أنا حذفت البوست الأخير رغم إني مكنتش شايف إن فيه مشكلة،
لأن الهدف من الصورة كان إني أنزل شرح للحالة دي تحديدًا،
خصوصًا إننا بنشوفها كتير جدًا في الاستقبال،
فكان الغرض منها تعليمي بحت لا أكثر.

كيف تشخّص حالة الـ facial palsy؟
من أكتر الحالات اللى هتقابلك فى الاستقبال، خصوصًا فى الـ females
والمهم إنك تقدر تفرّق: هل هى فعلًا facial palsy ولا الحالة سايكاك؟
وده جزء مهم جدًا من محاضرة الـ stroke
لأن التشخيص الغلط وارد جدًا فى البداية
وأول مرة قابلت الحالة دى فى الاستقبال شخصتها بشكل غلط.

شايفين الجمله العظيمه دي 😍
Anemia may be the cause of AKI
but CKD mostly come with anemia.

"الكِبر في الطب"

نصيحة لشباب الأطباء… وتذكرة لنفسي قبل أي حد، و لا أدّعي الفضيلة.

أوعى تقع في فخ الكِبر، لأنك وقتها بتخسر أكتر مما تتخيل.
بتخسر دينك قبل أي شيء، والنبي ﷺ قال:
«لا يدخل الجنة من كان في قلبه مثقال ذرة من كِبر».

تخيل تتعب التعب ده في الدنيا عشان تحقق امل دنيوي زائل، و في الآخرة ملكش اي وزن.
وربنا لما يكرمك بعلم أو مكانة أو رزق، فده فضل ونعمة، مش دليل إنك أحسن من غيرك.
ومن شكر النعمة إنك تتواضع، تعرف إن ربنا قادر يسلب منك كل شيء في لحظة.

وعلى المستوى الطبي… الكِبر كارثة!

الطب رحلة تعليم ما بتقفش.
من أول يوم كلية لحد آخر يوم في حياتك المهنية، أنت محتاج تتعلم:
من أستاذك، ومن زميلك، ومن الأصغر منك، وأحيانًا من المريض نفسه.

الطبيب المتواضع هو اللي يقدر يقول:
"معرفش"
ودي من أهم الحاجات اللي المفروض أي دكتور يتعلمها بدري.

أما المتكبر، فغالبًا بيخاف يعترف إنه مش عارف، أو يتقبل التصحيح، أو يسمع رأي مختلف. و ده بيضر المريض و يضر الدكاترة الصغيرين اللي لسة بيتعلموا.
وللأسف أحيانًا بيتم تقديم ده على إنه "كاريزما" أو "قوة شخصية"، مع إنه في الحقيقة بيخلق بيئة فاسدة للتعليم الطبي.

الطبيب اللي يشوف المرض والموت كل يوم، ويشوف قد إيه الدنيا ممكن تتغير في لحظة… المفروض ده يعلّمه التواضع أكتر من أي حد.

العِلم الحقيقي بيخلّي الإنسان أهدى وأرحم وأقرب للتواضع، لأنه كل ما يعرف أكتر، يدرك قد إيه هو لسه ما يعرفش.

بقالي ٧ سنين في أمريكا، يمكن تكون الحاجة المشتركة في اي حد اتعلمت منه هي التواضع، فيه استشاريين كبار بيجي يقولك بكل تواضع "أنا عايزك تعلمني حاجة جديدة" مع اني متاكد انه عارف الكلام اللي هقوله بس الأسلوب نفسه بيخلي اي حد تحته انه يتشجع و يقرا و يعلم اللي حواليه!

خليك سهل وليّن مع الناس، سواء مرضى أو طلبة أو زملاء.مش كل قوة تبقى في الشدة، أحيانًا أعظم أثر تسيبه في حياة حد إنك تكون رحيم وهادي وبتطمن اللي قدامك.

وفي النهاية افتكر دايما الاية الكريمة:

﴿نَرْفَعُ دَرَجَاتٍ مَّن نَّشَاءُ ۗ وَفَوْقَ كُلِّ ذِي عِلْمٍ عَلِيمٌ﴾

Dr Ahmed Shebl

لما يبقي فيه unilateral lung pathology مسبب hypoxemia . فلك ان تعلم انك لو غيرت ال position بتاع العيان و خليت ال good side down ده ممكن يحسن ال oxygen level بتاع المريض .
المعلومه و لو انها تبدو بسيطة . بس معرفتك ليها بينفع عيان محطوط علي mechanical ventilation و هو عندة unilateral lung pathology و محتاج high oxygen requirement و انت مش عارف ممكن تعمل ايه بشكل بسيط و يفيد العيان .

dr nabih mokhtar

الcancer أياً كان مكانه بيزود الrisk of cerebrovascular events زي MI او stroke او Dvt او pulmonary embolism وجدير بالذكر بردو ان كل الanti cancer المستخدمه بتعمل نفس الشئ يعني الcancer وعلاجه الاتنين سهل يدخلوك فالمشاكل دي عن طريق أنهم بيعملوا arterial spasm وacceleration in atherosclerosis and plaque repture وكذلك thrombosis والعيانين دول في نفس الوقت الrisk of bleeding فيهم عالي ،بالتالي مهم لو اتقالك دا مريض كانسر وبيشتكي من ضيق فالنفس وجع في صدرة وجع في رجله ضعف فناحيه انك تفكر فالrisk for CVD events

د. أحمد أبوشنب

Random Blood Sugar is mandatory in the ER  especially in diabetic patients.

30years old female pt
PMH: Epilepsy + Diabetes mellitus on oral hypoglycemic drugs
الحالة جاية متحوّلة تعمل CT brain كانت بتتشنج في مستشفى تانيه وقعت وخبطت رأسها وعملت جرح قطعي.
ادولها أدوية لإيقاف التشنجات وتم تحويلها عشان تعمل الاشعه
قبل ما تدخل على الأشعة دخلت استقبال الطوارئ عندنا بسبب انهي اتشنجت تان وهي جايه

❗ Important point
الحالة ما كانتش مترندمة فرندمناها RBS = 25 mg/dL
ادنالها جلوكوز فالحالة فاقت وبقت كويسه وبطلت تشنجات

Take home message
Hypoglycemia ممكن تعمل seizures وتقلد epilepsy
Anti-epileptics لوحدها مش هتحل المشكلة

د. محمود الفخرانى

الدرس اللى بيتعلمه كل طبيب يومياً :

اوعى تستنى مريض سكر يجيلك ب Chest pain عشان تشخص ACS . وطبعا كلنا عارفين ده بسبب ال Autonomic Neuropathy واللى بيخللى المريض بيجى ب silent MI .

طب امتى تشك إن العيان بتاعك فى Silent MI :

١. أى عيان يجيلك ب DKA لازم تعمل له رسم قلب وخصوصاً لو  Type 2 DM لان طبعا ال DKA عشان تحصل فى type 2 لازم يكون فيه Major stress واللى احنا بنسميه تحالف قوى الشر عشان يحصل DKA فى النوع التانى للسكر فلازم تاخد بالك ومتنساش ال silent Ischemia ده طبعا بخلاف Type 1 اللى معاه ال DKA بيكون اكثر شيوعاً .

٢. لو العيان جالك بEpigastric pain & vomiting ومعاه عرق او بروده فى الأطراف .

٣. لو العيان جالك Acute onset of dizziness & sense of unwell

٣. لو العيان بتاعك مريض ضغط وكان ضغطه مظبوط على العلاج ومرة واحدة لقيت ضغطه واطى بدون سبب .

٤. اى عيان سكر عنده any pain from jaw to umblicus you should exclude cardiac Ischemia

خليك شكاك ومتنساش اى عيان سكر عنده حاجة من العلامات اللى فاتت اجتهد انك تستبعد ال Cardiac Ischemia

" ومن أحياها فكأنما أحيا الناس جميعاً " 🌹

د.مصطفي صبرة
استشاري ومدرس الباطنة العامة

❌تخيّل إنك تتحكم بقلب إنسان عن طريق "ريموت كنترول" أو iPad؟

كأخصائي كهرباء قلب (Cardiac Electrophysiologist)، أكثر أداة ما بنستغني عنها في ال Rounds على المرضى مش السماعة Stethoscope بل الـ iPad!

بضغطة زر، وعن طريق تطبيق خاص App، منعمل syncing مباشر مع البطارية المزروعة داخل جسم المريض (Pacemaker أو Defibrillator)… ومن هون بنسيطر بشكل كامل على "نظام الكهرباء" داخل القلب Hacking the electrical system .وحرفيًا، نقدر نتحكم بكل تفصيلة صغيرة:

✅كم نبضة لازم يدق القلب بالدقيقة؟ أي حجرة بتنبض أول؟
✅ما هو التوقيت المثالي بين الأذين والبطين؟ بالجزء من 1000من الثانية
✅كمية الكهرباء اللي تطلع مع كل نبضة؟
✅ومتى يعطي صعقة كهربائية تنقذ حياة المريض؟

اللي يخيف ويثير في نفس الوقت… إن هذي الأجهزة الحديثة مش مجرد بطاريات زي ما الناس بتتخيل! هي كمبيوترات حيوية ذكية مزروعة جوا جسم الإنسان وفيها مئات الخصائص المذهلة، حتى كثير أطباء خارج تخصص كهرباء القلب ما يعرفوها:

❌ مثلاً يمكن برمجة القلب لينخفض عدد ضرباته تلقائياً أثناء النوم ليحافظ على راحة الجسم (sleep mood)! أو برمجته ليزيد عدد ضربات القلب تلقائياً أثناء الحركة أو الرياضة (rate response sensors) أو حتى يكشف التوتر والاتفعال - مش بس الحركة! ويفهم إنه القلب تسارع بسبب الخوف أو الضغظ النفسي ويتفاعل معه!

❌ يراقب التنفس أثناء النوم ويكتشف انقطاع النفس (Sleep Apnea). يراقب السوائل في الصدر ونشاط المريض، ويتنبأ بتدهور فشل القلب (Heart failure exacerbation) قبل أيام أو أسابيع من الدخول للمستشفى وبعمل تقييم للvolume status للمريض عن طريق ال thoracic impedance!

❌ ولو صار اضطراب خطير مثل الرجفان البطيني (VT or VF)… الجهاز خلال ثواني يحلل الإشارة ويقرر: هل لازم يعطي صعقة كهربائية لإنقاذ المريض؟ أو يكفي انه يعمل تسارع للنبض (ATP Pacing) عشان ينهي الاضطراب بدون صعقة؟ كل هذا يحصل أوتوماتيكيًا داخل الجسم!

❌ في خصائص مذهلة ومعقدة لحالات محددة! مثل ال CLS algorithm اللي بتقيس ال Autonic tone علشان الجهاز يمنع ال vasovagal syncope .. أو ال Rate Smoothing اللي بتمنع أي تغير مفاجى ب ال Heart Rate - مفيدة لمرضى ال Long QT syndrome .. أ

والمذهل أكثر… إن الجهاز يراقب نفسه بنفسه:
🔋 يفحص البطارية يوميًا -
🔌 يفحص الأسلاك المزروعة داخل القلب Impedance & thresholds
📡 يرسل تقارير كاملة للمستشفى عن بُعد
🚨 ويحذرنا إذا في مشكلة قبل ما يشعر المريض بأي أعراض

يعني فعليًا… المريض يمشي بحياته الطبيعية، بينما داخل جسمه يوجد نظام إلكتروني كامل يراقب ويحلل ويتخذ قرارات لحظة بلحظة.

هالتطور ما كان ممكن بدون دمج ساحر بين: الطب, الهندسة, البرمجة, الذكاء الاصطناعي! خلف كل جهاز صغير مزروع بالقلب… يوجد آلاف المهندسين والأطباء والعلماء حول العالم حتى تصل هذه التكنولوجيا إلى المريض.

جزء من عملي اليومي إني أفحص هذه الأجهزة وأبرمجها بشكل individualized لكل مريض لتحقيق أفضل نتيجة طبية! مع إنه الموضوع روتين يومي! لكن أحيانًا وإنت ماسك الـ iPAD وبتتحكم بنبضات قلب إنسان حي أمامك… بتحس وكأنك عايش داخل فيلم خيال علمي!

Dr Ahmed Teebi

أمانة الطبيب تقتضي ألا يفرق بين غني وفقير. المريض أمانة في عنق الطبيب وفي عنق المنظومة الصحية كاملة، وصيانة هذه الأمانة تكون بالعلم المستمر والضمير اليقظ الذي لا يغفو."

د محمد غنيم

وداعًا للأنسولين بالحقن للأطفال ومرحبًا بالإستنشاق!

أخيرًا وافقت هيئة الغذاء والدواء الأمريكية بالأمس ٢٩ مايو على استخدام الأنسولين عن طريق الإستنشاق للأطفال من سن ٦ سنوات، وقد سبق الموافقة عليه للكبار من قبل.

هذا الأنسولين، والذي يسمى أفريزا Afrezza، يمكن استنشاقه مباشرة قبل الأكل من خلال جهاز صغير يشبه الصافرة الصغيرة يوضع داخلها كبسولة الأنسولين. والطريقة سهلة، ويمكن للأطفال إستخدامها بتدريب بسيط. وهذا الأنسولين يمتص بسرعة من خلال الرئة للدم مباشرة. مازال الطفل يحتاج لحقنة واحدة من الأنسولين طويل المفعول يوميًا، فهذا الأنسولين الجديد هو أنسولين قصير المفعول، ويستخدم للوجبات فقط بديلا للنوڤو رابد Novo rapid والأبيدرا Apidra والهيمالوج Humalog، ويستمر عمله لمدة ساعتين لثلاثة على الأكثر.

كنت أحد الباحثين في إستخدام هذا النوع من الأنسولين وسعدت جدًا بهذه الموافقة لأنها ستريح آلاف الاطفال من الحقن ٣-٤ مرات يوميًا، وتعطيهم حرية في موعد وعدد الوجبات اليومية، وخاصة أثناء المدرسة أو في الرحلات. ومن المفيد أن تعرف أن هذه الطريقة لا تسبب زيادة في الوزن أو انخفاضات السكر الشديدة بالمقارنة بالأنسولين قصير المفعول عن طريق الحَقن.

طبعًا لا أعرف متى سيكون هذا الأنسولين متاحًا في مصر، ولا سعره المتوقع، فهو حاليًا مغطى بالكامل من خلال التأمين الصحي في أمريكا، ولكن أتوقع أن يتوافر بمصر خلال عام من الآن وأتمنى أن يكون سعره في متناول الجميع أو يغطيه التأمين الصحي. في تصورى أن أى وسيلة تريح الطفل وأهله من عناء شكَّات حقن الأنسولين هى مكسب كبير، فشكرًا لله على العلم والعلماء!
د أسامة حمدي

الاحتياط واجب برضو 😂

ركز فى اى حاله انت بتشوفها وخد بالك اوى من الـ Red flags 🚩🚩🚩

👵جاتنى ست عندها ٦٠ سنه تقريبا بتشتكى من الم فى اعلى البطن ( فُم المعده ) او Epigastric pain

👵 الست مريضه سكر بقالها اكتر من ١٥ سنه

👵 الالم بقاله ١٠ ايام والست بتقول أنه جالها بمجرد ما الدكتور غيرلها علاج السكر الجديد ‼️

👨‍⚕️ بصيت فى العلاج لقيت أنه تم اضافة Metformin وبأقصى جرعه ٢ جم بدون تدرج فى الجرعه خالص وهى بالمناسبه اول مره تاخده ..وقبل كده كانت ماشيه على أنواع أخرى ليس من ضمنها الـ metformin اصلا

👵 الست اول مره تشتكى من الم زى كده وانكرت تماما وجود أى أعراض مصاحبه زى القئ والـ dysphagia وانكرت كمان نزول الوزن وانكرت وجود انيميا ووشها كمان كان طبيعى مفيش Pallor اصلا وانكرت كمان حدوث أى نزيف من الجهاز الهضمى زى الـ Hematemesis او الـ Melena

👵 الست قالت إن الالم ده مخليها مش عارفه تاكل ومش بتهضم والغريب انها مصممه أنه حصل فقط لما اخدت الـ metformin خلى بالك ‼️

👨‍⚕️ الجايدلاينز علمتنا أن المريض لو عمره فوق الـ 55 وجاله New onset of epigastric pain or dyspepsia فده في حد ذاته Alarm او Red flags ‼️. .حتى لو مفيش اى اعراض Red flags تانيه ‼️

👨‍⚕️ المهم لسه بدوب بافحص المريضه ولسه يدوب باعمل superficial palpation للبطن ..ايدى خبطت فى ⤵️⤵️
hard mass in the epigastrium 😱

👨‍⚕️ حطيت السونار لقيت large focal lesions in the liver وعملت سونار تانى تأكيدى خارج العياده طلعت Gastric mass عامله Metastases فى الـ Liver ‼️

👨‍⚕️ بعت الست لدكتور الأورام وتم طلب منظار علوى EGD وأخذ عينه واتضح أنها Gastric Carcinoma وهى الان بتتحضر للعلاج

Key message 📩

Any patient above age of 55 years with new onset of dyspepsia (epigastric pain ) , you should exclude Malignancy by EGD

Dr hosam mokhtar

لما يجيلك عيان بــ Acute Focal Neurological Deficit فده Stroke إلى أن يثبت العكس 🔥
طيب الجملة دي هستفاد منها ايه مادام كدة كدة في أكتر من تشخيص وهحاول أفرق بينهم قبل العلاج 🧐
هتستفاد إنك وانت بتاخد هستوري وبتعمل الفحص بتاعك هتكون ممشي العيان في مسار ال stroke لحد ما يثبت العكس ✋🏻

هو يعني ايه focal deficit أصلا 🙄
من إسمها هو مشكلة وفي نقطة محددة في المخ فأنا بشوف أثرها إن فيه function محددة عطلت من المخ ... زي ايه مثلا ؟
1️⃣ أي ضعف مفاجئ في إيد، رجل، نص الجسم (ضربنا مركز الحركة)
2️⃣ أي لخبطة كلام طلعت فجأة (ضربنا مركز الكلام)
3️⃣ أي فقدان رؤية مفاجئ (ضربنا مركز الإبصار)
4️⃣ أي تنميل في نص الجسم (ضربنا مركز الإحساس)
يبقى المشكلة من عامة لأ ده فيه نقطة محددة حصل فيها مشكلة أما الباقي سليم.

ده مش وقت تفكير طويل… ولا وقت طيب نخلي الـ CT بعد شوية.
ده اسمه: Acute Focal Neurological Deficit
وبالنسبة لنا … Stroke لحد ما نثبت العكس.

🔥 إمتى أقلق؟
لو المريض دخل عليك وهو عنده: 💢Sudden💢
🔴 Unilateral limb weakness 💪🏻
🔴 Unilateral numbness ⚡️
🔴 Difficulty in speech 🗣
🔴 Loss of vision in one field 👀
🔴 Abnormal gait 🚶‍➡️
🔴 Facial droop 🧏🏻‍♂️

العامل المشترك بينهم جميعاً إنه Sudden ده اللي بيخليك تترعب لأنه مادام الأعراض جديدة فأكيد المصيبة هتكون جديدة وممكن تتلحق لو اتحركت بسرعة ... عكس مثلا ما يكون العيان عنده شلل من 20 سنة ! خلاص مفيش حاجة نبكي عليها 🤷🏻

1st steps:
1️⃣ Check vital signs — الضغط مهم جدا
2️⃣ Glucose check — Hypoglycemia can mimic stroke
3️⃣ Onset of symptoms دي أهم سؤال هي اللي هتحدد يمكن إنقاذ ما تبقى ولا لأ

🖥 CT Brain ASAP to exclude hemorrhage.
لو CT is normal ولسه symptoms شغالة؟ ومفيش سبب أخر يفسر الأعراض
⬅️ اعتبرها ischemic stroke
⬅️ جهز نفسك للـ thrombolysis لو المريض جوه ال window
⬅️ واتصل بحد Neurology فورا

Time = Brain
كل دقيقة ضايعة = خلايا عصبية بتموت بلا رجعة.

د. محمد حسني