🙆لو لاقيت إنه وزنك نزل فجأة من غير ماتكون بتحاول، كده مافيش شك إنه ممكن يكون فيه حاجة غلط في صحتك

1. الغدة الدرقية (Thyroid Gland)
لو الغدة الدرقية شغالة زيادة (hyperactive)، بتطلع هرمونات كتير، وده بيزود في metabolism ، الحاجه اللي هاتخسرك وزن بسرعة

2. السكر (Diabetes)
لو عندك Type 1 Diabetes ، الجسم مش هايقدر يستخدم glucose بشكل كويس، فيبتدي يحرق الدهون والعضلات علشان ياخد الطاقة. ده هايخليك تخسر وزن كبير

3. مشاكل الجهاز الهضمي (Chronic Health Issues)
أمراض زي Inflammatory Bowel Disease (التهاب الأمعاء). الجسم مش بيبقى قادر يمتص العناصر الغذائية، فبتخسر وزن

4. السرطان (Cancer)
السرطان بيعمل حاجة اسمها cachexia ، الجسم هنا بيستخدم الطاقة بسرعة وبتخسر الوزن بسرعة رهيبة ومش طبيعية

5. الضغط النفسي (Stress and Anxiety)
الضغط النفسي الشديد بيخليك مش قادر تاكل. لما تكون stressed أو anxious ، شهيتك بتقل، وده ممكن يعملك فقدان في الوزن

6. عدوى خطيرة (Severe Infections)
عدوى زي Tuberculosis (TB) أو HIV. دي بتخلق حالة من الاستنزاف لجميع أشكال الطاقة في الجسم، الحاجه اللي هاتخليك تخسر وزن بشكل كبير

الخلاصة، لو وزنك نزل من غير أي سبب واضح، لازم تتأكد إنه مافيش حاجة غلط.

Dr_ahmedeltayb

كان دايمًا الأول على دفعته!
من ابتدائي، لإعدادي، لثانوية عامة،
الناس كانت دايمًا تقول عليه "العبقري" ، "اللي هيدخل طب"،

ودخل طب فعلًا،
لكن فجأة!
لقى نفسه مش لوحده،
لقى الدفعة كلها أوائل مدارس،
كله شاطر،
كله بيذاكر،
وكله عايز يكون رقم واحد!

بدأ يحس إنه ما بقاش زي زمان، وما بقاش مميز زي الأول،
المقارنات جواه بدأت تزيد،
وبدأ يسأل نفسه:
هو أنا اللي اتغيرت؟
ولا الكلية هي اللي صعبة؟
ذكائي قل طيب؟!
ولا أنا خلاص ما بقتش مميز؟!

لكن الحقيقة؟
إنه لسه هو هو،
نفس الشخص ونفس الطموح،
نفس الذكاء إن ما كانش زاد!

بس الجو اتغير والمعايير كمان اتغيرت!
قبل كده كانت الامتحانات بتتحط على مستوى الطالب المتوسط،
دلوقتي؟
إنت بقيت ضمن الممتازين، والامتحانات بقت على مستوى ممتازين زيك،

وطبيعي يكون فيه حد الأول وحد الأخير!
ودا مش معناه إنه الأخير هنا حد فاشل!
هو الأخير آه بس الأخير من ضمن  مين بالظبط؟
أيوة ممكن تكون مش  في أول الصف، بس الصف دا كله مليان ناس مبهرة!
ووجودك فيه لوحده دليل على إنك ناجح،

ما تخليش شوية درجات هم اللي يقيموك،
اسعى واجتهد واعمل اللي عليك وسيب النتيجة على ربنا،
أنت مُطالب بالسعي وليس بإدراك النتيجة!

منقول Medline

إعلان عن فرصة تعاون تسويقي
تُعلن إدارة القناة عن رغبتها في التعاون مع مسوّقين للترويج لدورات طبية متخصصة.
نبحث عن أفراد لديهم خبرة أو معرفة جيدة ببعض الأسواق في المنطقه .
الفرصة متاحة للعمل عن بُعد، والدخل يعتمد على الأداء.
للمهتمين، يرجى التواصل عبر الرسائل الخاصة للحصول على كافة التفاصيل.
@A_m_Ebrahim

لما تسأل الدكتور ايه الممنوع عشان ارتجاع المريء هيقولك القهوة والشاي والفول والطعمية ومنتجات الالبان وجميع الدهون والزيوت والمخبوزات والحلويات، بس يا سيدي وكل بقي "كل" اللي انت عايزه ! طب انت سبتلي ايه غير الخس ! عايزني ابقي سلحفة يادكتور قولها وخلص نفسك !

Dr: hany mehany

القلب قلبان 🫀
اليمين لما هبط ورمت والشمال لما هبط نهجت❤️

الجملة دي قالها د. حسام موافي بأسلوبه البلاغي علشان يشرح ببساطة الفرق بين فشل الجانب الأيمن والجانب الأيسر من القلب في حالة Heart Failure.

"القلب قلبان":

يقصد إن القلب ليه جانبين:

الجانب الأيمن (Right Heart)

الجانب الأيسر (Left Heart)
وكل واحد ليه وظيفة مختلفة، ولما بيحصل فشل في أي طرف، بيظهر بأعراض مختلفة.

---

"اليمين لما هبط ورمت":

لو الجانب الأيمن فشل → الدم بيرجع ويتجمع في الجسم (Systemic Congestion).

الأعراض:

تورم الرجلين (Edema)

انتفاخ البطن (Ascites)

احتقان الكبد

علشان كده قال: "ورمت".

---

"الشمال لما هبط نهجت":

لو الجانب الأيسر فشل → الدم بيرجع على الرئتين (Pulmonary Congestion).

الأعراض:

ضيق في التنفس (Dyspnea)

نهجان مع المجهود

كحة وأحيانًا بلغم رغوي

علشان كده قال: "نهجت".

---

الخلاصة:

فشل القلب الأيمن → تورم

فشل القلب الأيسر → نهجان

*️⃣ ما الفرق بين هرمون Renin وال Rennin ؟

♦️الRenin : هو هرمون يقوم برفع ضغط الدم عندما يعاني شخص ما من انخفاض الضغط "hypotension"

♦️أما ال Rennin : إنزيم بيفرز من معدة الطفل"infants" لكي يقوم بهضم الحليب

*️⃣ كم من الدم بإمكانك أن تفقده دون أن تتضرر؟

⬅️ كمية الدم التي يمكن التبرع بها عادة من قبل شخص واحد تصل إلى 0.5 لتر، وهو ما يقرب عشر الدم الموجود في جسمك بمعنى أنه بالإمكان فقدان هذه الكمية من الدم دون إصابتك بالضرر.

💢 جمعية الصليب الأحمر الأمريكية بتنصح بالانتظار مدة 8 أسابيع بين حالات التبرع بالدم

متحكيش عن أي حاجه عايزها وبتتمناها لحد غير لما تحققها وتوصل ليها
طالما لسه بتسعي وبتحاول تنجزها يبقي الافضل ليك متحكيش لحد ما تتم

وافتكر ديما الآيه الكريمة:
"لا تقصص رؤياك علي إخوتك فيكيدوا لك كيدا"
منقول

مهم 🚨اي مريض شكوته الأساسية
✨ثقل ف اللسان speech difficulties
✨ثقل ف الجنب اليمين أو الشمال lateralization
✨فقد مفاجئ للبصر في عين واحدة أو الاتنين Vision problems
✨فقد مفاجئ في التوازن مع دوخة شديدة Dizziness or balance issues
✨صداع شديد جدا مفاجئ severe headache

لازم تشتبه في TIA or Stroke وعمل CT علي الفور
🚨🚨🚨 ممنوع ممنوع ممنوع
☠️إعطاء اسبرين لحين التأكد واستبعاد Hemorrhagic stroke
☠️ممنوع التدخل لتنزيل الضغط لو الضغط عالي الا لو فوق 220/120 وفي الحالة دي بننزله فقط من 20٪ ل 25٪
Dr Ayman Morsy

يا دكتور الإمتياز .. إوعى تفتكر إنك لوحدك كفاية في موقف طبّى طارئ، أو إنك بقيت جاهز تاخد قرارات مصيرية من غير ما ترجع لاستشاري أو أخصائي.
اللي بتعمله ده مش بس غلط قانونًا .. ده كمان حرام شرعًا.
أرواح الناس مش مجال للتمرين ولا للثقة الزايدة.
إنت لسه تحت التدريب، ولسه بتتعلم.
ولو حصل خطأ، مش هيبقى مجرد سهو .. ده ذنب، وساعتها لا "كنت فاكر" هتنفع، ولا "محدش علّمني" هتشفع.
اللي فوقك مش موجود عشان يتفرّج، ده موجود عشان يوجّهك وتحمي المريض وتحمي نفسك.
خلّي قلبك على المريض، وضميرك صاحي .. قبل ما يدك تكتب أو تنفّذ، اسأل نفسك: هل أنا أهل للقرار ده؟
وإن ما كنتش متأكد .. اسأل، حتى لو اتأخرت دقيقة.
الدقيقة اللي بتتأخرها في السؤال، أرحم من العمر اللي ممكن يضيع بسبب القرار الغلط

Dr Ahmed bendary

في حاجات بتتأخر مش علشان مش ليك…
بتتأخر علشان بتيجي ومعاها خير فوق اللي كنت مستنيه.

الرزق اللي اتأخر .. إتأخر على توقيتك انت مش التوقيت اللي ربنا كاتبه و لما بييجي .. بييجي وهو شايل تعويض كبير،
وبيعلمك الصبر، وبيجهزلك قلبك تستقبله صح.

ماتستعجلش…
اللي ربنا كاتبه ليك، هيوصلك في وقته،
ومش أي وقت… ده الوقت اللي فيه قلبك وعقلك ومستقبلك مستعدين للهدية.
...
د.ياسين مدحت🌹

في يوم وقفة عرفات، نسأل الله أن يكتب لنا جميعًا مغفرة ورحمة ورضا لا ينقطع. كل عام وانتم بخير

اللهم اجعلنا من عتقائك في يوم عرفات.. يوم الرحمة والغفران. كل عام وأنت ومن تحب بألف خير.

اللهم لا تدع هذا اليوم يمر إلا وقد غُفرت ذنوبنا، وقُبلت توباتنا واستُجيب دعاؤنا. وقفة عرفات مباركة عليكم ..

خلي_بالك ❤️
في الفتره الأخيره قرابة شهرين فاتو منتشر نزلات معويه أغلبها Viral ومعدي بسهوله، لو واحد في البيت تعب تلاقي معظم اللي في البيت اتعدو بعده، بيسبب أعراض عاديه من إسهال وترجيع وألم في البطن .. ودي حاجه مش محتاجه مجهود وكلنا بنعرف نوصف علاجات ونعوض سوائل والكل أفضل مني ....

لكن للتذكره بس مننساش إن السكر من النوع الأول عادة ما بيجي بأعراض مشابهه من ألم البطن والمعده والترجيع ..

مريض 13 سنه جاي بنفس الأعراض من ألم البطن وترجيع مستمر وأخواته عندهم نزله معويه ..
فجايين بس يصرفوله علاج للنزله ويأخد محلول وإبره للترجيع ..
الولد شكله ضعيف جدا وunderbuilt .. بقيس السكر للولد لقيته High .. مره تانيه High .. تحليل بول Acetone +3 ...
وتم الحجز بالرعايه المركزه وبدأ المحاليل والأنسولين ...
Dr Mohammed Taher

لما تشوف حد من زمايلك بيغلط ف الامتحان او بينقص درجات وتحس بنشوة انتصار او فرحه بسيطه يبقى تراجع نفسك كويس .

" لا يؤمن احدكم حتى يحب لاخيه ما يحب لنفسه "
تخيل إنك بفرحتك لنقصان درجاته دينك ناقص!

يقول ابن القيم : " من دلائل رقة قلب المؤمن، أن يتوجع لعثرة أخيه المؤمن إذا عثر، حتى كأنه هو الذي عثر بها، ولا يشمت به. " 💙

راجل طيب كان قاعد بيفطر مع عياله عادي، وبعد الفطار حس إنه دايخ شوية.. قاس السكر لقاه فوق الـ 500.. راحوا جابوا الصيدلي اللي تحت البيت..
قالهم : سكر عالي! يبقى انسولين على طول.. معروفة يعني..

وراح رازع الراجل 70 وحدة انسولين!! والرقم دا لما يقرأه دكتور أو مريض سكر هيلطم من الخضة! رقم مهول جداً..

المهم إن الراجل أخد الـ 70 وحدة من هنا واتشنج ودخل في غيبوبة، وجالنا الرعاية بدرجة وعي 6.. ودي درجة سيئة جداً.. والسكر بتاعه كان 55.. واتحط على تنفس صناعي، وبنحاول معاه لكن مفيش أي نتيجة للأسف وغالباً مش هيكمّل..

بناته في الزيارة كانوا بيعيطوا ومش مصدقين.. أبوهم كان كويس وقاعد بيفطر معاهم، وفجأة محطوط على تنفس صناعي بين الحياة والموت.. وكل دا بسبب بني آدم فاشل استكبر إنه يقول معرفش، ويقول لأهله خدوه وروحوا المستشفى..

د /محمد فهيم .

📌اللى يشوفها يقولك دى انيميا
📌واللى يقولك دى تينيا (الجلد )
📌واللى يقول دى ديدان
📌واللى يقول دا ضعف مناعه
📌واللى يقول حاجات مانعرفهاش اصلا

🧒🏻 بقع بيضاء على وجه طفلك؟ وموجوده عند معظم اطفالنا وبنبقا عايزين نعرف دا ايه يادكتور ونعالجه ازاى !؟

Pityriasis Alba🚨🚨
(التينيا البيضاء أو النخالة البيضاء)

🔹 ما هي؟
📌هي حالة جلدية شائعة وغير معدية، بتظهر كـ بقع بيضاء فاتحة على الوجه أو الذراعين، خاصة عند الأطفال.

🔹 تظهر إزاي؟
📌• بقع لونها أفتح من الجلد
📌• سطحها خشن شوية
📌• بتبان أكتر بعد التعرض للشمس

🔹 السبب؟
مش معروف بالضبط، لكنها غالبًا مرتبطة بجفاف الجلد أو بعض التهابات الجلد البسيطة، وبتكون أكتر شيوعًا في الأطفال اللي عندهم أكزيما أو بشرتهم حساسة.

🔹 هل مؤذية؟
لا إطلاقًا، دي حالة بسيطة ومؤقتة، ومش بتسبب أي ألم أو حكة شديدة.

🔹 العلاج؟
✅ ترطيب الجلد بكريم مرطب مناسب للأطفال
✅ كريمات بسيطة مضادة للالتهاب (يُوصفها الطبيب فقط)
✅ تجنب التعرض المفرط للشمس

📌 معلومة مهمة: البقع ممكن تاخد وقت في الرجوع للون الطبيعي للجلد، لكن مع الوقت والعناية بترجع البشرة لطبيعتها

د محمد درويش