عموماً

اول شي ملاحظه حاجه في فئة البنات

واللي هي العطور والمكياج بزياده
ليش يابنتي هكي؟
اول شي الزينه خارج المنزل حرام وبرضو العطر اللي محرم تحريم قطعي وبالذات لو خطمتي من جنب شاب وشم ريحة العطر عليك !

بنات بالله تعطري وديري مكياج في حوشك
لما تطلعي اقطعي العطر والله ذنبه كبير بكل وغلط
واقطعي المكياج لانك ح تكوني متبرجه

انا نبي نسأل والله امتى يلحقن يحطن مكياج ؟
والله مافي وقت له احياناً والله نحس ان فرق التوقيت بيني وبينهن كبير 😭

عموماً بالله ياخواتي ابحثن ع احكام التبرج فالدين والعطرررررر ابحثن ع شنو يجي من وراه لما تستخدميه برا حوشك
خشن ل مواقع ابن باز وابن العثيمين واقرن
لعل وعسى ربي يهديكن

+ انا مش ح نحكي على الملابس فالاخر كل شخص وحر في نفسه
مع ان اللباس الشرعي معروف

ثاني شي ملاحظه عالشباب

سألتك بالله شن تحس وانت مصبي ف مكان مخلط وماسك دخان وادخن ؟
اول شي مش عارف حكم الدخان شنو؟ وان اتفقو العلماء على تحريمه لما فيه من مضره للنفس؟
شكلك وانت ادخن وتنفخ تحسابه هيبه وكذا وهو والله الا شي مقزز
واللي يدخنو جوا المبنى برضوو !!!
في ناس عندهم الربو وفي اللي عنده حساسيه يصيرله اختناق من الريحه
وانا وحده من الناس هذي ننخنق من ريحة الدخان!!

ثاني شي السب ✨
كاثر بشكل مش طبيعي كلما نخطم نسمع سبه
ليش؟
مش يقرو معاكم بنات ناس ويقرو فيكم استاذات كبار وصغار فالعمر ؟
وين إحترامك ل حرمة غيرك ؟
بالله انا متأكده ان مفيش حد من الشباب ح يرضاها لو ان امه او اخته هي اللي تسمع الكلام هذا
في غيركم ميرضوش ع خواتهم وبناتهن نفسك ره ✨

ف احترم المكان اللي انت فيه لانه مهوش مقهى ولا ملعب خاص لكم عشان تطلق العنان لنفسك ✨

وملاحظه :-
فالكليه نحنا ك بنات مسيبين مكان الملعب فااضي ليش ما ادخنو غادي؟
ليش يا جنب الكافيتيريا يا فالممر اللي يخشش للقاعات؟
ضيق علم؟

+ ملاحظه :-
المكياج ميزيدكش جمال للعلم
ح يعطي عليك انطباع شين بكل ✨
ربي خلقنا كلنا ف احسن صوره
ف مش ضروري تحطي مكياج ع اساس تزيدي من جمالك

اهتمي بال Skin care بتاعك وتو تشوفي شكلك كيف يقعد بدون نقطه مكياج ✨

والعطر مش ضروري اهم شي نظافه ملابسك بس ✨

مش ح نقول محدش يضايق من كلامي
لانه مجرد واقع وحكيت فيه
واللي عنده اعتراض او تعليق ع اي شيء يدز عالصارحني وح نرد ف اقرب وقت

وللعلم اللي حكيته كله قناعه تامه ✨

فيه دعاء جميل ألتزمت بيه الفترة الأخيرة ولقيت أثره في حياتي.
حبيت اعرفكم بيه:
"اللهم أجعل كل ما يتمناه قلبي تراه عيني ، اللهم أستجب لي كل ما أعجز عن قوله وإني يارب في انتظار عطاياك المبهجة وكلي ثقة بأنك الكريم الذي حاشاه أن يرد عبده اللهم عليك بما في قلبي و أنت أعلم مابه يارب 💗.

يالله ح تفرج

الله يسعدكم ع قولة قهوه

جماعه ربي يعطيكم فرحه من قوتها تسجدو سجدة الشكر لله 💗

شكل الغيوم والسماء يخليك تفكر مليون مره ف ابداع الخالق 💗

Final Exams

First final ✅
Second final✅
Third final ✅
Fourth final ✅
Fifth final 🔄
Sixth final 🔄

فترة فاتت صار موقف مع قريبتي تمام ؟
يمكن ننبه بيه الغير وبالذات نحنا ك بنات نحبو التصوير وكذا

عموماً هي من الناس اللي ميحبش ينزل اي شي من شكلها
لا يد لا صورها ولو حطتهن تحطهن كلوز لناس معينه
ف احياناً تصور مع صحباتها فالعمل وتنسى متنبهش على اللقطه هذي
ف احياناً تلقاها منزلاتها صحباتها ستوري او بوست
وهي تتضايق من الشي هذا ف تنحرج انها تقول مثلاً متنزليش وكذا

ف يابنات ياريت اي وحده منا لما تصور تسأل اللي صورت معاها هل عادي تنزليها او لا
لان في اللي تعتبر نفسها ملكيه لها ومش لاي حد تنزل الشي هذا