بذاكر دلوقتي approach لل headache ف بعد ما شوفت الأسباب ازاي نعمل analysis تذكرت دكتورة امتياز كانت بتاخد حالات ف العيادة مع النواب. المهم كانت معاها حاله جايه بالشكوي دي ف هي ماشاء الله عليها كانت مشخّصاها انها benign idiopathic intracranial headache من غير حتي ما تطلبلها CBC 😅 تذكرت العبث اللي بيحصل لما امتياز ياخد حالات مع النواب 😅
نصيحه: أرجوك انت لو بتحضر عيادة ف انت نازل تسمع وتسأل مش تاخد حالات مع النايب علشان تساعده🥹 ارجوك. احترم ان دا عيان جاي ب complaint مضايقاه وانت مش باش كاتب بتوصف ادويه sorry يعني زي الاهب..ل وخلاص. اقتنع انك لسا غير قادر انك تكون مسؤول عن حاله ارجوك 🙏🏻
(عارف انك هتموت وتبقي دكتور ومسؤول عن حالات بس استحمل شويه لحد ما تبقي كويس يا صديقي☺️♥️)

Dr Mahmoud henfy

النهاردة الساعة 10 مساءاً هنبدأ ان شاء الله محاضرة أونلاين هيتم تسجيلها للي مش هيقدر يحضر، بتتكلم عن حالة presented to you in ER with acute DCL وهنبدأ نعمل simulation حقيقي للخطوات اللي هتتاخد مع الحالة دي بظروفها الخاصة في الطوارئ لحد ما نوصل لتشخيصها وال initial management بتاعها ، الحضور هما اللي بيعملوا Management بنفسهم 🤚🏼

هتكون على Google meet ✅
ده اللينك https://meet.google.com/xut-bask-tkq وهيشتغل الساعة 10 لما نبدأ إن شاء الله 🌟

Types of Syncope

1- Vasovagal syncope
2- Orthostatic Syncope
3- Cardiac Syncope

اولا الـ Vasovagal syncope

المريض هيقولك قبل ما يغمى عليه حس بسخونة فى جسمه وعرق وحس بغثيان وزى زغلله كده

وده غالبا بسبب أنه شاف دم مثلا او حصله emotional stress

بنلاقى عنده bradycardia بسيطة 
وبنطمنه وبيمشى

ثانيا الـ Orthostatic Syncope

دى بتحصل بسبب الـ postural hypotension

اللى بيحصل غالبا بسبب أدوية زى
Antihypertensive
Antidepressants
Vasodilators
أو بيحصل بسبب autonomic dysfunction زى
Diabetes
Parkinson's


المريض اول ما يقف فى خلال دقايق يحس بدوخه ويغمى عليه

هتشخصه ازاى؟
اول ما المريض يدخل ينام على السرير لمدة خمس دقايق وتقيسله الضغط وبعدين يقف لمدة تلت دقائق وتقيسله تانى

غالبا هتلاقى أن ضغطه لما وقف أقل اكتر من 20mmHg فى الـ SBP
وقل اكتر من 10mmHg فى ال DBP

وخلى بالك ممكن برده على المريض ما يخرج من البيت للمستشفى ويطلع فى الهواء البارد أو يأكل ويشرب حاجة تلاقى ضغطه زبط قبل ما تقيسله اصلا

ثالثا الـ Cardiac Syncope
ودى بقى الـ most important
سببها نوبة غير مستمرة من
Serious arrhythmia
زى الـ
Ventricular fibrillation
Ventricular tachycardia
Complete heart block
Sinus pause

وده غالبا بيحصل فى المرضى فوق سن 45 سنة بسبب ال
Ischemic heart disease

وخلى بالك مريض ال cardiac syncope  غالبا معندوش أى أعراض سابقة وبيتعافى بسرعة
علشان كده مهم اوى تسأل عن
Syncope during exertion
أو لو فى
Family history of sudden death

‏🟩🟩تشخيص مرحلة ما قبل السكري: أكثر من مجرد رقم
‏✅معايير التشخيص

‏1️⃣سكر الدم الصائم (FPG)
‏من 100 إلى 125 mg/dL
‏او
‏2️⃣ السكر التراكمي (HbA1c)
‏من 5.7٪ إلى 6.4٪
‏او
‏3️⃣اختبار تحمل الجلوكوز الفموي بعد ساعتين (2-h OGTT)
‏من 140 إلى 199 mg/dL

‏🟩🟩العلاج

‏1️⃣نمط الحياة: الخط الأول لعلاج مرحلة ما قبل السكري — عند تطبيقه بالشكل الصحيح

‏🔴 خفض وزن الجسم ≥ 7٪
‏الحد الأدنى لتحقيق فائدة سريرية ملموسة في تحسين سكر الدم

‏🟠 ≥ 150 دقيقة نشاط بدني أسبوعيًا
‏تمارين هوائية متوسطة الشدة + 2–3 جلسات تمارين مقاومة أسبوعيًا.

‏🟡 حوالي 7 ساعات نوم ليلًا
‏النوم أقل من 6 ساعات أو أكثر من 9 ساعات قد يزيد خطر تطور المرض بنسبة تصل إلى 50٪.

‏🟢 اتباع النمط الغذائي المتوسطي / DASH
‏التركيز على:

‏الحبوب الكاملة
‏الخضروات
‏البقوليات
‏الأسماك
‏زيت الزيتون
‏تقليل الأطعمة فائقة التصنيع (Ultra-processed foods)

‏الدعم السلوكي مهم بقدر أهمية العلاج نفسه

‏✅يجب التعامل مع النوم، والتوتر النفسي، والبيئة الغذائية معًا لتحقيق أفضل النتائج

‏2️⃣العلاج الدوائي في مرحلة ما قبل السكري ،عندما لا يكون تعديل نمط الحياة وحده كافيًا

‏🔹 الميتفورمين (Metformin)
‏الأكثر مناسبة لـ:
‏مؤشر كتلة الجسم ≥ 35
‏العمر أقل من 60 سنة
‏وجود تاريخ سابق لسكري الحمل
‏الدليل العلمي:
‏دراسات DPP و DPP-OS أظهرت تقليل خطر تطور السكري على المدى الطويل، ويُعد الخيار الدوائي الأول وفق توصيات الجمعية الأمريكية للسكري (ADA).

‏🔹 نواهض مستقبلات GLP-1
‏مثل سيماجلوتايد 2.4 mg ويقوفي واوزمبك
‏مناسبة لـ:
‏مرحلة ما قبل السكري المرتبطة بالسمنة
‏الحاجة إلى فقدان وزن كبير
‏الدليل العلمي:
‏دراسات SCALE و STEP أظهرت:
‏فقدان وزن ملحوظ
‏انخفاض تطور الحالة إلى السكري من النوع الثاني لدى مرضى ما قبل السكري

‏🔹 تيرزيباتيد (Tirzepatide)-المنجارو

‏(مزدوج التأثير GIP / GLP-1)

‏الأكثر مناسبة لـ:

‏السمنة الشديدة أو ارتفاع BMI
‏متلازمة الأيض
‏عدم الاستجابة للعلاجات السابقة

‏الدليل العلمي:
‏دراسة SURMOUNT-1 أظهرت:

‏فقدان وزن يتجاوز 22٪
‏تحسن أو اختفاء مرحلة ما قبل السكري لدى معظم المشاركين

‏🔹 بيوجليتازون وأكاربوز
‏(في حالات مختارة)
‏الأكثر مناسبة لـ:
‏بعض الأنماط الخاصة مثل:
‏الكبد الدهني المصاحب لمقاومة الإنسولين
‏الدليل العلمي:
‏دراسات DREAM و ACT NOW و STOP-NIDDM أثبتت الفعالية، مع ضرورة الانتباه لتحمل الدواء والآثار الجانبية.

‏✅ملاحظة مهمة
‏العلاج الدوائي يُعد مساعدًا وليس بديلًا عن تعديل نمط الحياة، والذي يبقى الأساس في الوقاية والعلاج

د.السيد المر

🚨في خبر مهم جدا في طب النساء والغدد
اسم تكيّس المبايض PCOS اتغير إلى PMOS يعني
Polyendocrine Metabolic Ovarian Syndrome،

والتغيير ده مش مجرد تغيير اسم ولا حركة شكلية، ده تصحيح لفهم مرض اتظلم سنين بسبب اسم كان مختزل جدا ومضلل جدا.

👈زمان لما كنا نقول Polycystic Ovary Syndrome، أول حاجة بتيجي في دماغ المريضة وحتى بعض الأطباء هي تكيسات على المبيض
فيبدأ التفكير كله يتحبس في السونار: هل في أكياس؟ هل المبيض شكله متكيس؟ هل السونار طبيعي؟ طيب يبقى مفيش مشكلة؟
وده كان جزء كبير من الأزمة، لأن المتلازمة دي أصلا مش مرض أكياس على المبيض، ولا وجود الشكل ده على السونار وحده يكفي للتشخيص، ولا غيابه ينفي المرض في كل الحالات.

الأدق إن اللي بيتشاف في السونار غالبا مش cysts بالمعنى المرضي اللي الناس متخيلاه، لكنها follicles صغيرة، يعني حويصلات مبيضية صغيرة، ووجودها جزء من صورة ممكن تحصل في بعض الحالات، لكنها مش جوهر المرض.

وده بالضبط سبب إن الاسم القديم كان بيعمل سوء فهم: بيخلّي المريضة تفتكر إن المشكلة كلها في المبيض، وبيخلّي ناس كتير تتطمن غلط لو السونار مش واضح، أو تتشخص غلط لمجرد إن السونار فيه شكل مبيض متعدد الحويصلات.

✅الاسم الجديد PMOS أذكى وأدق لأنه بيقول إننا قدام متلازمة أوسع من المبيض.
▪️كلمة Polyendocrine معناها إن الاضطراب له علاقة بأكتر من محور هرموني، مش مجرد مبيض بس.

▪️كلمة Metabolic مهمة جدا لأنها بتحط مقاومة الإنسولين واضطراب الوزن والدهون والسكر والمخاطر القلبية الأيضية في قلب الصورة، مش كأنهم حاجات جانبية.

▪️وكلمة Ovarian لسه موجودة لأنها بتعترف إن المبيض والتبويض والدورة والخصوبة جزء أساسي من المتلازمة، لكن مش كل القصة.

يعني المريضة اللي عندها اضطراب دورة، وزيادة أندروجينات أو علامات زيادة أندروجين زي حب الشباب، زيادة الشعر في أماكن غير معتادة، تساقط شعر بنمط هرموني، صعوبة في التبويض أو تأخر حمل، ومعاهم مقاومة إنسولين أو قابلية لزيادة الوزن أو اضطراب سكر أو دهون، دي مش مجرد مريضه عندها تكيسات.

دي عندها متلازمة هرمونية أيضية مزمنة محتاجة تقييم شامل، ومتابعة أذكى، وخطة علاج حسب الهدف: هل الهدف تنظيم الدورة؟ حماية بطانة الرحم؟ تقليل الشعر والحبوب؟ تحسين التبويض والخصوبة؟ تقليل مقاومة الإنسولين؟ تقليل المخاطر القلبية الأيضية؟ ولا التعامل مع الأثر النفسي وجودة الحياة؟

📌والنقطة المهمة جدا إن تغيير الاسم لا يعني إن المرض اتغير، ولا إن التشخيص اتلغى، ولا إن العلاج بقى حاجة جديدة تماما.
اللي اتغير هو العدسة اللي بنبص منها على المرض.
بدل ما نبص له كسونار ومبيض فقط، نبص له كحالة endocrine-metabolic كاملة.
الجايدلاينز الحديثة لسه بتتعامل مع التشخيص في البالغات بمنطق وجود اتنين من تلاتة بعد استبعاد الأسباب الأخرى: زيادة أندروجينات سريرية أو معملية، اضطراب تبويض أو دورة، وشكل مبيض متعدد الحويصلات على السونار أو ارتفاع AMH عند الحاجة.
لكن لو عندنا اضطراب دورة واضح مع hyperandrogenism واضح، فالسونار أو AMH مش لازم يكونوا مطلوبين لتأكيد التشخيص في كل حالة.

وده معناه عمليا إن جملة السونار كويس يبقى مفيش تكيّس جملة مش دقيقة، وجملة السونار فيه تكيسات يبقى عندك المرض برضه مش دقيقة.
التشخيص مش صورة، التشخيص pattern كامل: أعراض، تاريخ مرضي، دورة، علامات أندروجين، تحاليل عند اللزوم، واستبعاد أسباب تانية ممكن تعمل نفس الصورة زي اضطرابات الغدة الدرقية، ارتفاع البرولاكتين، congenital adrenal hyperplasia، Cushing، أو أورام مفرزة للأندروجين في الحالات الشديدة أو غير المعتادة.

يعني مريضة PMOS مش محتاجة بس تنظيم دورة وخلاص.
محتاجة كمان تقييم للمخاطر الأيضية زي السكر والدهون وضغط الدم، ومحتاجة نفهم مقاومة الإنسولين لو موجودة، ومحتاجة تقييم لأعراض الجلد والشعر، ومحتاجة تقييم للنوم أحيانا، ومحتاجة عدم تجاهل القلق والاكتئاب واضطراب صورة الجسم والأثر النفسي، لأن المتلازمة دي مش بس رقم هرمون ولا شكل مبيض؛ دي حالة ممكن تأثر على الجسم كله وعلى جودة الحياة كمان.

✅عشان كده تغيير الاسم من PCOS إلى PMOS مش رفاهية لغوية.
الاسم القديم كان بيختزل مرض معقد في كلمة cysts، بينما الاسم الجديد بيحاول يقول الحقيقة: إحنا قدام متلازمة مبيضية، هرمونية، أيضية، طويلة المدى، ومحتاجة علاج شخصي حسب كل مريضة، مش بروتوكول واحد لكل الناس.

✨الخلاصة ان PMOS مش اسم جديد لنفس الفكرة القديمة، PMOS هو محاولة لتصحيح الفكرة نفسها.
المشكلة مش مجرد تكيسات على المبيض، المشكلة شبكة هرمونية وأيضية وإنجابية ونفسية وجلدية، والسونار جزء من القصة لكنه مش القصة كلها.

Dr Mahmoud shady

ف الشغل بنستخدم برنامج اسمه Abridge AI مدمج في الملف الطبي .. كل دوره ان يسمع الحوار اللي بيحصل بيني و بين المريض طول وقت الزيارة و يسجله و بعدها يكتب ال notes ك draft و بعد الزياره انت تعدلها براحتك ..

اختراع عظيم جدا و بيساعد كتير جدا خصوصا لان فيه حاجات العيان بيقولها ممكن تسقط منك أو انت تنساها لو اتكلمتوا ف كذا موضوع .. ف هو بيسجل كل حاجه حرفيا و ف الاخر بتلاقيه ملخص كل اللي اتكلمتوا فيه ف كذا نقطه و مرتبهم لك حسب كل شكوي العيان قالها ..

المهم .. اختراع مفيد جدا و بيوفر وقت كتير جدا من وقت الزيارة و بيخليك تقضي وقت أكتر مع المريض ..

انهارده كان عندي مريض عربي .. دخلت له و شغلت الأبلكيشن و قعدنا نتكلم .. اتكلمنا بالعربي .. ف افتكرت ان الأبلكيشن شغال و أكيد مش هيفهم احنا بنقول ايه .. قلت أقفله ولا اسيبه .. قلت سيبه وابقي الغي التسجيل ف أخر الزيارة و خلاص!

خلصنا كلام و العيان مشي .. قلت أدخل أقفل الأبلكيشن و أمسح التسجيل ..
أتفاجئ ان الأبلكيشن سمع كل الكلام اللي قلناه ب لهجه عاميه مصريه و قدر يترجمه ويرتبه و يكتب ال notes بدون ما يغلط غلطه واحده 😀😀

انا اتصدمت! ازاي فهم العاميه المصريه و قدر يترجمها و يكتب كل اللي قلناه بالدقه دي!

شغل فاخر الصراحه 🤖

Dr Mohamed Shokr

دايما الهيستوري الصح هو ال هيقودك للتشخيص الصح
في عيان جاي بيشتكي من الم في الرجل الشمال وراح مستشفي كشفو عليه وعمل اشعه طلع عنده ديسك وكان القرار انه يعمل عمليه
لكن راح لدكتور تاني
سأله سؤال واحد الوجع بدأ ازاي؟
قاله كنت قاعد فجاه حسيت بوجع شديد فرجلي وبدا يزيد
وده يعتبر acute onset
وماشي مع الحاجات الvascular
عكس الم ضغط الفقرات ع الاعصاب بيكون تدريجي شويه
وكان القرار انه اتعمله ecg طلع severe atrial fibirilation
ودوبلر
طلع في arterial embolism
ف دي حاله acute limb ischemia
يعني تشخيص مختلف تماما وكانت القرار الاول ممكن يوصل المريض لبتر ساقه
الدكتور الشاطر هو ال بيعرف ياخد هيستوري صح لان ده مفتاح التشخيص

Dr Mohamed mostafa

حاله من طوارئ  كانت من ستر ربنا وتوفيقه اني اتعامل معاها ♥️

🔷 اهم معلومه من الحاله  : لازم تنسى أن مريض DKA لازم يجي معاه hyperkalemia دا مش حقيقي انت مريض ال DKA بتبدأ تحط بوتاسيوم بعد تاني لتر في الغالب طبعا على حسب نسبه البوتاسيوم ولكن في الأساس بلاش تعتقد أن DKA يبقى لازم hyperkalemia

🔷 كنت لسه بتعلم رسم القلب فكنت بشوف كل رسم قلب يتعمل واسجل اللي انا عرفته وأشوف النايب الكومنت بتاعه على رسم القلب اي
المهم كان فيه رسم قلب شوفته فلقيت فيه
1-bradycardia
2- flat t waves
3- diffuse st depression

🔷 روحت اشوف العيانه لقيتها جايه اصلا DKA مع شديد vomiting عنيف وسحبو ليها معامل ومستنيين التحاليل

🔷 قيست النبض لقيتها 44 وضغطها واطي  معنى كدا أنها hemodynamic unstable

🔷 طبعا اخدت رسم القلب للمدرس المساعد النباطشي وقتها وكان في دقائق نزل نائب الرعايه وبدأ يتعامل مع الحاله

التحاليل طلعت طلع  sever hypokalemia

الحاله اتعمل correction واتحجزت رعايه وطلعت زي الفل

اللي علق معايا وقتها نائب الرعايه قالي انت ربنا بعتك ليها نجده والله كانت ممكن تأرست في أي وقت

د. محمد مجدى

قربت قعدة نيابات الدفعه الجديده

أنا عارف إن الموضوع تقيل وفيه تفكير وعصف ذهني شديد وانا اتسالت اسئله كتيره جدا عن التخصص والاختيار والناس في حيره شديدة جداً لحد الإرهاق النفسي العنيف 😅

ولكن هقولكم نفس اللي قولته لزمايلكم اللي اكبر منكم دفعتين وكل واحد منهم حالياً بقي سينيور ف تخصصه

يا عزيزي اعمل اللي عليك واجتهد قدر المستطاع وبس

ولكن لحظة ياصديقي ....

لتهدأ قليلا فإن هذا مُلكه سبحانه ، مُلكه الذي يَهبُ فيه ما يشاء لمن يشاء ويحرم فيه ما يشاء عمن يشاء ، والأمر ليس متعلق بقدراتك ولا بسعيك فقط ، بل بفتحه عليك

وما يفتح الله للناس من رحمة فلا ممسك لها !

لا ممسك لها ياصديقي

فأمرك ومآلك وشأنك كله بيد لله فحسبك الله في كل لك الله
افعل ما عليك وتوكل على وكفي بالله حسبك ❤️

ريح بالك شويه من كتر التفكير وتوكل على الله

لا تُدَبِّرْ لَكَ أَمْرًا فَأُولُو التَّدْبِيرِ هَلكَى
سَلِّمِ الْأَمْرَ تَجِدْنَا نَحْنُ أَوْلَى بِكَ مِنْكَا .

ربنا يوفقكم ياشباب ❤️

د.محمد حسونه

لو عيان ischaemic stroke وضغطه عالي متوطيهوش ،الا لو بقا أعلى من 220 الsystole او فيه TOD,,ساعتها وطيه ببطئ،
~ايه ده يعني عيان ضغطه 200 اسيبه عالي؟! اه، ليه؟
عشان ده عيان ischaemic ف الضغط العالي هنا مفيد عشان بيساعد على brain perfusion

وطيه لما يعلي عن 220 ده لو مش هتدي thrombolytic او
وطيه لما يعلي عن 185 ده ف حاله انك هتدي thrombolytic بس
~او لو حصل target organ damage وطي

معلومه مهمه جدا العيانين الhypertensive لفترة طويله وuncontrolled علطول SBP بتاعه ١٧٠ ولا ١٨٠ وفجاة دخل في pnemonia شديدة ودخلته فseptic shock، خلي بالك ان العيان دا ممكن يكون shocked فعلا وهو ضغطه ١١٠/٧٠ ولا ١٢٠/٧٠ اقصد مش رقم قليل يعني ،،فحضرتك هتتلغبط وتتاخر في تشخيص الshock وتقعد تقول لنفسك العيان نبضه ضعيف ومبيجبش بول ازاي وهو ضغطه ١٢٠/٧٠ لأنك يا عزيزي لسه بتحكم عالshock برقم الضغط وليس الorgan perfusion ولا رقم الlactate ,عالاقل يا دكتور احسبله رقمMAP
dr_Ahmed_Aboshanab

أنا حذفت البوست الأخير رغم إني مكنتش شايف إن فيه مشكلة،
لأن الهدف من الصورة كان إني أنزل شرح للحالة دي تحديدًا،
خصوصًا إننا بنشوفها كتير جدًا في الاستقبال،
فكان الغرض منها تعليمي بحت لا أكثر.

كيف تشخّص حالة الـ facial palsy؟
من أكتر الحالات اللى هتقابلك فى الاستقبال، خصوصًا فى الـ females
والمهم إنك تقدر تفرّق: هل هى فعلًا facial palsy ولا الحالة سايكاك؟
وده جزء مهم جدًا من محاضرة الـ stroke
لأن التشخيص الغلط وارد جدًا فى البداية
وأول مرة قابلت الحالة دى فى الاستقبال شخصتها بشكل غلط.

شايفين الجمله العظيمه دي 😍
Anemia may be the cause of AKI
but CKD mostly come with anemia.

"الكِبر في الطب"

نصيحة لشباب الأطباء… وتذكرة لنفسي قبل أي حد، و لا أدّعي الفضيلة.

أوعى تقع في فخ الكِبر، لأنك وقتها بتخسر أكتر مما تتخيل.
بتخسر دينك قبل أي شيء، والنبي ﷺ قال:
«لا يدخل الجنة من كان في قلبه مثقال ذرة من كِبر».

تخيل تتعب التعب ده في الدنيا عشان تحقق امل دنيوي زائل، و في الآخرة ملكش اي وزن.
وربنا لما يكرمك بعلم أو مكانة أو رزق، فده فضل ونعمة، مش دليل إنك أحسن من غيرك.
ومن شكر النعمة إنك تتواضع، تعرف إن ربنا قادر يسلب منك كل شيء في لحظة.

وعلى المستوى الطبي… الكِبر كارثة!

الطب رحلة تعليم ما بتقفش.
من أول يوم كلية لحد آخر يوم في حياتك المهنية، أنت محتاج تتعلم:
من أستاذك، ومن زميلك، ومن الأصغر منك، وأحيانًا من المريض نفسه.

الطبيب المتواضع هو اللي يقدر يقول:
"معرفش"
ودي من أهم الحاجات اللي المفروض أي دكتور يتعلمها بدري.

أما المتكبر، فغالبًا بيخاف يعترف إنه مش عارف، أو يتقبل التصحيح، أو يسمع رأي مختلف. و ده بيضر المريض و يضر الدكاترة الصغيرين اللي لسة بيتعلموا.
وللأسف أحيانًا بيتم تقديم ده على إنه "كاريزما" أو "قوة شخصية"، مع إنه في الحقيقة بيخلق بيئة فاسدة للتعليم الطبي.

الطبيب اللي يشوف المرض والموت كل يوم، ويشوف قد إيه الدنيا ممكن تتغير في لحظة… المفروض ده يعلّمه التواضع أكتر من أي حد.

العِلم الحقيقي بيخلّي الإنسان أهدى وأرحم وأقرب للتواضع، لأنه كل ما يعرف أكتر، يدرك قد إيه هو لسه ما يعرفش.

بقالي ٧ سنين في أمريكا، يمكن تكون الحاجة المشتركة في اي حد اتعلمت منه هي التواضع، فيه استشاريين كبار بيجي يقولك بكل تواضع "أنا عايزك تعلمني حاجة جديدة" مع اني متاكد انه عارف الكلام اللي هقوله بس الأسلوب نفسه بيخلي اي حد تحته انه يتشجع و يقرا و يعلم اللي حواليه!

خليك سهل وليّن مع الناس، سواء مرضى أو طلبة أو زملاء.مش كل قوة تبقى في الشدة، أحيانًا أعظم أثر تسيبه في حياة حد إنك تكون رحيم وهادي وبتطمن اللي قدامك.

وفي النهاية افتكر دايما الاية الكريمة:

﴿نَرْفَعُ دَرَجَاتٍ مَّن نَّشَاءُ ۗ وَفَوْقَ كُلِّ ذِي عِلْمٍ عَلِيمٌ﴾

Dr Ahmed Shebl

لما يبقي فيه unilateral lung pathology مسبب hypoxemia . فلك ان تعلم انك لو غيرت ال position بتاع العيان و خليت ال good side down ده ممكن يحسن ال oxygen level بتاع المريض .
المعلومه و لو انها تبدو بسيطة . بس معرفتك ليها بينفع عيان محطوط علي mechanical ventilation و هو عندة unilateral lung pathology و محتاج high oxygen requirement و انت مش عارف ممكن تعمل ايه بشكل بسيط و يفيد العيان .

dr nabih mokhtar