أول أيام في الامتياز كنّا في الاستقبال بتاع ال
Female
في مستشفى الحسين
وكنا كذا زميل مع بعض في نفس الشيفت
وكنا تقريباً الساعة ١٢ بالليل !
المهم دخلت واحدة عندها تقريباً ٣٥ سنة
أو تزيد حاجة بسيطة !
لابسة طرحة وعامله بها وردة في الجنب وحاطه ميك أب خفيف ولابسه بنطلون وهكذا ! (هتفهم ليه الوصف ده)
المهم شكوتها كانت ألم في المعدة
Epigastric pain since half an hour
واحد زميلنا شافها وكلنا تقريبا متابعين عن بُعد
الحالة كانت ظاهرياً زي الفل
وقلنا دي شكلها جاية تفوق علينا آخر الليل وجايه تدّلع ولا سايكيك ! والحوارات المعروفة دي !!!
علاماتها الحيوية زي الفل
ومفيش عليها أي علامات لأي مشكلة كبيرة !!!
المهم اتكتب لها أمبول زانتاك (قبل ما يمنعوه بخصوص علاقته بالأورام الفترة الأخيرة)
وزميلنا قال لها بكرة تابعي في عيادة الباطنة !
ومشيت الحالة فعلاً !
بعد تقريباً نصف ساعة أو يزيد حاجة بسيطة
لقيناها رجعت تاني وبتقول: الألم لسه ما راحش يا دكتور وبدأ يزيد شوية !
كان معانا في وقتها الدكتور Hossam Aladl
(حالياً مدرس الباطنة في طب الأزهر - ربنا ينفع به ويزيده توفيق وعلم وأدب)
قال يا جماعة علشان منظلمش الحالة نعمل لها
ECG
وبالفعل اتعمل !
رسم القلب مكنش طبيعي ومتأكدين ان فيه حاجة غلط لكن مش عارفين نحدد ! يا دوب كانت أول أيام لنا في الشغل العملي !
المهم طلعنا رسم القلب لنائب القلب مع حد من الزملاء !
فوجئنا بنائب القلب نازل يجري
فين الحالة دي ؟ فين الحالة ؟!
وفي لحظات كانت في ال CCU
.
الحالة طلعت
Inferior MI
.
كدة كفاية لحد كدة
.
زملائنا الامتياز اللي هيبدأوا امتياز بعد شهرين
ياخدوا بالهم بقى
وسيبك من شغل التحشيش بتاع الحالة سايكيك وجايه تدلع والحوارات دي
امشي مع الحالة زي ما الكتاب بيقول
ولما كل حاجة تطلع سليمة ابقى قول زي ما تحب !
.
والجماعة اللي بيكتبوا Dexamethasone
علشان الحالة سايكيك والديكسا تعمل له itching
وشغل السوق الهابط ده !
يجهزوا نفسهم علشان لما ربنا يسألهم مش هيعرفوا ينطقوا حرف
.
بعد إذن الفلاسفة اللي لسه في الكلية و هيقولوا ودي حالة تعدّي عليكم يا جماعة .. معلش احنا على أد حالنا والبركة في سعادتك 🥴🥴🥴
.
معلش صدعتكم

Dr Ahmed elaskary

شباب… اهتموا دايمًا بالـ Vital Signs ⚠️
لو مش عارف توصل للـ Diagnosis
الـ Vital signs هتنور لك الطريق 👌
كان معانا امبارح حالة:
Female patient – 48 years old
Medical free – Surgical free
بتشتكي من:
Generalized abdominal pain
Vomiting
زميلي فحص الحالة ولاقى:
Tenderness في
Epigastric region
Umbilical region
فسألني:
إيه رأيك؟ Gastritis ولا لأ؟
قلت له:
طيب إيه الـ Vital signs؟
قال لي:
BP: 120/80
RBS: 130
الدنيا زي الفل
قلت له:
طيب والـ Pulse؟
قال:
مشفتهوش
قلت له:
شوفه كده
طلع:
Pulse irregular ⚠️
عملنا ECG
وطلع عندها Atrial Fibrillation (AF)
بلغنا الكارديو، ونزل اتعامل معاها وكتب لها الـ medication.
قلت له:
الحالة دي ممكن تبقى Mesenteric Ischemia بسبب الـ AF
لكن نواب الباطنة قالوا:
الألم مش مناسب
ومش مطابق للـ criteria بتاعت Mesenteric Ischemia
➡️ وشايفين إنها Gastritis
🔑 الخلاصة
أي حالة تشوفها:
بسم الله الرحمن الرحيم
ابدأ دايمًا بالـ 9 Vital Signs
اللي اتكلمنا عنهم قبل كده
وإن شاء الله هتوصلك للـ Diagnosis الصح 💡
وأنا إن شاء الله:
هراجع Mesenteric Ischemia
ونتكلم عليها بالتفصيل قريب

الإنسان متولدش مُتعلم ف عدم المعرفة مش عيب نهائي العيب إنك متكونش عايز تعرف أو بمعني أصح متحاولش تتعلم ، غير ال mindset بتاعتك اللي هو إزاي أعرف إزاي أتعلم إزاي إزاي لكن متفضلش عمرك على (أصل انا معرفش)

وكمان مفيش حاجه هتيجي من أول مرة لازم تفضل تحاول


سيدنا عمر رضي الله عنه قال"لو أن الناس كلما استصعبوا أمرًا تركوه ما قام للناس دنيا ولا دين"

سمعت مصطفى حسني بيقول جملة حلوة أوي:
"حتى لو كنت خدت قرار مختلف،
كان القدر بردو هيوصل لك" ..

ساعات بتقول لنفسك لو مكنتش عملت كذا، مكنش حصل كده! وتتعب نفسك وتلومها عشان قدَر كان هيحصلك سواء عملت اللي عملته أو لأ..

عارف يعني ايه ( إِنَّا كُلَّ شَيْءٍ خَلَقْنَاهُ بِقَدَرٍ )
يعني حياتك مش صدفة، رزقك مش صدفة، معاد وفاتك مكتوب مهما كان مكانك فين، خلي عندك يقين إن كل حاجة بتفاصيلها في حياتك دي أحسن حاجة ليك حتى لو انت مش عارف تشوف دا بعينك! اطمّن لأقدار ربنا وردد دايمًا
"قدّر الله وما شاء فعل"
لأن أقدار ربنا كلها حكمة ورحمة..
نفر من قدر الله إلى قدر الله.

لو حد Diabetic وماشي ع حاجة من مجموعة ال
Sulphonylurea
تجارياً زي :-
Amaryl , Glucoryl , Glimet , Doanil , Diamicron , Diavance , Glucovance ....etc
لو احتاج ف يوم Antibiotic , من الأفضل إنك تحاول تجنب معاه استخدام مجموعة ال Sulpha زي :-
Sutrim , Septrin , Sepatzole ...etc
لإن جرعة ال Sulphonylurea لما بتوصل الدم جزء منها بيرتبط بالألبيومين ، وجزء منها بيكون Free
وبالتالي لو اديت أي مادة تانية بترتبط بنفس المكان اللي بتترتبط بيه ال Sulphonylurea , هتزيح ال
Sulphonylurea
من مكانها ، فيزيد الجزء ال Free
It increases levels of sulphonylurea by plasma protein binding competition 👌
وبالتالي ممكن يدخل المريض ف Hypoglycemia
خلاصة البوست :-
Sulpha (e.g Sutrim ) ✖️ Sulpha (Antidiabetics)
------------------------------------------------------------------------
Dr Ibrahim Mekawy

من جدليات العيادة ..

بنت في العشرينات وما حولها

يا دكتور ، انا بنهج وضربات قلبي سريعة وبيجيلي وجع في صدري

الايكو كويس ، الرئتين كويسين ..

دي اعراض انيميا !!

لا يا دكتور انا معنديش انيميا ، انا بعمل صورة دم ع طول والدكتور بيقولي كويسة

هيموجلوبينك كام ؟!

حلو جدا .. ١١ 🤷‍♂️

اولا ١١ مش حلو .

١١ في انيميا موجودة

لازم رقم الهيموجلوبين في البنات ، يكون فوق ١٢.٥

حتى لو الهيموجلوبين ١٢.٥

مخزون الحديد بيكون قليل ، وده يعمل نفس اعراض الانيميا ..

من ضربات قلب سريعة ونهجان وتعب ..

فلازم نخلي رقم الهيموجلوبين فوق ١٢.٥ على الأقل ، ومخزون الحديد فوق ١٠٠ على الاقل ،

عشان الاعراض تبدأ تقل ، وتختفي

بس كدا 🤷‍♂️

د.محمد إمام

Causes_of_LV_hypertrophy :

*Hypertension..the most common
*Aortic stenosis
*Hocom
*Arrythmias
*Excessive athletic training
*Amyloidosis

Dr yahya AlThamary

الفترة الأخيرة وأنا شغال في المستشفى، بشوف حالات كتير جدًا محتاجة سرير رعاية…
وللأسف مفيش أماكن.
وصل الموضوع إنّي شفت أكتر من حالة توفّت في الاستقبال بسبب الانتظار.
مش علشان المرض أخطر، لكن علشان مفيش سرير فاضي.
حاسس إن لازم يكون لينا دور كدكاترة،
وإن التعاون بينا ممكن يفرق فعلًا.
ليه كل دفعة ما تجتمعش مع بعض وتحاول توفّر سريرين أو تلاتة رعاية في المستشفى التابعة ليهم؟
دفعتنا مثلًا هتعمل حفلة تخرج،
وتكلفتها في حدود اتنين مليون جنيه في يوم واحد.
أنا عارف إن اليوم ده حلم عند ناس كتير،
وأنا مقدّر الإحساس ده جدًا.
بس في نفس الوقت،
بتمنى نفكّر:
هل في حاجة أهم؟
هل الفلوس دي ممكن تروح لحاجة “صح” تعيش وتكمل،
وتنقذ أرواح بدل ما تخلص في ساعات؟
يمكن مش كلنا نقدر نغيّر الواقع،
بس على الأقل نحاول…
ويمكن المحاولة دي تفرق في حياة حد.

✅ ليه اختاروا HbA1c = 6.5% كبداية تشخيص لمرض السكّر؟

السبب الأساسي والأقوى علميًا:

⭐ لأن الدراسات الضخمة لقت إن أول علامة “مؤكدة” لمضاعفات السكّر—خصوصًا اعتلال شبكية العين (Diabetic Retinopathy)—تبدأ بالظهور عند رقم 6.5% أو أعلى.

وده مش كلام نظري… ده مبني على دراسات آلاف المرضى.

📌 تفصيل مهمة:
1) الدراسات رسمت منحنى العلاقة بين A1C وخطر اعتلال الشبكية

ولقوا حاجتين مهمين:

✔ أول ارتفاع واضح في نسبة الناس اللي عندهم Retinopathy كان عند حدود 6.5%

مش 6.3
مش 6.4
بداية الطلعة الحقيقية كانت عند 6.5%.

✔ عشان كده قالوا:

"ده الحدّ اللي بعده الخطر يبقى مرض حقيقي، مش مجرد عوامل خطر."

2) الهدف كان اختيار رقم “يكتشف المرض” بدون ما يشخص ناس غلط

A1C لو نزلوا الحدّ لـ 6.0 أو 6.2 مثلاً:
→ هيدخل ناس كتير مش مرضى “سكر” أساسًا.

ولو رفعوه لـ 7.0:
→ هيفوتوا ناس عندهم فعلاً بداية مرض.

فـ 6.5% كان الرقم اللي بيدي أفضل توازن بين:

Sensitivity

Specificity

Predictive value

3) 6.5% يعكس متوسط سكر ~140 mg/dL على مدى 3 شهور

وده مستوى عالي كفاية إنه يسبب microvascular damage.

4) نفس الرقم اتأكد في 3 مجموعات مختلفة:

الـ ADA

الـ WHO

الـ International Diabetes Federation

كلهم لقوا نفس النقطة الحرجة (threshold) حوالين 6.5%.

🎯 الخلاصة الذهبية:
✔ اختاروا HbA1c = 6.5% لأن ده أول مستوى يبدأ يظهر فيه “ضرر حقيقي” في الشبكية.
✔ قبل 6.5% → المخاطر قليلة جدًا.
✔ بعد 6.5% → المخاطر تزيد بشكل واضح وملحوظ إحصائيًا.

Nasser Ibraheem

هتاخد حاجه هتسيب قصادها حاجه،
هتاخد الكارير هتسيب الـ Social life،
هتاخد المناسب هتسيب اللي بتحبه،
هتاخد الـ Risk هتسيب المضمون،
بس خليك جدع ومتبصش ع الحاجه اللي سيبتها،
انت سيبتها عشان تكسب حاجه تانيه أهم، ع الاقل بالنسبالك
،، كل واحد لعبته متفصله عليه بالمللي

Dr hesham wageh

حصل معايا نفس الموقف وانا فى راوند الباطنة فى واحد عنده bronchial asthma
فبيجى المستشفى دايما يعمل جلسات فكنت أنا اللى بكشف عليها وأعمل ليه الجلسات
فجيت بعد كدا وأنا فى راوند الجراحه
لاقيته بيبصلى كدا وبيقولى مش هتكشف عليا يا دكتور
قولتله للأسف يا حاج أنا جراحه
مش باطنه
لاقيته بيقولى يعنى كنت بتكشف عليا غلط كل المرات اللى فاتت دى 😂

حضرت مؤتمر عن السكر والسمنة…
المحاضرات: "تجنب الدهون والسكريات".
البوفيه: "تعال نبدأ بالجاتوه ونختم بالكنافة".

د. أحمد عبدالحافظ

دايما ماتنساش كلمة " ليه" و انت بتراجع المريض بتاعك ..
- ليه المريض جاي ب DKA.
- ليه المريض حصله pulmonary oedema .
- ليه المريض ال chronic liver disease قرر ييجي ب decompansation النهاردة .
- ليه و ليه و ليه
و الامثلة كتير .. بس المهم انك دايما تسألها مش مجرد تعالج الشئ الظاهري ..
كل كلمة " ليه" معناها investigations هاتتعمل و management هايزيد ..

dr nabih mokhtar

أقوى طريقة لتقوية الذاكرة القصيرة والطويلة المدى
ثلاث حاجات أساسية: نوم كويس + استرجاع نشط + مراجعة متباعدة

1️⃣ النوم (الأهم على الإطلاق)
أثناء النوم العميق:
المخ ينقل المعلومة من الذاكرة المؤقتة (hippocampus)
إلى الذاكرة الدائمة (cortex)
المشابك العصبية بتتقوى (Long-term potentiation)
من غير نوم:
المعلومة تفضل قصيرة المدى وتضيع
📌 عشان كده السهر يبوظ الحفظ مهما ذاكرنا

2️⃣ الاسترجاع النشط (مش قراءة)
إنك تحاول تفتكر المعلومة من دماغك من غير ما تبص
ده يجبر المخ:
يعيد تشغيل نفس الدوائر العصبية
فيقويها
أقوى بكتير من إنك تقرأ أو تسمع بس
📌 الامتحان أحسن معلم

3️⃣ المراجعة المتباعدة
ترجع للمعلومة بعد:
ساعات → أيام → أسبوع → شهر
ده يمنع المخ من مسح المسار العصبي
يحول الحفظ من مؤقت إلى دائم
📌 مراجعة واحدة بعد فترة = أقوى من 10 مرات في نفس اليوم

حاجات تزود قوة الذاكرة:
رياضة خفيفة → تزود BDNF → تشبيك عصبي جديد
شرح المعلومة لغيرك → تثبيت عميق
ربط المعلومة بقصة أو مثال → أكتر من طريق للوصول لها

الخلاصة في جملة:
نام كويس، افتكر مش تقرأ، وراجع على فترات…
مخك هيشتغل لصالحك

Dr Omar rashwan

عجائب المستشفى 🤗
دكتور الأطفال من 3 شهور قاعد في استقبال المستشفى تدخل عليه طفله عندها 4 شهور في حاله سيئه جدا التهاب رئوي ونقص اكسجين و نهجان مع سوء تغذيه وتورم من نقص البروتين في الدم و لازم تتحجز في الرعايه والحمد لله كان وقتها فيه مكان في الرعايه و تم حجزها ✍️و يبدأ الدكتور يكتب العلاج و يحط الأكسجين و تمام كده.🥰
و تتحسن البنت الحمد لله و تبدأ تاخد تغذيه بالفم وندور علي أهلها للاسف مفيش ، و يطلع اللي جابها مش ابوها وان أهلها مش معروفين ونبلغ اداره المستشفى و الشرطه تدور علي اهلها لغايه ما تلاقيهم بعد 3 شهور من استضافه الطفله وتمريض الرعايه يبدأ يتعامل معاها علي انها بنتهم و يلعبوا معها و يجيبوا لها لبس جديد،
الحمد لله الشرطه تلاقي خال البنت وتقبض عليه و تجيبه يستلم البنت.
لحد كده ممكن تقول مش جديد الكلام ده بس انا عندي حبه خواطر كده🤔 .

اولا : البنت طلع ابوها وامها محبوسين معرفش ليه و للاسف محدش عاوزها و معرفش مصيرها هايبقي ايه مع خال مش عارف يهتم اصلا بعياله ولا نفسه و علي الله حكايته، الخلاصه أن خريطه المجتمع اتلخبطت و الشرائح الاجتماعيه اتبهدلت و اصبح فيه مشاكل اجتماعيه لا حصر لها محتاجه وقفات واهتمام من كل الناس و خاصه الجمعيات المدنيه المعنيه بالطفل والمرأة.

ثانيا : الناس اللي بتخلف اطفال لازم تسال نفسها أولا هاتربوهم ازاي وهل فيه قدره علي رعايتهم ولا مفيش حرام تخلفوا عيال في الشوارع.

ثالثا : يا تري هاقابل البنت دي في أي اشاره مرور مع ست متسوله تشحت بيها أو تأجرها لحد.

رابعا : مش جديد لما نعرف أن الفقر أصبح كاتم علي نفوس الناس وأن الجهل كمان عشش في بيوت كتير و عقول اكتر.

خامسا : المصريين جدعان اوي و وقت الشده المليان بيكب في الفاضي، تمريض الرعايه عملوا احلي واجب واحتضنوا البنت لاخر يوم و كان ا بيعيطوا وهما بيدوها لخالها و خايفين عليها والمستشفى وفرت لها العلاج والتغذية لاخر دقيقه من غير اي مشاكل .
ربنا يسترها في اللي جاي و كل عام وانتم بخير .
معلش طولت عليكم 😔

د.هشام علي
أستاذ طب الأطفال في جامعة الأزهر

مضيعة للفلوس و إرهاق مادي
تحاليل معملية (مخبرية) ليس لها أهمية طبية

١- تحليل مقاومة الإنسولين👇
ليس له أهمية طببة إكلينيكية مطلقاً

٢- تحليل الميكروب السبحي👇
ليس له أهمية في عدم وجود أعراض الحمى الروماتيزمية

٣- تحليل ڤيدال المستخدم لحمى التيفود👇
ليس له أهمية طبية معتبرة

٤- تحليل الدم لمضادات جرثومة المعدة👇
لا يفرق بين وجود الجرثومة في الوقت الحالي و عدم وجودها

٥- تحليل T3 و تحليل T4 لمرضى متابعة خمول الغدة الدرقية
ليس له أي أهمية مطلقاً لأن المتابعة ب TSH وفقط

د. أحمد زناته

ربنا مش هيديك حمل تقيل إلا لما يديك كتف يشيل
وحتى في الابتلاء هيديك على قدر تحملك وصبرك
واستعانتك بيه اطمّن "لَا يُكَلِّفُ اللَّهُ نَفْسًا إِلَّا وُسْعَهَا"