" وأن عاد اليك مَكسوراً ، فأكسر ماتبقى منه"

هشه

شكلي غذوة بما انه فري داي:

الحب و الصداقة الحاجتين هادوا المفروض يكونوا سندك في الحياة مش العكس .

في كتاب فن اللامبالاة يحكيلك انك لازم تبطل تعيش دور الضحية باش تقدر تستمر في حياتك لان دور الضحية حيكون اصعب من انك تتحمل مسؤولية كل شيء يصيرلك دور الضحية حيركبلك غيض و كره اتجاه الناس و دور الضحية حيخليك تتاخر بمليون خطوة عن مرحلة النضج.
يمكن في اللحظة الاولى نحسوا بانها غلطة شخص معين لكن بعدها لازم الواحد يفيق علي روحه ويراجع نفسه شن قال و شن دار و مرات يطلع هو يلي غلط و مرات لا ،و حتى لو مش غالط دور الضحية يفوته و يتحمل عواقب المشكلة يلي صارت.
الخلاصة من كلامي لما تصيرلك مشكلة مع حد راجع نفسك شن درت و شن قلت راجع أخطائك حتى لو انت مش يلي غالط، فكر شن يلي يخلي شخص يتعامل معاك هكي.
دور الضحية يخليك تكره نفسك و تكره من حولك .

ياريت تقروها

-

نحب الأشخاص المستقلين فكرياً، نحب كونه عندهم طابع مميز بدون " الجري " وراء التريند أياً كان
تحس إنهم أصحاب بصيرة خاصة بهم مهما كانت مش متوافقة مع الآخرين
إنما بزيادة يكونوا واثقين وما يتأثروش بأراء الآخرين أويمشوا مع أي حاجة يشوفوها
ببساطة: تألق غيرك في مسار مش معناه حتى أنت " تزابيه " بيش تقعد wow famous and trendy
كشخص يحب الـold version من الأشياء ومانحبش التجديد للامـانة 🙏🏻 نحترم ونقدر الناس اللي رأيهم وميولهم وحياتهم فعلاً نابعة من اختيارهم مش من اختيار المُحيط
أنتـم خيـال بجد وين ما كنتوا في أقطار العالم 💙