ከወዲሁ "ማርያ ቤዛ አትባልም፣የቤተ ክርስቲያን አዋልድ መጽሐፍት ተረትተረት ናቸው"በሚል የምንፍቅና ትምህርት የሚታወቁት አባ ገብርኤል እንዲሾሙ የማኅበራዊ ሚዲያ ዘመቻ ተጀምሯል።

የገጽታ ግንባታ አገልግሎት መሆኑ ነው። የምንገደለው በ ቤተ መንግሥትና ቤተ ክህነትና ትብብር ነው የምንለው ለዚህ ነው።በአጭር ቃል ቤተ ክህነቱ በልጽጓል ።

ሰውን በሚናገረው ቋንቋ በማንነቱና በሃይማኖቱ ለይቶ ዘሩን ማጥፋት እንደ እድገት የምትቆጥር "አዲሲቷ ኢትዮጵያ"

ፆማችን ሱባዔያችን ዋጋ እንዲኖረው እነዚህን ሰማዕታትና በመከራ ውስጥ ያሉ ኦርቶዶክሳውያንን በማሰብ ይሁን።