"فوطة متلجة نقدر ننقذ بيها طفل؟"

️صديق بعتلي الرسالة دي بيستفسر عن حالة ابن اخوه وزي ما انتم شايفين هو متشخص SVT وده نوع من انواع عدم انتظام نبض القلب

🔸️ايه الفكرة من Diving relfex والفوطة والتلج والكلام ده

↩️احنا عندنا ال SVT بيكون عبارة عن زيادة ف نبض القلب بشكل مفاجئ وممكن يكون في trigger ليه زي البكاء او المجهود زي اللعب وخلافه

↩️عندنا ف القلب في فرامل بتكبح ال SAN من انها تفضل تزود ف نبض القلب بيكون عبارة عن vagal supply .. ف حالات ال SVT بقى بما انه sudden increase in heart rate زيادة مفاجئة ف ضربات القلب ف محتاجين يا اما نقلل نبض القلب ده بشكل مباشر .. وده ف المستشفى بس .. او بشكل غير مباشر عن طريق اننا نحفز ال vagal supply ف ندوس ع الفرامل ومن رحمة ربنا بعباده انه ممكن يتم بصور بدائية

🔹️الفكرة ف التلج .. ان عندنا مستقبلات عصبية ف منطقة الوجه خاصة حول الانف والعين مسؤولة عن الاحساس بالبرودة اسمها cold receptors

↩️دي هتحس بالبرودة الشديدة بتاعت الفوطة ولازم هنا الفوطة تكون منقوعة ف مياه متلجة .. تبعت اشارات لل Trigeminal nerve العصب الخامس ومنها لل brain stem خاصة منطقة ال NTS منها يحصل reflex يحفز ال vagal nerve بشكل كبير

✨️عارف انت لما تتوضا للفجر بمياه الحنفية ف اليومين دول غصب عنك بتشهق شهقة كده من البرودة .. اه ده ال reflex بالظبط

↩️المهم ال vagal اتنشط ف يفرمل ال SAN ومنها الاشارات تقل بشكل واضح اللي رايحة لل AV وطبعا هيحصل حاجة مهمة جدا
Interruption of Re-entry Circuit
ودي اللي بتدخل المريض اصلا ف ال episodes بتاعت ال SVT

🔸️ليه ف الاطفال بالذات؟
↩️احنا ممكن نستخدمها مع اي حد ايا كان سنه .. بس المميز ف الاطفال .. ان عندهم  Wild vagal tone يعني الاشارات العصبية لسه شرسة .. وال reflex بيكون اقوى

ف كل ما كان الطفل اصغر كل ما كان مفعولها افضل

🔹️والافضل الطفل يكون ف وضع شبه قائم والفوطة مش مغطية منطقة الوش والانف .. ليه؟
↩️بنخاف انه يحصل Aspiration لو اخد نفسه والفوطة فوق بوقه
يدخل ف مجرى التنفس مياه يكح نزود ال SVT اكتر 🤦‍♂️

وان وهو شبه قائم ده افضل وضع نضمن بيه كده

🔸️اخر حاجة .. دي مش حاجة بدائية بالعكس ف اكبر المراكز والمستشفيات بيلجأوا لل maneuvers دي بس هما بيكونوا فاهمين .. يعني لو تلاحظوا عمال اقول SVT مجبتش سيرة ال AF .. لانه بيكون خطر اننا نستخدمه ف الحالة دي ... ف مش اي اضطراب ف نبض القلب "مش متشخص" اعمل نفس الحركة

Dr Marwan Mohamed

أى مريض Disturbed conscious level (DCL)
متوه مش فايق مش مركز
لازم أعمل ليه 3 حاجات على وجه السرعة ؟

جزء من محاضره ٧ دقايق لكن مهمين لأقصى درجة 💙

لن تجدني في ضجيج ولن تجدنى ف الأقلية
هتلقانى دايماً فالمستشفى

لا يخفى عليكم مدى أهمية ال ABG وازاي بيساعدنا في تشخيص أمراض كتير

ازاي اعرف ان ABG صح مش غلط !!

مش كتير بياخد باله منها

ABG validity

✅ المعادلة

H⁺ ≈ 24 × (PaCO₂ / HCO₃⁻)

وبعد كده تطرح الناتج من ٨٠
هديك اخر رقمين في ABG

= 80 − H⁺


هتحس الموضوع يلغبط شويه
خد مثال هيوضح الدنيا خالص

pH = 7.30
PaCO₂ = 38
HCO₃⁻ = 30

وتبدأ تطبق المعادله
وتحط الارقام ف المعادله

H⁺ = 24 × (38 / 30) ≈ 30

اطرح الناتج من 80

80 − 30 = 50

يبقي المفروض هنا

Expected pH = 7.50
______

pH المقاس = 7.30

pH المتوقع = 7.50

➡️ غير متطابقين
والمفروض يبقو زي بعض
ــــــــــــــــــــــــ
يبقي في المثال ده
➡️ ABG غير valid

➡️ فكر في: lab error / air bubble / delay / transcription errors

د.محمد القصاص

🤔 تعالى نعرف الفرق بين اشهر اتنين spray للجروح Bivatracin و Healosol

🩹 Bivatracin

💊 يحتوى على مضادين حيويين
(Neomycin + Bacitracin)
✅ يمنع نمو البكتيريا ويحمي الجرح من العدوى. مناسب للجروح السطحية، الخدوش، والحروق الصغيرة وبيقلل خطر التلوث والالتهاب
⚠️ بس للاسف
ممكن يسبب حساسية عند بعض الناس (خصوصا من النيوميسين) ومش بيتحط على جروح عميقة

🩹 Healosol

💊 بيحتوى على ال Phenytoin و دا طبعا مش مضاد حيوي
✅ يساعد الجرح يلتئم اسرع وتنشيط تكوين الكولاجين و كمان بيحفيز الخلايا اللي بتبني انسجة جديدة وبيحفز تكوين نسيج جديد حتى في الجروح اللي بتتاخر في الالتئام
✨مناسب أكتر للجروح المزمنة قرح الفراش، قرح القدم السكري
⚠️ بس خد بالك
ده مش بديل عن المضاد الحيوي لو فيه عدوى فعلية

حالتين هيجو طوارئ الباطنه ليك يوميا لازم تكون عارف المعلومات دي عنهم

🔷 الحاله الاولى

مرضى كتير asthmatic وكمان بيكونو ischemic فبيجو الطوارئ وعندهم bronchospasm فنخلي بالنا من استخدام حاجتين
1- farcolin as bronchodilator as it is beta agonist an accelerate hreat rate and affect heart

2 thiophylin as quibron as it indirect increse of CAMP that increase hearte rate and contractly

علشان تخلي بالك من استخدامهم مع مريض من دول
عنده جلطه في القلب قبل كدا أو مركب دعامات أو قصور في الشرايين لأنك كدا هتعلي ضربات القلب وشغل القلب ودا صعب جدا لمريض قلب أساس علاجه اصلا هو تقليل شغل القلب لأقصى قدر مسموح بيه

طيب استخدم اي في الحالات دي ممكن جلسات atrovent and pulmicort

ممكن نستخدم farcolin بحذر ونكون حاطين في الاعتبار مشكله القلب

🔷 الحاله التانيه

في الطوارئ هتشوف عيانين COPD كتير بيجوا ب acute exacerbations فلازم تاخد بالك من حاجتين مهمين جدا

1- أن ال aim بتاعك أنك تخلي ال saturation بتاعه ما بين 88up to 92 مينفعش نعامله معاملة الناس العاديه وترفعه ل 95% علشان هو اصلا عنده chronic hypercapnia فال co2 مبقاش يحفز respiratory centre زي الاول وبقا ال respiration معتمد على وجود ال hypoxia فأنت لما ترفع ال saturation لغيت تأثير ال hypoxia فالعيان كدا يحصله respiratory depression بالتالي هتلاقي حالته بتسوء جدا

2- مريض ال COPD عنده chronic hypercapnia ولما يحصل exacerbations بيزيد جامد pco2 وبيحصل معاه hypoxia فالغرض من العلاج انك ترجعه لل basline بتاعه مش لل normal values يعني لو هو مثلا co2 عنده في 70 وزاد في ال attack بقا 90 فأنت هترجعه ل 70 مش 45 بتاع الناس العاديه لانه كدا هيدخل في respiratory alkalosis فدا هيعتمد أنك تلاقي معاه لابس قديمه في الغالب بتلاقيها لانه شبه متردد على المستشفيات طب لو مفيش يبقى مش الطبيعي انك تفضل ورا لحد ما يوصل ل normal base line لانه اصلا الطبيعي بتاعه اكيد أعلى

د. محمد مجدي

عَنْ أَبِي بَكْر رضي الله عنه قال:

الصَّلَاة عَلَى النَّبِيّ ﷺ أَمْحَق لِلذُّنُوب مِن الْمَاء الْبَارِد لِلنَّار، وَالسَّلَام عليه أفْضَل من عِتْق الرّقَاب" ❤️

في شوية نقاط وتريكات مهم جداً تعرفهاوتاخد بالك منها وانت بتقرأ التحاليل 🚨🚨
➖➖➖➖➖➖➖➖➖➖➖➖➖➖➖➖➖➖

لما تبص علي صورة دم وتلاقي الصفائح الدموية قليله خد بالك من التاريخ المرضي كويس وتفحصه كويس واي قبل حاجه استبعد نقص الصفائح الخادع أو الكاذب عشان المريض ميظخلش في دوامه ملهاش لازمه زي ما حكينا قبل كده في حالة
EDTA Dependent Pseudothrombocytopenia

➖➖➖➖➖➖➖➖➖➖➖➖➖➖➖➖➖

لما تبص علي تحليل وتلاقي البوتاسيوم عالي سبعه أو تمانيه مثلاً خد بالك واتاكد برضو منه واستبعد ال
Pseudo hyperkalemia
ودا باختصار البوتاسيوم طبيعي بيكون بكميه اكبر داخل الخلايا فلما تسحب عينة دم وتترج العينه دي او تتركني فتره طويله البوتاسيوم اللي داخل الخلايا يبدأ يطلع منها للدم في العينه وبالتالي تلاقي رقم البوتاسيوم مرتفع وهو طبيعي أصلا والمريض معندوش حاجه واعمل رسم قلب برضو واطمن علي المريض

➖➖➖➖➖➖➖➖➖➖➖➖➖➖➖➖➖➖

لما تشوف الكالسيوم قليل ف التحليل اتاكد منه الأول عن طريق انك تبص علي الالبيومين طاب ليه اي العلاقه ؟! طبعاً لأن الكالسيوم بيكون مرتبط بالالبيومين في الدم والجهاز اللي بيقيش مستوي الكالسيوم بيقيس الكالسيوم المرتبط بالالبيومين بس فلما يقل الالبيومين لاي سبب زي مرضي الكبد مثلا هتلاقي التحليل مطلع الكالسيوم قليل وهو في الواقع طبيعي عشان كده لما تعمل كالسيوم ويطلع قليل اتاكد من الالبيومين ولو طلع الالبيومين قليل في معادله لتصحيح مستوي الكالسيوم للمستوي الطبيعي
Corrected calcium = serum calcium + 0.8 × (4 − serum albumin)
Calcium in mg/dL; albumin in g/dL.
هيطلعلك الرقم الحقيقي
وخد بالك دا ممكن يخدعك ويطلع تحليل الكالسيوم طبيعي وهو عالي ويصعب عليك تشخيص المريضي
يعني جاتلنا مريضه عندها فشل حاد في وظائف الكلي بسبب انها عماله بترجع فضلنا ندور علي سبب للترجيع مفيش بنبص على الكالسيوم كان ف الرينج الطبيعي تقريباً 11حتي لو زايد فهو حاجه بسيطه وبالتالي ممكن تتجاهله لكن لما بصينا لقينا الالبيومين 2 عملنا معادلة التصحيح بالارقام وقتها طلع الكالسيوم فوق ال13 وبناء عليه عرفنا سبب للترجيع وبناء عليه قدرنا نكمل تشخيص الحاله

➖➖➖➖➖➖➖➖➖➖➖➖➖➖➖➖➖➖
لما تلاقي مريض درجة الوعي قليله وتيجي تبص في التحاليل تلاقي الصوديوم 124 مثلا وتلاقي سكر المريض 500متقولش دا نقص الصوديوم السبب لا خد بالك هنا الصوديوم بيقل بسبب السكر تركيزه عالي ف الدم بيشد المايه معاه فبيعمل تخفيف للصوديوم
Dilutional hyponatremia
عشان كده دي معادلة تحسب المستوي الحقيقي للصوديوم
: Corrected Sodium = Measured Sodium + 0.016 * (Glucose - 100).
او بنقول لكل زياده 100مجم للسكر في الدم بيقل الصوديوم بمعدل 1.6
🧠 Example
Measured Na⁺ = 124 mEq/L
Glucose = 500 mg/dL
👉 Corrected Na⁺ ≈ 130 mEq/L (near normal)
فقبل ما تقول دي مشكلة نقص صوديوم وتدخل في باب كبير بتاع نقص الصوديوم ودا باب نعوذ بالله منه 😅
فخد بالك 🤷

د.محمد حسونه

‏اللَّهُ لَطِيفٌ بِعِبَادِهِ يَرْزُقُ مَن يَشَاءُ وَهُوَ الْقَوِيُّ الْعَزِيزُ (19) مَن كَانَ يُرِيدُ حَرْثَ الْآخِرَةِ نَزِدْ لَهُ فِي حَرْثِهِ وَمَن كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآخِرَةِ مِن نَّصِيبٍ (20)
- صدق اللّه العظيم

"ارفعي إيدك يا مدام.. ارفعيها كمان شوية !! 🙆🙆"
الجملة دي، اللي تبان بسيطة وعادية جداً، كانت هي "كلمة السر" اللي فكت شفرة عذاب استمر سنين.. سنين من رحلة مريضة دخلت عيادتي وهي حرفياً بتصارع عشان تسحب نَفَس واحد كامل، كأن الهوا في الأوضة بقى عدو، ملوش مكان يدخل منه لصدرها.. أول ما قعدت، ما قالتش صدري واجعني ولا عندي كحة، بصت لي بعيون مرعوبة وقالت جملة هزتني: "يا دكتور، أنا حاسة إن في باب حديد مقفول بجنزير جوه رقبتي، الهوا مالي المكان حواليا بس مش عارف يعدي من الجنزير ده!"
الست دي عاشت سنين في "مفرمة" التشخيصات الغلط.. تروح لدكاترة الصدر يقولوا "حساسية صدر مزمنة" ويدوها بخاخات لما صدرها تعب، ومفيش فايدة.. تروح لدكاترة الأنف والأذن يقولوا "جيوب أنفية" وتجرب كل أنواع الكورتيزونات وبخاخات الأنف والمضادات الحيوية، وبرضه مفيش فايدة.. وصلت لمرحلة إنها بقت بتخاف من "الليل"، بتخاف تغمض عينها لحسن النفس يهرب منها وهي مش حاسة.. كانت بتنام وهي قاعدة، مسنودة على مخدات عالية، وعينها على الباب كأنها مستنية معجزة تخلصها من الحصار ده.
لما قعدت قدامي، لاحظت حاجة غريبة جداً وأنا بسمع التنفس بتاعها بالسماعة.. النفس بتاعها مكنش فيه "تزييق" الربو المألوف.. لا، ده كان صوت "حشرجة" حادة وطالعة من فوق، من الزور، صوت احتكاك الهوا وهو بيعافر عشان يعدي من ثقب إبرة.. صوت بنسميه في الطب (Stridor).. هنا بدأت الشكوك تروح لمكان تاني خالص، مكان مستخبي ومحدش فكر فيه.. سألتها السؤال اللي كان الصدمة بالنسبة لها: "يا مدام، الخنقة دي بتزيد عليكي لما ترفعي إيدك تسرحي شعرك؟ أو لما تحاولي تجيبي حاجة من رف عالي؟"
بصت لي بذهول وكأنها شافت حقيقة كانت غايبة عنها، وقالت لي بصوت واطي ومخطوف: "أنت عرفت إزاي؟ دي بتبقى اللحظة اللي بحس فيها إن روحي بتطلع فعلاً، وشي بيسخن ونفسي بيتقطع تماماً!".. هنا طلبت منها تعمل الاختبار الحاسم، اختبار (Pemberton’s Sign).. قلت لها: "ارفعي إيدك الاثنين فوق راسك كده".. وفي أقل من دقيقة، المشهد كان يدرس في كتب الطب! وشها اللي كان باهت فجأة بقى لونه أحمر دموي، وأوردة رقبتها برزت واتنفخت كأنها خراطيم تحت ضغط عالي، وصوت حشرجة التنفس بقى عالي!
طب إيه اللي حصل في اللحظة دي بالظبط؟ 🤔
رفع الذراعين بيضيّق المساحة داخل مدخل الصدر أصلاً.. ولو كانت هناك غدة درقية متدلية خلف عظمة القص (Retrosternal goiter)، فهي:
تنضغط أكتر في المكان الضيق ده.
تضغط فوراً على القصبة الهوائية والأوردة اللي حواليها.
فتظهر أعراض الاختناق واحتقان الدم في الوجه فوراً!
يعني ببساطة: Pemberton sign هو "المُخبر" اللي بيكشف أي كتلة مخفية ومستخبية ورا عظمة القص!
وقتها نطقت في سري: "لقيتك.. أهلاً بيكي يا غدة يا غدارة!".. التشخيص كان غدة درقية ضخمة، بس مش باينة في الرقبة من بره نهائياََ، دي كانت "مهاجرة" ومستخبية ورا عظمة القص.. الغدة دي كانت ملفوفة حوالين القصبة الهوائية زي "قيد" بيعصرها ببطء.. الصدمة إن الست دي كانت دايماً بتعمل تحاليل غدة درقية وبتطلع "طبيعية جداً"، وده اللي ضلل كل الدكاترة اللي كشفوا عليها السنين دي، لأنهم نسوا إن الغدة ممكن تكون وظيفتها كويسة، لكن حجمها ومكانها "خطر ميكانيكياً".
عملنا الأشعة المقطعية، والصورة كانت تحكي قصة الرعب اللي الست دي عاشتها؛ الغدة كانت نازلة لتحت وقافلة مجرى الهوا لدرجة تخليك تستغرب هي كانت بتتنفس إزاي! المريضة بكت من الراحة لما عرفت الحقيقة.. بكت لأنها أخيراً لقت "السبب"، وعرفت إن السنين اللي ضاعت في البخاخات وموسعات الشعب الهوائية والمضادات الحيوية كانت وهم.
المريضة بعد ما شخصتها وأخبرتها بضرورة عمل جراحة لإزالة الجزء المتضخم من الغدة الداخل لمنطقة الصدر خلف عظمة القص بالفعل خضعت لجراحة وأزالت الجزء المتضخم من الغدة الدرقية فرجع التنفس طبيعي تماماً فور الإنتهاء من الجراحة ولله الحمد.
الطب مش بس أرقام وتحاليل، الطب هو "فن الملاحظة"، وإن أحياناً إشارة بسيطة زي "رفع الإيد" انتبهت أنا لها أنقذت حياة مريضة تاهت في صعوبة التنفس والإحساس بالاختناق لسنين طويلة.

د/ أحمد عبد الجواد

زملائنا الامتياز :
اهتم بال inspection لو تفضلت:
جالي واحد النهاردة في العيادة بيقول لي معايا واحد عند حساسية في الجلد من شهر !
وراح لدكتور صيدلي كتب له علاج حساسية ! وبردو مفيش تحسن !
والدكتور قال لي روح لدكتور الباطنة علشان يكتب لك حقنة بتاع الحساسية !
لأن الصيدلي مرضيش يصرفها له إلا بوصفة !!!!!!!

يعني جاي علشان أكتب له حقنة الديكادرون أو الديبروفوس المشهورة !!!

.
قلت له طيب نشوف الحالة !
.
المريض عنده Deep jaundice
بتاع obstructive lesion محترم !
وطبعا الحساسية بدأت بعد الصفراء وأول مرة تحصل له في حياته !
.
وعمل سونار وطلع فعلا
Dilated biliary tree + dilated CBD
.
لو كلف خاطره وشاف شكل المريض كانت القصة بقت بسيطة !
.
وهنا كلمة لزملائنا الامتياز :
اهتم بالفحص كويس جدا جدا مع الهيستوري كويس جدا جدا!
واهتم جدا جدا بال inspection لأنه ممكن منه تشخص حالة أو تخمن تشخيص !
يعني مريض زي ده سهل تعرف تشخيصه في أي اتجاه !
ولما تلاقي مريض جاي لك بطيء ومش قادر يصلب طوله وشكله مش مريح ، فكر في التهاب الزايدة أو أي حاجة في نفس القصة
ولما تلاقي مريض يتلوى منك في الأرض غالبا بيكون مغص كلوي !
ولما تلاقي مريض عرقان ولونه باهت يبقى فكر في حاجة cardiac or vascular قبل أي حاجة تانية !
ولما تلاقي مريض بينهج فكر في حاجة chest or cardiac !
ولما تلاقي مريض pale فكر في الأنيميا أو مشاكل vascular
المريض اللي بيغسل كلى احفظ شكله !
والمريض ال COPD احفظ هيئته !
الحاجات دي سهلة جدا تعرفها لو ركزت لحظات مع مريضك !
مش تعمل نفسك مهم ومش فاضي وتبص في الارض وانت بتاخد الهيستوري !!!!!!!
طبعا اللي أنا ذكرته فوق لها DD كتير جدا
لكن قاعدة the common is common
تحترم وتحط في بالك بردو الحاجات التانية الغير مشهورة
.

والتكات اللي زي دي هي اللي انت محتاج تتعلمه من النواب !
لأن القصة مش كتب وحفظ وصم !!!!
من غير الحس العملي، متنفعش طبيب لو معاك مليون شهادة !
وده اللي بيميز واحد من وسط ألف !

.
ونصيحة أخيرة:.
لو مش هتاخد هيستوري صح وتفحص المريض صح وتهتهم بالنقط دي !
يا ريت تشوف شغلانة غير الطب !

Dr Ahmed elaskary

متابعة انيميا البحر المتوسط مش مجرد متابعة الأنيميا و رقم الهيموجلوبين.

لازم حساب كمية نقل الدم و لو زادت عن ٢٥٠ مل/ كجم/ سنة لابد من استئصال الطحال.

لو هنشيل الطحال لابد من تطعيمات قبل و بعد استئصال الطحال دورياً زي تطعيم الأنفلونزا و ال H.inlfluenza, و ال pneumococcus و ال meningococcus و طبعاً تطعيم فيروس الكبد B.

لابد من متابعة مضاعفات نقل الدم  المتكرر لاحتمالية انتقال العدوي فيروس بي و سي و الايدز.
و لابد من متابعة أعراض زيادة الحديد في الجسم ال 2ry Hemochromatosisبمتابعة قياسات السكر و التهابات المفاصل و غمقان الجلد و اعتلال عضلة القلب: echo دورياً علي القلب.

لابد من متابعة أعراض مزيلات الحديد الدوائية زي ال desferrioxamine اللي ممكن يعمل اعتلال بالنظر و السمع و وظائف الكلي,أو دواء ال deferapone أقراص اللي ممكن يعمل ألتهاب بالمفاصل و نقص كرات الدم البيضاء.

د احمد محفوظ

التغذية في مرضى الكبد
اوصت American College of Gastroenterology بالاتي :
١- الاقلال من الاكل الذي يحتوي على الفركتوز مثل العنب التين العسل والكمثري البطيخ المانجو
٢- وجبة خفيفة متأخر بالليل قبل النوم للوقاية من ضعف العضلات واعتلال وظائف المخ وتقليل الارتشاح
٣- لو الكبد دهني يضاف فيتامين E 400 mg يوميا مرتين
٤- شرب ٢ فنجان قهوة او اكثر لتقليل التليف والتعرض لسرطان الكبد
٥- لا يمنع البروتين اطلاقا عن مريض الكبد وفي حالة اعتلال وظائف المخ ماقبل الغيبوبة يفضل البروتين النباتي
٦- لا يمنع الملح منعا باتا عن مريض الكبد حتى في حالة اعتلال المخ او الارتشاحascites وانما لا يشعر بطعم الملح المريض

د.فتحي الغمري

الطب مبيعملش فلوس، ولا بيجمع ثروة، الطب عايز اللي يصرف عليه قبل ما ياخد منه، عايز الغني اللي مش لزمه فلوس لكن حابب الطب وحابب دراسته وعنده شغف وطاقة جبارة . الطب مبتجنيش ثماره الا بعد الاربعين لكن ماقبل ذلك مبتاخدش منه حاجة لكن هو بياخد منك اغلي حاجة بياخد منك عمرك، صحتك، زهرة شبابك واجمل ايام حياتك،وقتك،اجتماعياتك، عمر ضايع في المستشفيات والشيفتات مابين العيانين كل واحد بقصه ورواية....والله لا يصبرني عليه غير الاية الكريمة "وابتغِ فيما أتاك الله الدار الاخرة" عسى ان يكون شفيعاً لنا عند الله

Mahmoud EL-Sayed

مواقف حقيقية
١- اتصال من دكتور ( غير بشري)
"ابني سخن شوية وبطنه بتوجعه"
رديت عليه:
"لازم كشف"
الحالة طلعت التهاب زايدة⚠️
٢- "معلش يا دكتور عاوزين رأيك في حالة ٤٥ سنة عندها وجع شديد في جنبها "
" مفيش رأي من بعد"
الحالة طلعت سرطان كبد( بدون تاريخ سابق لأي مرض في الكبد )⚠️
٣- "معلش يا دكتور جدي هبطان عاوزين نديله محلول"
" يشرفني"
الحالة طلعت انيميا والهيموجلوبين ٤
والسبب نزيف جهاز هضمي⚠️
٤- "يا دكتور والدي هبطان شوية"
"ينورني"
طلع Heart block
وركب منظم⚠️
كل دول و غيرهم كانوا عايزين "محلول"
وخلاص
وممكن يزعلوا من الاصرار علي الكشف
او يزعجهم تعب الحالة
او حتي يفترضوا ان طلب حضورهم عشان الفيزيتا
لكن مفيش تشخيص ولا نُصح صحيح عن بُعد
ولا ينفع المحلول يكون بديل عن التشخيص
علي العكس ممكن يضيع وقت ويتطور المرض

د.السيد المر