لما بتقيم العيان بتاعك على ال GCS بتدي ال Flexion 3 وبتدري ال Extension 2 ، فكرت بقى ليه ال Extension أسوء من ال Flexion !! 😐

فنجان قهوة وركز معايا في الحتة اللي تعدل المزاج دي 😇

أي دكتور لازم يتعلم اتيكيت التعامل مع المرضي 👨‍⚕️🤍 ده جزء لا يقل أهمية مطلقا عن الروشته اللي هتكتبها 💊📝
جمعت ١٠ اهم حاجات بس اللي عنده اكتر يكتبه في التعليقات 💬👇
1️⃣ لو سألت أي واحدة ست إيه أهم حاجة يتم إيه مواصفات الزوج المثالي أو مواصفات شريك الحياة المثالي هتلاقيهم كلهم قالوا تلات صفحات من المواصفات ولكن غالبًا المواصفة رقم واحد هي إن يبقى حنين.❤️😍
كذلك لو سألت أي مريض عن الدكتور الممتاز من وجهة نظره أو الدكتور اللي هيريحه أو الدكتور اللي بيراحه هتلاقيهم كتبوا تلات صفحات برضه ولكن أهم كلمة هتلاقيها في كل مشتركة بين كل المرضى إن يكون بيسمع كويس 👂👂 مستمع جيد.. ودانه كبيره يعني 😄👂

2️⃣ استمع حتي لو مش محتاج تسمع👂👀 و بص في عنيه بس مبتبحلقش😂: الاستماع الجيد بيدي المريض إحساس بالاطمئنان إنه قال كل اللي نفسه وقال كل اللي جواه مجرد أصلًا إنه يشرح كل اللي جواه ده بيبقى كافي إنه يعالج كتير من آلامه ومشاكله ..
في كتير من الأحيان أنا بشخّص المريض من هو داخل من الباب 🚪 ولكن لازم أسمع شكواه للآخر لأن ده هيريحه أولًا وهيساعدني أكتر في التشخيص وزي ما بيقولوا إن المرء مخبوء تحت لسانه فالdiagnosis مخبوء تحت ال history. 🧠📖

3️⃣ الترحيب والانطباع الأول 😊🤝
لازم تقابل المريض بشكل حلو وترحب بيه لأنه قبل ما يكون مريضك هو ضيفك في مكانك سواء عيادتك أو المستشفى بتاعتك لازم ترحب بيه 🏥، لأن أول انطباع بيفرق جدًا في راحته وثقته فيك.
ودائمًا خلي وأنت بتسمع المريض اسمعه وأنت باصص له 👀 لأن التواصل البصري مهم جدًا وبيحسسه باهتمامك، وتجنب إنك تنشغل بالكتابة أثناء كلامه ✍️ أو تقاطعه وسيبه يكمّل للآخر.
4️⃣ اختلاف المرضى والتعامل النفسي 🧍‍♂️🧍‍♀️🧠
مش كل المرضى زي بعض ومش كل المرضى جايين من نفس المستوى العقلي والفهمي والاجتماعي وبالتالي تقبل الفروق تقبل إنك هتحتاج تشرح كذا مرة للمريض 🔁 ..تقبل إنه السيكولوجيات حتى مش واحدة.. في مريض قلق متوتر موسوس 😟 ..بيحتاج يسأل على أدق التفاصيل.. تقبل الجميع ده قدرنا 🙏
5️⃣ عدم انتظار التقدير 🧘‍♂️💭
مش كل المرضى هتقدر تعبك، مش كل المرضى هتقدر ظروفك و انشغالك، وبالتالي حاول تعمل كل اللي ربنا قدّره عليك وكل اللي في وسعك ولكن لا تنتظر التقدير من الجميع فالإنصاف عزيز ⚖️ اعمل اللي ربنا قدّرك عليه دون أن تنتظر مقابل.
6️⃣ طلب الفحوصات بوعي 🧾💸
لا تطلب فحوصات غير مهمة وغير ضرورية مهما كانت الأسباب وراعي دائمًا الأبعاد الاقتصادية .. الظروف فعلا صعبة 💔
7️⃣ الاعتذار والتعامل مع الوقت ⏳🙏
لو اتأخرت عن العيادة أو عن ميعادك أو أخرت مريض لأي سبب من الأسباب اعتذر له عن هذا التأخير بيبقى خارج عن إرادتك وخارج عن إرادة الجميع وأنا شخصيًا بتعرض لده يوميًا ولكن دائمًا بعتذر للمريض رغم إنه خارج عن إرادتي ولكن لازم أتفهم شعوره 🤍
8️⃣ اعتبر سؤال المريض الإضافي عن حالة تانيه "سُنَة الكشف" تجبر أي تقصير حدث كما تجبر صلاة السُنة التقصير في صلاة الفرض 🕌✨
9️⃣ اللين و التلاين 🤍
اللين و التلاين لا يعني قبول التطاول او التجاوز ..كن لينًا في أسلوبك 🌿 ..ثابتًا في حدودك، لاتَفقد الهيبة 👔 ولا تنس الرحمة 🤍
🔟 تبدل الأدوار 🔄🤍
اعذر الحوج و الضعف ..ولا تنسَ أنه ممكن المقاعد تتبدل وفي يوم و ليله الدكتور يبقى هو نفسه المريض 🧑‍⚕️➡️🛌 فاعمل حساب ده في يوم زي ده فعامل المرضى بما تحب أن تُعامل به إذا ذهبت لزميلك الطبيب مريضًا.

د_عمرو الحسني

الناس اللي اتجوزت علشان وهي ماشية في حياتها وسكتها وكاريرها وبتحقق اهدافها، قابلت الشخص المناسب اللي يشاركها كل دا، فقرروا يكملوا سوا..

لَكن مش علشان اتخرجت والمفروض تتجوز علي العيد الجاي بالكتير، ولا علشان تمت 25 سنة ودا الديد لاين للجواز في بلدهم، ولا علشان تعمل زي أصحابها وقرايبها

مش قصة شعر جديدة هي، كفاية عك

Abdelrahman zakier

تسمم الفسيخ   السم العصبي  والشلل التام

♦️تسمم الفسيخ  اللي بيسببه بكتيريا اسمها clostridium botulinum   ودي بتطلع السم بتاعها ف الفسيخ او الرنجه او الاغذيه المعلبه
♦️Botulinum toxin  which is the most potent biological toxin known.

♦️هو من اخطر السموم العصبيه الذي يؤثر علي نقل الاشارات العصبيه بين الاعصاب والعضلات . يعمل عن طريق تعطيل إطلاق الأسيتيل كولين*، وهو الناقل العصبي الأساسي الذي يساعد في نقل الإشارات العصبية من الأعصاب إلى العضلات  مما يؤدي الي الشلل التام
 
♦️ اعراض تسمم الفسيخ  بتكون اعراض شلل العضلات والتي تبدا بالعضلات الصغيره مثل عضلات الجفن والعين  والبلع والكلام ثم تنتقل لعضلات التنفس وباقي اجزاء الجسم بالتدريج

♦️Bilateral descending paralysis 
Starting by ptosis blurred vision dysartheria dysphagia daiphragmatic paralysis  abdominal distension  constipation
♦️دكاترة الطوارئ لو العيان جاي ب multiple times diarrhea  ده غالبا مش تسمم فسيخ لان الفسيخ بيعمل 
paralysis of intestinal muscles 
فبيعمل انتفاخ وامساك
لو عيان جاي بabdominal distension
استبعد الفسيخ قبل مايدخل جراحه

♦️الفسيخ ممنوع تماما في الاطفال  الرضع لانه بيكون  اصعب ف التشخيص وكمان ممكن يتكون السم داخل جسمه  لان السم بيتكون في بيئه قاعديه زي معده الاطفال عشان اللبن

♦️اطباء الاطفال لو طفل جاي بالاعراض دي لازم نستبعد الفسيخ وهي
constipation, difficulty feeding,abdominal distension , weak cry, muscle weakness and “floppy baby syndrome”.

ونسال الاهل ونتوقع انه ممكن يظهر بعد فتره طويله شويه ممكن لاسبوع  بعد الاكل لان
Spores of cholstridium bacteria can germinate forming bacteria  elaborate botulinum toxin in vivo
طبعا لازم التحويل لاقرب مركز سموم  لاعطاء مضاد السم (botulinum antitoxin)

اللي بالمناسبه وصل تكلفته  لاكتر من 120 ألف

الناس اللي بتسال هو ممكن طفل اقل من سنتين حد ياكله فسيخ. ايوه بياكلوهم وعلي مايتشخص الحاله بتدهور والطفل للاسف بيموت 🤦

د نهاد حامد جاد
مدرس الطب الشرعي والسموم الاكلينيكيه
كلية الطب جامعة الاسكندريه

‏مش كل WBC مرتفع يعني عند المريض infection.
في الطوارئ
ممكن تشوف WBC = 20,000
ولا يكون فيه أي بكتيريا أصلاً.
فما السبب؟
‏فيه شيء اسمه
Stress Leukocytosis.

يرتفع عدد كريات الدم البيضاء بسبب:
Trauma
Seizures
Acute MI
حتى الجهد او الألم.
بدون وجود عدوى.
‏السبب أن الجسم يفرز Catecholamines مثل
Epinephrine و Norepinephrine.
هذي الهرمونات تسبب انتقال الكريات البيضاء من جدار الأوعية إلى الدم
(عملية اسمها demargination).
فيظهر التحليل أن WBC مرتفع فجأة.
‏عشان كدا في الطوارئ:
مريض بعد seizure مثلاً
ممكن يجيك
WBC = 18,000
وهذا طبيعي نسبياً بعد التشنج
وما يعني مباشرة أن فيه infection.

‏النقطة المهمة:
تشخيص infection لا يعتمد على WBC لحاله.
لازم تربط بين:
Clinical picture
Vital signs
CRP / Procalcitonin
مصدر للعدوى

د.محمد الجمال

”رُبَّما كان زِمامُ العافيةِ بيَدِ البَلاء، وكانت النِّعمة في عاقبةِ المُصيبة، وكانَ الإنسانُ عابسًا في طلعة القدر والقدر يضحكُ له.“

- الرافعي.

فى مجموعة بتشترك فى كورس الطوارئ وهياخدوا خصم إضافى
وناقص فردين لو حد حابب يشترك في الكورس يبعتلى برايفت أضيفه معاهم

@A_m_Ebrahim

علشان ناس كتير بتسأل في الموضوع ده.

من الحاجات إللي بقت بتتشخص ويتكتب لها علاج زيادة عن اللزوم وعمال علي بطال جرثومة المعدة Helicobacter pylori.

أولا : ال stool antigen وال urease breath test هم الاتنين not reliable في التشخيص. ال Gold standard في التشخيص هو ال upper endoscopy with biopsy.

ثانياً: معظم الحالات اللي بيكون عندها Recurrent abdominal pain بيكون Functional in origin ومش indicated إنك تعمل H pylori testing فيها وحتي لو طلع Positive مفيش indication إنك توصف لها علاج.

ثالثاً: ال indications of treatment لحالات ال H pylori هي :

١) إن يكون عندك Confirmed peptic ulcer disease بال endoscopy وال H pylori تطلع positive.
٢) إن يكون فيه أعراض Gastritis واضحة و severe واتعمل endoscopy وطلع فيه gastritis و H pylori positive.

٣) إن يكون عندك حالة Refractory iron deficiency anemia وغير مستجيبة للعلاج وتعمل لها H pylori testing ويطلع positive وكمان بعد ما تستبعد اي سبب تاني لل iron deficiency anemia.

٤) إن يكون Symptomatic وفيه positive family history of gastric cancer عند 1st degree relative وتعمل ال H pylori testing ويطلع positive.

٥) فيه مصادر بتقول لو حالة Chronic ITP واخدت Steroids and IVIG ولسه فيه Significant thrombocytopenia وعملت H pylori testing وطلع positive تبدأ ال treatment لأن ال H pylori في الحالات دي ممكن تعمل immune triggering وتزود ال thrombocytopenia علشان كده يتعمل لها eradication.

غير كده مفيش indication إنك تدي علاج لحالة H pylori positive.

د /وليد علي إبراهيم المرواني.

" بعضُ الحقائقِ إذا تأخرت، لم تَعُدْ خيرًا من غيابِها."

في نهاية نباطشية عناية هادئة وفاضل ساعتين قبل م أسلم الشيفت وامشي..

بييجي نداء من أوضة المناظير عندنا : الحقوا في مريض تبع حد في المستشفى تعبان وعنده Hematemsis

صحيت جري ورحت أشوف المريض ولقيته متعصب جدًا وبيزعق و agitated والناس حواليه بتطمنه واللي جنبه واللي بيجيبله ماية يشرب عشان يهدا

بيطلع أستاذ بيهديه ويقول للي تبعه انه هنحجزه في العناية كام ساعة يتحط على PPI infusion وبعدها نعمله upper endoscopy عشان نطمن على سبب ال Hematemsis ده

سلمت زميلي انه اتحجز في سرير 1 في العناية الفلانية ومشيت

جيت تاني يوم استلم ف لقيت المريض على سرير 1 ده intubated, ventilated and sedated ولقيت واصل بيه علاجات كتير و و..

ف بسال زميلي هو فين البيشنت التاني اللي سلمتهولك؟ عمل المنظار ومشي ولا راح فين؟

قالي لا م هو ده نفس البيشنت، الوعي بتاعه ازداد سوءًا، تشنجات كتير، بدأ يحصله aspiration ف كان الأكثر أمانًا إنه يتحط على جهاز التنفس الصناعي مع ال sedation و Anticonvulsant وباقي العلاج ال supportive

المريض معندوش تاريخ مرضي بأي حاجة مزمنة، كل التحاليل بتاعته مفيهاش سبب Metabolic يفسر التدهور السريع في الوعي، نزل عمل اشعة مقطعية عالمخ مفيهاش أي حاجة significant

يوم اتنين تلاتة مكملين على العلاج ال supportive مع محاولات التشخيص اللي موصلتش لأي حاجة..

يشاء القدير إنه يكون في أستاذ ما بيمر معايا ونجيب زوجة المريض تاني ناخد منها هيستوري مفصل وبدأنا نسأل عن كل حاجة حتى في تصرفاته مؤخرًا، أي حاجة ولو بسيطة

بعد قليل من الحوار بترمي الزوجة قنبلة عظيمة وهي : أصله هو مش مظبوط من ساعة م الكلب عضه في ايده!

طب هل اخد مصل السعار وقتها؟ لا م الجرح كان صغير ومنزفش كتير ويعني كانت حاجة بسيطة خالص..

جه في مخك اللي في مخي صح؟ ايوا هو..

المريض بتاعنا أصيب بما يسمى السعار أو Rabies

المرض ده قاتل قولًا واحدًا

بدأ يتفسرلنا بقا سبب ان المريض في الأول كان متعصب، لما جابوله ماية عشان يهدوه كان very agitated وده طبعًا بسبب ال Hydrophobia الشهيرة مع ال Rabies.

ال Hematemsis مطلعتش Hematemsis دي طلعت انه لما اتشنج كان عاضض لسانه ف بقه كان فيه دم

ومن أعراض السعار المعروفة:
سخونية وصداع، تعب عام، ألم أو تنميل أو وخز مكان العضة، وبعدها يبدأ القلق والهياج انتقالًا لاضطراب الوعي، زيادة اللعاب، صعوبة البلع، الخوف من الماية hydrophobia، وأحيانًا التشنجات أو الشلل.

لكن هدفنا إننا نلحق الجرح والمرض نفسه من لحظة العضة أو الخربشة عشان أصلا منشوفش الاعراض دي

للأسف مع مريضنا كان الوقت اتاخر عن العلاج، لأن ال Rabies لو متلحقش بدري فمعدل الوفاة بيكون قريب من 100%


التصرف الصح من أول لحظة:
غسيل مكان العضة أو الخربشة كويس جدًا بالماية والصابون، والتوجه فورًا للمستشفى عشان تقييم الحاجة لمصل السعار والتطعيم..

فناخد بالنا؛ واللي عنده حيوان في بيته يطعمه، واللي يتعض او يتخربش ميتأخرش ولا يكسل ولا يستهون..

لأن السعار بعد ما يظهر، الفرصة بتكون شبه منعدمة لكن قبل ما يظهر، نقدر نمنعه..

ربنا يحمينا جميعًا، واقعدوا بالعافية

Dr Osama Eldosoky

لو جالك مريض بجلطة مخ (Ischemic Stroke) وضغطه 180/100، أوعى تتسرع وتنزل الضغط!

إحنا بنسيب الضغط عالي بمزاجنا فيما يعرف ب Permissive Hypertension.

ليه؟ لأن فيه منطقة حول الجلطة اسمها Penumbra، دي خلايا "بين الحياة والموت" ومستنية أي نقطة دم.
لو نزلت الضغط فجأة، أنت بتقطع عنها التروية وبتحولها لجلطة دايمة.

مش بنيجي عند الضغط إلا لو عدى ال 220/120، أو لو المريض هياخد Thrombolytic (ساعتها بننزله تحت ال 185/110).

Icu Man

لو عندك مريض Atrial Fibrillation (AF) وفجأة بدأ يشتكي من وجع ف البطن شديد ، و لما بتفحص بطنه بتلاقيها Soft ومفيش علامات Peritonitis 🤷‍♂️

يبقي فكر فوراً في Acute Mesenteric Ischemia.

غالباً ال AF بيسبب إرسال embolus يسد أحد شرايين الأمعاء (Mesenteric embolism).

متضيعش وقت واطلب CT Angio ع البطن عشان تتاكد .

Dr Mohamed elbana

اصل الطب مش قسطرة وايكو واشعة مقطعية بس 🤔

من حالات العيادة الجميلة اللي شخصناها بفضل الله 💕✨

شخص عنده حاجة واربعين سنة .. شكوته كلها انه مش بيقدر ياخد نفسه وهو نايم ..

لف ع دكاترة كتير وعمل فحوصات ايكو وطلع كويس .. قسطرة .. كويسة .. اشاعات مقطعية مفيش حاجة .. فابتدا يلجأ للمنومات .

اهله متابعين معايا في العيادة .. فعرضوا عليا حالته .. فطلبت منهم انه يجي العيادة عشان نفحصه ..

اثناء الفحص لقيت ان وزنه زيادة .. قياس الضغط عالي جدا .. في احتقان بسيط في الرئة .. بيزيد لما بينام ع ضهره ..

قررنا اننا نبدأ بعلاج الضغط والاحتقان .. ونصحته ينزل من وزنه ..

جالي في الاستشارة .. بيقول ان الحمد لله في تحسن وبينام احسن من الاول .. بس لسه مش طبيعي ..

بالسؤال اكتر .. لقيت انه بيشتكي انه بيحس بتوقف في النفس اثناء النوم وخمول صباحي وعدم القدرة على المجهود ..

الشكوى دي مع السمنة اللي بيعاني منها المريض .. وارتفاع الضغط .. وقصر الرقبة ..

خلينا نشك في ان المريض بيعاني من obstructive sleep apnea .. توقف في النفس اثناء النوم .. وده اللي بيخليه يصحى وميعرفش ينام .. وده اللي معليله ضغطه ومخلي عنده خمول طول اليوم .. لان لما نفسه بيتوقف .. نسبة الأكسجين بتقل

فطلبت منه انه يروح يعمل دراسة نوم .. المريض في البداية كان رافض وقلقان .. ولكن قدرنا نقنعه الحمدلله .. وراح عمل دراسة النوم ..

وطلع فعلا عنده obstructive sleep apnea زي ما توقعنا وتم نصحه بشراء جهاز CPAP منزلي لاستخدامه اثناء النوم .. وده هيحسن دورة النوم .. وهيحسن الضغط .. والمجهود .. بالإضافة إلى ضرورة انقاص الوزن ..

فالحمد لله رب العالمين 💕

Dr Mohamed Emam

زميل لسه بادئ التخصص سألني على حاجة في تخصصنا، وحبيت أساعده بكل اللي أعرفه.

لكن وأنا بتكلم حسيت إنه بدأ يهنج، واتلغبط من كتر النصايح، وكأن كل كلمة زيادة كانت بتزود الحمل عليه بدل ما تريحه.

ساعتها حسيت بحاجة غايبة عننا - اللي مشيرا شويه في تخصصهم - إن من حق أي طالب أو دكتور في بداية النيابة إنه يعيش التجربة كاملة بنفسه.

يغلط ويصحح، يندهش، يجرب، ويتعلم بطريقته هو.

من حقه يتأخر شوية أوقات، وينجز أوقات تانية.

من حقه يتعطل، ويتعثر، ويمشي ببطء مرة، وبسرعة مرة.

من حقه يحس بالانكسار أوقات، ويفرح بأي إنجاز صغير قبل الإنجازات الكبيرة.

كل ده حق أصيل لأي طبيب في أول طريقه.

لأنه بيكون شايف قدامه طرق كتير متداخلة من الناس اللي سبقوه، وده أوقات بيشوّش أفكاره الشخصية ويقطعه عن طريقه هو.

وكمان بيغرقه في كمية معلومات ونصايح أكبر بكتير من قدرته اليومية على الاستيعاب.

وأوقات كتير النية الكويسة في المساعدة، والرغبة إننا نفيده بأكبر قدر ممكن، ممكن تتحول من غير ما نقصد لتحميله فوق طاقته.

ممكن نفضل نرمي عليه مصادر، ونصايح، وخطوات، وتجارب، لحد ما يحس إنه مطلوب منه يعرف كل حاجة مرة واحدة.

ومع إن تنوع الوسائل والكم المعرفي شيء مفيد جدًا، لكنه أوقات بيبقى عامل مُقعد عن الحركة.

يبقى واقف مكانه، مش عارف يبدأ منين، ولا يمشي في أنهي طريق، ولا يختار إيه ويسيب إيه.

ساعات وسط زحمة الحياة بننسى ده.

وبننسى إن أوقات الرجوع خطوة لورا، أو المتابعة من بعيد، بيكون أأمن على النائب وهو لسه بيكوّن تجربته الأولى.

Dr Mahmoud elsheikh