مرفق الجدول الدراسي + جدول الامتحانات لفصل - ربيع 2025.

السلام عليكم، اللي صار في اجتماع اليوم اللي كان متكون من الدكتور عادل الجيلاني و 10 فقط من الطلبة إن لم يتم التوصل لأي حل وأن هيئة الدراسة والامتحانات مش متعاوينين وميبوش يزيدوا يومين ع الجدول ولا توصلنا معاهم لحل، والدكتور قال بما أن عدد اللي حاضرين شوية يعني الطلبة اللي مجوش معندهمش مشاكل كان هذا جو وناقشونا وتوصلنا لحلول معاهم، ومن هذا الموقف نعرفوا ان الخلل قبل ما يكون من الكادر التعليمي فهو من الطلبة نفسهم اللي متعاملين مع الموضوع بتهاون وسلبية حتى مكلفوش انفسهم يحضروا الساعة هذه ويتوصلوا لحلول بصوت عامة الطلبة، ناقش الدكتور الجدول بناءًا على ما يسمى "الطالب المنتظم" وتم تهميش أكبر شريحة في القسم اللي سماها "الطالب المتعثر".
والجدول قال انه مصمم بطريقة مثالية للطلبة المنتظمين ومفيشي خلل ولو فيه خلل كان حيكون جمع غفير من الطلبة اليوم معترضين.
آخر حل ممكن نقترحوه هو أخذ الأمر بجدية ونوحدوا كلمتنا كطلبة ونديروا اجتماع ثاني نحضروا فيه كلنا ونقولوا مشاكلنا المتعلقة بالجدول أو نطالبوا بالجدول القديم.
والله ولي التوفيق، وهذا ملخص ما تداوله الاجتماع :