عيان ال DKA  يموت بايه ؟
لو سيبته واتاخر علي ما يجي يموت بال acidosis و dehydration او بالسبب الاصلي اللي دخله في DKA زي ان يكون وراه mi او serious infection
....
طيب لو جيت تعالجه يموت بايه ؟
يموت بحاجتين يجمعهم كلمة واحدة ...الانسولين
اول سبب ال hypokalemia
لو اديت انسولين من غير ما تعرف البوتاسيوم كام ولو حتي كان كويس لازم تفضل متابعه وتعوضه والا هيدخل في hypokalemia ويموت
تاني سبب ال cerbral edema
بردو الانسولين اللي مش محسوب و aggresive هتنزل السكر بسرعه (متنزلش اكتر من ٥٠ في الساعه ) هتلعب في ال osomlarity وتدخله في cerbral edema
.......
.....
اكبر خدمة تعملها لعيان ال DKA انك تعلق له ملح
وتسحب lab و ecg ..بس الملح اول حاجه (تاخد بالك بس لو cardiac يمشي بالراحة ) لحد ما دكتور العناية يجيلك
متلعبش بالانسولين لو مش عارف قواعد اللعبة
العيان مش هيموت من ال hyperglycemia اللي قلقاك هيموت من الاستخدام الغلط للانسولين

📌 How to take History in the ER 👇

أول skill لازم تتعلمها في الامتياز، و كتير مبيديهاش أهمية و مجهود كافي هي الhistory taking، مع إنها بتمثل جزء كبير من التشخيص ..

من الحاجات اللي سهلت عليا إني أخد history شامل هي الsystematic approach كالتالي:

📍Complaint:
أكتر شكوى تاعبة العيان (بلفظ العيان) و جايباه المستشفى + مدتها
e.g. Chest pain for 1 hour

📍History:

عبارة عن ٦ بنود رئيسيين:

1️⃣ Male or Female

2️⃣ Age

3️⃣ D.M/ HTN

بما إنهم أشهر Comorbidities في الطب، و بيأثرو على كذا system، فمهمين .. و بسأل عليهم في الأول عشان منساهمش

لو طلع الشخص مريض سكر أو ضغط، بسأله بقاله قد إيه، و بياخد دوا إيه، و منتظم على العلاج ولا لأ

4️⃣ History of present illnes (HPI):

Analysis of complaint:

👉 OCD (Onset, Course, Duration)
الموضوع بدأ مرة واحدة ولا بالتدريج، بيزيد ولا بيقل ولا ثابت، بقاله قد إيه؟

👉 A⬆️⬇️ (Association, what increases it, what decreases it)
معاه أي أعراض تانية سواء من نفس الsystem زي cough, dyspnea مع الchest؟ أو من system تاني زي  N.V؟
إيه بيزود الcomplaint و إيه بيقلله؟

👉 Effect of TTT, date of last attack
خدتله علاج؟ و ارتحت مع العلاج؟
آخر مرة جالك كان امتا؟

⚠️+ for pain; SCR (Site, Character, Radiation)
الوجع مكانه فين أو إيه أكتر حتة واجعاك؟، اوصفلي الوجع (حرقان، شكشكة، مغص، حاجة ضاغطة عليا، حاجة بتعصر؟)، الوجع مسمع في حتة معينة؟

⚠️+ for execreta (vomitus, stool); (amount, color, content)

كمية الترجيع قد إيه؟كوباية ولا لتر مثلًا؟ لون الترجيع كان إيه؟ أصفر أو أبيض كده ولا بني أو أخضر أو أحمر؟ كان فيه أكل أو دم متجلط؟

e.g. Male pt, 50 y.o, D.M (for 5 years, on Metformin), No HTN,
Presents with Chest pain (Sudden onset, progressive course, for 1 hour, pain is diffuse retrosternal, compressing, radiating to left shoulder, associated with sweating & vomiting, increased by effort, decreased by rest, relieved by dinitra, last attack was 1 month ago)

ده مثال للي قولناه في الهيستوري لحد دلوقتي، نفس سكيمة الanalysis of complaint اللي قولنا عليها، و زودنا الSCR بما إن الcomplaint هنا pain ..

5️⃣ Past History:
بقسمه ل ٣ حاجات:
👉 Diseases:
١- عنده أمراض قبل كده related للcomplaint اللي جي بيه ولا لأ ..

يعني عيان الchest pain أسأله جاله ذبحة صدرية قبل كده و مركب دعامات ولا لأ مثلًا ..
و  لو عنده، بسأله عمل فحوصات وخد علاج إيه .. و اتحجز في المستشفى ولا لأ ..

٢- عنده أمراض قبل كده عمومًا ولا لأ، بمشيها systematic كالتالي:

الbrain: جالك لا قدر الله جلطة على المخ قبل كده أو حصلك تقل في لسانك، أو ضعف في إيدك أو رجلك؟

الheart: عندك مشاكل في القلب؟ جالك لا قدر الله ذبحة صدرية قبل كده؟ ركبت دعامات؟

الkidney, liver: عندك مشاكل في الكبد أو الكلى


👉 Drugs:
كان بياخد أدوية related للcomplaint اللي جي بيه ولا لأ ..

فمثلًا، عيان جايلي بepigastric pain و شاكك في gastritis .. أسأله كان بياخد NSAIDS ولا لأ، لأنها من أسباب الgastritis ..

👉 Operations:
عمل عمليات قبل كده ولا لأ ..
لو عمل بعرف تاريخ العملية، و نتيجتها هل كانت ناجحة ولا لأ، و اتنقله دم  ولا لأ ..

طب لو الpast history بتاعه مفيهوش أي حاجة من الحاجات دي، بكتب FMH:
Free Medical History ..

6️⃣ Family History:

بشوف مثلًا فيه حد في العيلة عنده المرض ده، ف فيه positive family history و لا لأ ..
لو لأ، بكتب irrelevant family history


و آخر حاجة  هي الMesntrual History في الyoung females:

بسأل عن آخر دورة شهرية جاتلها كانت امتا، و بتجيلها كل قد إيه .. لونها، و كميتها إيه، و بتقعد كام يوم ..

و بسألها متجوزة ولا لأ، مخلفة ولا لأ؟ لو مخلفة، كام عيل و أصغرهم عنده كام سنة، طبيعي ولا قيصري .. و ماشية على مانع حمل ولا لأ و إيه نوعه ..

🟢 Full example of history:

📍Complaint:
Chest pain for 1 hour

📍History:
Male pt, 50 y.o, D.M (for 5 years, on Metformin), No HTN,

Presents with Chest pain (Sudden onset, progressive course, for 1 hour, pain is diffuse retrosternal, compressing, radiating to left shoulder, associated with sweating & vomiting, increased by effort, decreased by rest, relieved by dinitra, last attack was 1 month ago).

Patient has IHD and 2 stents since 2 years, on concor 5mg and aspocid 75 mg tab.

Family History is irrelevant.

بكده، بقى معايا history شامل أقدر أبلغ بيه النايب إلى جانب الvitals اللي قيستها و الexamination اللي عملته ..

بالتوفيق ❤️

😱 أي عيان يجيلك بمشكلة ف الكلام ظهرت فجأه ، لازم تحط ف دماغك ال Stroke.

لينك قناة الطوارئ:
https://t.me/EmergenceCourse

بالنسبه للشغل فى الطوارى
اى طبيب (ممارس عام  او نائب فى غير التخصصات الحرجه )

لازم يكون عارف ايه ال
Red flags
Symptoms and signs

ويكون عارفه أنه لازم يستدعى التخصص المناسب  وبلاش يكابر ويقول أنا كويس وشاطر




كمان الناس اللى بتشتغل ف الطوارى
مش مطلوب منك تعالج الحاله كلها من الاول للاخر.( لو حاله Cold أو حاله عياده ) طبعا على حسب طبيعه المكان والعيان وانت اصلا  شغال فين

Reassurance
And refer
دى حاجه مهمه جدا جدا
ودور مهم للطبيب فى الطوارى. لا تخجل منه
او تتكسف انك تكتب للعيان مثلا مسكن وباسط للعضلات وتقوله محتاج تتابع مع دكتور عظام أو مخ واعصاب مثلا

طبعا الكلام دا إجمالا وهيكون فيه تفاصيل هتظهر قدامكم اكتر مع كثره التعامل مع الحالات ،،

الطبيعي إننا كلنا بيجيلنا صداع من وقت للتاني
ودا عادي ممكن قلة نوم ، قلة أكل ، أنيميا ، مشاكل ف النظر وهكذا
لكن إيه الصداع اللي لازم تقلق منه لأن غالبا العيان عنده مشكلة ولازم تطلبله Urgent CT

- Headache : sudden , severe
- Headache associated with :
   • head trauma
   • fever and neck stiffness
   • vomiting and blurred vision
   • ccoma & convulsions
   • focal neurological deficit

طب ليه الأعراض دي بالذات ؟
لأن ف الغالب العيان ممكن يكون عنده حاجه من الآتي :
- intracranial hemorrhage or stroke
- meningitis or encephalitis
- increased intracranial pressure
- acute glaucoma : حوله لحد رمد بسرعه

✅Any case presented with distributed conscious level(DCL):

🔥أى حاله تدخل عليك الاستقبال وهوا متوه ومش واعى لازم أعمل 3 حاجات:

✅1- Random blood sugar
عشان أستبعد ال hypoglycemia
خطيره جدا

✅2- أشوف فى lateralization ولا لا
وأعمل CT brain عشان أستبعد ال stroke

✅3-أشوف فى neck rigidity ولا لا
عشان أستبعد ال meningitis

دول أهم 3 causes لازم تستبعدهم فى الأول

إن شاء الله هنزل المحاضره دى كاملة من كورس الطوارئ
لانها مهمه جدا مينفعش أى طبيب ميكونش على درايه بكل تفاصيلها

🟢لينك المحاضرة:
https://t.me/EmergenceCourse/61

‼️ انتبه لـ Silent MI عند مريض السكر!

مريض السكر قد لا تظهر عليه الأعراض التقليدية للذبحة الصدرية مثل “ألم الصدر” بسبب diabetic autonomic neuropathy. لكن هناك علامات أخرى يجب الانتباه إليها:

1️⃣ وجود ألم غير تقليدي في الصدر (Atypical Chest Pain):

• قد يشتكي المريض من:
• ألم في المعدة (Epigastric pain).
• ألم في الظهر، الرقبة، الفك، أو الكتف.
• في بعض الحالات، قد يكون الألم غامضًا (Vague) أو غير موجود نهائيًا.

2️⃣ ضيق تنفس مفاجئ (Sudden Dyspnea):

• بدون سبب واضح.

3️⃣ إرهاق شديد وغير مبرر (Unexplained Fatigue):

• شعور مفاجئ بالتعب دون مجهود يُذكر.

4️⃣  غثيان أو قيء غير مبرر (Nausea and Vomiting):

• قد تكون علامة مهمة.

5️⃣ التعرق البارد (Sweating):

• خصوصًا عند وجود برودة في الأطراف.

6️⃣ الإغماء أو الدوخة (Syncope or Dizziness):

• خاصة إذا حدثت أثناء مجهود أو فجأة.

🏷️ ملحوظة مهمة:

• مرضى السكر أكثر عرضة ل (Silent MI) التي قد تحدث دون ألم واضح.
• إذا اشتكى المريض من أي من الأعراض أعلاه مع وجود عوامل خطر مثل:
•  (Hypertension).
•  (Hyperlipidemia).
• تاريخ مرضي للإصابة بـ (Coronary Artery Disease).

🔴 يجب عمل ECG وطلب تحليل Cardiac enzymes على الفور و الاشتباه في MI

المحاضره دي مهمه جداً يادكاتره اللي حابب يستفيد ضروري يسمعها

🚑أي عيان جاي الاستقبال عرقان جامد، لازم تعمله حاجتين:
١) رسم قلب ECG :
To exclude MI

٢) تقيس السكر:
To exclude Hypoglycemia

لينك القناه
https://t.me/EmergenceCourse

شايفين الجمله العظيمه دي 😍
Anemia may be the cause of AKI
but CKD mostly come with anemia.

🧑‍⚕️Any Case Presented With Pulmonary Edema ,
I have To Exclude New Ischemic Event .

أوعى تنام يا يحيى
خليك فاكر دايما الجمله دى تقولها لمريض ال acute pulmonary edema
لأن لو نام هيأرست (arrest) منك فى نفس اللحظة

.. امتي لازم تكسر صيامك بلا تردد.

1.لو قيست السكر لقيته اقل من 70 مجم.

2.لو قيسته كان بين 70 ل 90 مجم لازم تقيسه تاني بعد ساعة لو بيقل تفطر.

3.لَو كان السكر اكثر من 300 مجم.

4.لو ملامح الاعياء الشديد او هبوط السكر ظهرت عليك زي ضربات قلب سريعة وعرق ورفرفة بالصدر ورعشة وزغللة عين وصداع شديد ودا معناه ان في هبوط سريع متتالي في السكر.