الله يداوي والطبيب يأخذ الأجر..
د/ناجي اسكندر

مش هتفهم معني الجمله دي الا لما تلاقي حالة حرفياً بتموت قدامك وربنا وحده اللي بيلهمك انك تتصرف ازاي او بيلهم اللي حواليك انهم يدلوك علي الإجراء اللي هتاخده؛ هتفهم مع الوقت ان انت وغيرك مجرد اسباب وإن الدكتور الشاطر هو الدكتور اللي بيتقي الله ففي المقابل ربنا بيزرع في قلوب الناس محبته وبيلهمه التصرف الصح في الوقت الصح؛ فالموضوع ببساطه ان ربنا اللي بيداوي المريض وبيرزق الطبيب!

لما يجيلك عيان بــ Acute Focal Neurological Deficit فده Stroke إلى أن يثبت العكس 🔥
طيب الجملة دي هستفاد منها ايه مادام كدة كدة في أكتر من تشخيص وهحاول أفرق بينهم قبل العلاج 🧐
هتستفاد إنك وانت بتاخد هستوري وبتعمل الفحص بتاعك هتكون ممشي العيان في مسار ال stroke لحد ما يثبت العكس ✋🏻

هو يعني ايه focal deficit أصلا 🙄
من إسمها هو مشكلة وفي نقطة محددة في المخ فأنا بشوف أثرها إن فيه function محددة عطلت من المخ ... زي ايه مثلا ؟
1️⃣ أي ضعف مفاجئ في إيد، رجل، نص الجسم (ضربنا مركز الحركة)
2️⃣ أي لخبطة كلام طلعت فجأة (ضربنا مركز الكلام)
3️⃣ أي فقدان رؤية مفاجئ (ضربنا مركز الإبصار)
4️⃣ أي تنميل في نص الجسم (ضربنا مركز الإحساس)
يبقى المشكلة من عامة لأ ده فيه نقطة محددة حصل فيها مشكلة أما الباقي سليم.

ده مش وقت تفكير طويل… ولا وقت طيب نخلي الـ CT بعد شوية.
ده اسمه: Acute Focal Neurological Deficit
وبالنسبة لنا … Stroke لحد ما نثبت العكس.

🔥 إمتى أقلق؟
لو المريض دخل عليك وهو عنده: 💢Sudden💢
🔴 Unilateral limb weakness 💪🏻
🔴 Unilateral numbness ⚡️
🔴 Difficulty in speech 🗣
🔴 Loss of vision in one field 👀
🔴 Abnormal gait 🚶‍➡️
🔴 Facial droop 🧏🏻‍♂️

العامل المشترك بينهم جميعاً إنه Sudden ده اللي بيخليك تترعب لأنه مادام الأعراض جديدة فأكيد المصيبة هتكون جديدة وممكن تتلحق لو اتحركت بسرعة ... عكس مثلا ما يكون العيان عنده شلل من 20 سنة ! خلاص مفيش حاجة نبكي عليها 🤷🏻

1st steps:
1️⃣ Check vital signs — الضغط مهم جدًا
2️⃣ Glucose check — Hypoglycemia can mimic stroke
3️⃣ Onset of symptoms دي أهم سؤال هي اللي هتحدد يمكن إنقاذ ما تبقى ولا لأ

🖥 CT Brain ASAP to exclude hemorrhage.
لو CT is normal ولسه symptoms شغالة؟ ومفيش سبب أخر يفسر الأعراض
⬅️ اعتبرها ischemic stroke
⬅️ جهّز نفسك للـ thrombolysis لو المريض جوه ال window
⬅️ واتصل بحد Neurology فورًا

Time = Brain
كل دقيقة ضايعة = خلايا عصبية بتموت بلا رجعة.

د. محمد حسني

القاعدة النفسية اللي بتحافظ علي المزاج العام و الثبات الانفعالي بتقولك تاخد بالك من 3 S
Stress
Sugar
Sleep
تاخد بالك من القلق و التوتر و تتجنبه قدر الامكان.
( و إليه يُرجع الأمر كله ) ( و الله غالبٌ علي أمره ) ( ليس لك من الأمر شيء ).

تاخد بالك من مستوي السكر بأنك ما تقعدش فترة طويلة بدون أكل (تقسيم الوجبات من ٣-٥ وجبات يومياً )، و اذا كان هناك سبب لقلة الأكل لابد من تحديده و علاجه.

تاخد بالك من نومك و تراجع الطبيب لو عدد ساعات النوم قليل او جودة النوم قليلة.

قاعدة ال 3 S .
لازم نطبقها علي نفسنا و ننصح بيها غيرنا من الناس اللي بنلاقي مزاجها احتد بدون سبب كافي.

صباح الإجرام ☠️

د. أحمد محفوظ

“اسوء صداع في حياتي”

الساعة 1 بالليل
الطوارئ هادية بشكل غير معتاد
دخل اسماعيل 28 سنة ماسك دماغه بإيده الاتنين… وبيتكلم بصعوبة
"دكتور… ده أسوء صداع في حياتي"

History بسرعة
بدأ فجأة (sudden onset)
وصل لأقصى شدة خلال ثواني (thunderclap headache)
فيه قيء + photophobia
مفيش trauma
مفيش تاريخ مرضي مهم

المريض قال جملة قبل ما يعيط من الألم:
"أنا كنت في الجيم وبرفع اوزان عالية"

Examination
Conscious
Neck stiffness (+)
BP: 160/95
HR: 100

أول impression:
Subarachnoid hemorrhage (SAH)
Investigations:

CT brain بدون contrast
✅ hyperdensity في subarachnoid space

لحد هنا الحالة واضحة
لكن لما
عملنا CT angiography علشان نحدد السبب النتيجة:
Berry aneurysm rupture
لكن مش كده بس
المفاجأة
فيه multiple aneurysms
هنا تبدأ تربط

شاب صغير
Multiple aneurysms
لازم تفكر في:
Polycystic Kidney Disease (ADPKD)

رجعنا سألناه تاني
عندك مشاكل في الكلى؟
قال:
لا مش عارف
طيب حد من العيلة حصله حاجة شبه كده

والده اتوفي فجأة من فترة و كان عنده مشاكل في الكلية

سونار علي الكلي
و فعلا وجدنا multiple cycts

Diagnosis النهائي
Ruptured berry aneurysm Subarachnoid hemorrhage
Secondary to ADPKD

Thunderclap headache = SAH

Copied

لو لقيت الESR اكتر من 100 👇
فكر في :

3 Most Common Causes🔥
ممكن توصله لكده
♦️ Tuberculosis

♦️ Cancers :
like Multiple Myeloma, Lymphoma

♦️ Autoimmune Conditions : like Rheumatoid Arthritis, Systemic Lupus & Giant Cell Arteritis.

🚨 بداية جديدة في رحلة التعلم
الشهر الجاي إن شاء الله عندي راوند مخ وأعصاب، وبصراحة بدأته من دلوقتي بتحضير قوي 💪
بقالي أسبوع بذاكر بشكل مركز، وكمان اشتركت في كورس من أقوى الكورسات اللي شوفتها، فيه تفاصيل وتفاعل مختلف تمامًا 👌
📌 قريب جدًا هشارك معاكم تفاصيل الكورس، لأنه يستاهل فعلًا أي حد مهتم بالمخ والأعصاب أو الطوارئ عموما
ومش بس كده…
هبدأ أنزل معاكم الحالات الحقيقية اللي هشوفها في المستشفى + الطريقة العملية في التعامل معاها 🧠
🎯 الهدف المرة دي إني أطلع من الراوند بأقصى استفادة ممكنة، ونستفيد كلنا سوا خطوة بخطوة

ربنا لما بيحط فيك "حتة" زيادة، أو ملَكة في حاجة معينة، هو مش بيديهالك عشان تتصور بيها "سيلفي" أو تقول "أنا عندي".
الموهبة دي بالظبط عاملة زي "الأمانة" اللي شايلها في جيبك.. لو فضلت شايلها وما صرفتهاش في مكانها الصح، يبقى أنت بتخونها.

عارف يعني إيه "شكر النعمة" بجد؟
مش إنك تقول "الحمد لله" وأنت مربع إيدك.. الشكر الحقيقي هو إنك "تعرق" عشان الموهبة دي تكبر.
إنك تشغلها، تطورها، وتعبد بيها ربك وتنفع بيها غيرك.

أما إنك تسيبها "تصدّي" بحجة الظروف، أو تكسل تنميها، فده في لغة الأصول اسمه "جحود".. كأنك بتقول للواهب سبحانه: "الهدية بتاعتك مش عاجباني ومش هستخدمها".

Mahmoud shady

⛔️ الزغطة ..
حاجة بسيطة عند أغلب الناس ، لكن ساعات بتتحول لمشكلة مزعجة وتفضل مكملة بالساعات أو حتى أيام الفكرة إنك متتعاملش معاها كعرض عابر وخلاص، خصوصًا لو طولت ، لأن وراها approach واضح في الجايدلاينز.

👈 في البداية لازم نفرّق بين نوعين : زغطة عادية (acute) أقل من 48 ساعة، ودي غالبًا benign ومش محتاجة أدوية ، وزغطة مستمرة (persistent) أكتر من 48 ساعة .. وهنا لازم نبدأ ناخد الموضوع بشكل جدي شوية

👈 في الحالات البسيطة ، نبدأ دايمًا بحاجات non-pharmacological قبل ما نجري على الأدوية

👈 حبس النفس، شرب مياه ساقعة دي طرق بتحفّز العصب الحائر وبتوقف الزغطة في ناس كتير لو استجابت ، خلاص كده فله .

✅️ لو الزغطة مزعجة أو مكملة هنا نبدأ أول خط علاجي حسب الجايدلاينز، وغالبًا بيكون Metoclopramide بجرعة 10 مجم قبل الأكل 3 مرات يوميًا .

👈 اختياره مش عشوائي، لأنه بيعالج سبب شائع جدًا وهو الارتجاع أو امتلاء المعدة، وده من أكتر triggers للزغطة .

✅️ لو مفيش استجابة ، بنصعّد خطوة ، ونروح لأدوية بتشتغل على الجهاز العصبي بشكل أعمق شوية زي Baclofen بجرعة 5–10 مجم 3 مرات يوميًا، أو Gabapentin بجرعات تبدأ من 100–300 مجم 3 مرات يوميًا. الاختيارات دي مفيدة خصوصًا في الحالات اللي فيها component عصبي .

✅️ لو دخلنا في مرحلة الزغطة المستمرة أو الشديدة جدًا ، هنا بنستخدم أقوى حاجة، وهي Chlorpromazine موجود في برندات زي نيورازين ، وده يعتبر الدواء الوحيد المعتمد رسميًا للحالات دي .

👈 الجرعة بتكون 25–50 مجم بالفم أو حقن ، وبنستخدمه بحذر لانه بينوم شوية وبيعمل انخفاض ضغط فى جرعات عالية احيانا .

✅️ المهم جدًا إنك طول الوقت تبقى فاكر إن علاج الزغطة مش بس عرضي، لكن لازم تدوّر على السبب لو طولت. ارتجاع مريئي، أدوية معينة، مشاكل في الجهاز العصبي، أو حتى اضطرابات في الكلى كل دي أسباب ممكن تبقى وراها

👈 وسبب شهير جدا للزغطة هو الكورتيزون زي الدكساميثازون وعائلتها.

Dr Ibrahim Mekawy

لما بنزل أى مكان جديد بحس بغربه شويه لحد ما أبدا اتعود على الناس
عشان كدا أى دكتور جديد بينزل معايا أى شيفت لازم أقعد أهزر معاه شويه وأفهمه الوضع بيمشى إزاى ولو حاجة وقفت معاه يكلمنى
أخر فتره حرفيا كل ما حاجه تقف معايا ألاقى ناس تقف معايا وبتسهل عليا كل حاجه ومفيش بينى وبينهم أى معرفه💙

50% من البنات اللي بتيجي العيادة ، بيكون شكوتها ضغط واطي ، وضربات قلب سريعة .

اولا لازم نعرف ان الضغط الواطي مش مرض ، وفي معظم الحالات مش بيحتاج علاج.

طب امتى يحتاج علاج ؟! في حالة وجود اعراض زي دوخة ونهجان واغماء مثلا ..

وده بيكون بعد استبعاد الأسباب الاخرى اللي ممكن تعمل الاعراض دي ، زي الانيميا ، ومشاكل القلب عن طريق عمل ايكو .

وساعتها لو مفيش سبب واضح للاعراض دي غير انخفاض الضغط .

بيكون علاجه كالتالي :

اكثار من الأملاح والحوادق .
الاكثار من شرب المياة .
تجنب حرارة الجو المرتفعة والشمس قدر الامكان .
قد نحتاج الى لبس شراب ضاغط حتى فوق الركبة ( لزيادة رجوع الدم من الأطراف للقلب وبالتالي تحسين الدورة الدموية)
قد نحتاج لحزام بطن ( لنفس السبب السابق )

في اغلب الحالات ، الخطوات السابقة بتكون كافية للعلاج .

وفي حالة عدم الاستجابة للخطوات السابقة ، قد يصف الطبيب بعض الأدوية حسب كل حالة .

المتابعة ، تكون عن طريق وجود الاعراض من عدمها ، وليس قياس الضغط .

بمعنى لو اختفت الاعراض مع استمرار انخفاض الضغط ، فده زي ما قولنا مش مرض ومش محتاج لأي علاج اخر .

عشان كدا بقول لحالات الضغط المنخفض اللي بتابع معايا ، مش عايزكوا تقيسوا الضغط كل شوية ، لان ده هيزود التوتر والقلق ع الفاضي .

د. محمد إمام

يمكن انت مش فاهم ليه مجهودك مالوش مقابل!
يمكن انت مستني الجزاء على مقدار العمل!
او يمكن بتتمنى رد ربنا الفوري لطلباتك!
عمومًا هي مش لازم تبقى كده ولا لازم الجزاء الفوري ولا لازم الجزاء اللي انت متوقعه ولا لازم الجزاء من جنس أحلامك.
الجزاء بتقدير ربنا بالمقدار والكيفية والتوقيت والمكان اللي هو بس شايفه.
وعشان كده بقولك مفيش حاجة بتضيع طالما انت استودعتها لملك الملوك.
يعني باختصار قل: يا رب استودعتك نفسي واستودعتك تعبي واستودعتك علمي واستودعتك مستقبلي.
قل يا رب استودعتك فرحتي فعجِّل بها ولا تحرمني منها وإن أخّرتها فاجعلها أعظم وأجمل وأطيب ريحًا وأثرًا

د حازم عبدالتواب

في يوم هادئ داخل قسم الأشعة…
دخل مريض يشكو من صداع خفيف فقط… لا شيء مقلق.

الطلب:
CT Brain — rule out serious pathology

الأشعة اتعملت…
وأخصائي الأشعة radiologist بدأ يراجع الصور…

Slice…
Slice…

فجأة توقف.

في حاجة صغيرة جدا… subtle جداً…
Hypodense lesion في الفص الجبهي frontal lobe

أي زول ممكن يعديها… لكن هو ما ارتاح.

طلب MRI Brain with contrast

في البداية تم التقليل من الموضوع…
لكن بعد الإصرار، اتعمل MRI…

وهنا ظهرت الحقيقة:

Low-grade glioma (Diffuse astrocytoma)

في ال CT:

lesion كان hypodense
بدون mass effect واضح
بدون edema شديد

👉 لذلك سهل جداً يتفوت

في ال MRI:

T2/FLAIR hyperintensity
Non-enhancing lesion (no contrast enhancement)
حدود غير واضحة (infiltrative)

دي صفات كلاسيكية لـ:

Diffuse astrocytoma (WHO grade II)
لماذا مهم؟
الورم ده بطيء النمو (slow-growing)
ممكن يفضل بدون أعراض لفترة طويلة
أول عرض أحياناً:
صداع
أو seizure

لكن مع الزمن ممكن يتحول إلى:
High-grade glioma (glioblastoma)

النقطة الخطيرة:

لو الأخصائي قال: "الأشعة طبيعية"
كان الورم حيتكبر بصمت

لكن:
تم اكتشافه بدري
المريض دخل جراحة
وتم إنقاذه

الخلاصة:

Low-grade glioma ممكن يكون:

subtle جداً في CT
واضح فقط في MRI

والفرق بين الحياة والمضاعفات…
هو عين مدربة + شك سريري صحيح

حياة المريض -بعد الله سبحانه وتعالي - ممكن تكون متوقفه علي كلمه من ال radiologist

د.معتز الفاضل

القَلبُ إذا قلّت خَطاياه، “ أسرَعت دَمعته “.

- ابن رجب

من شهرين بالظبط، مكنتش بعرف أركّب كانيولا… ولا حتى حاولت قبل كده.
وكنت دايمًا بقول إن ده شغل تمريض ومش هيأثر معايا كدكتور.
لحد ما في يوم من شهرين، الساعة 2 بالليل، جتلي حالة
Hypoglycemic coma
وكان لازم يتركب لها كانيولا فورًا وندي جلوكوز بسرعة.
لكن للأسف… التمريض ماكنش موجود.
وقتها بلّغت الأمن يدور على التمريض ،
وتخيل الإحساس ساعتها:
دكتور واقف قدام مريض محتاج تدخل فوري… ومش قادر يساعده بإيده.
الموقف ده كان نقطة تحول بالنسبة لي.
من يومها، قررت إني أتعلم بنفسي،
وأي حالة داخلة الاستقبال محتاجة كانيولا… أنا اللي بركبها.
ومع الوقت بقيت الحمد لله كويس جدًا فيها، ويمكن أحسن من ناس كتير.
النصيحة من أخوك:
ما تستهونش بأي مهارة، خصوصًا الـ hand skills.
اتعلم كل حاجة بإيدك، وجرب، واغلط، واطوّر نفسك.
لأن في لحظة واحدة،
ممكن مهارة بسيطة زي تركيب كانيولا…
تكون الفرق بين حياة وموت.

توقيت إعطاء المذيب الthrombolytic يختلف حسب الحاله :

✅فالischmic stroke أربع ساعات ونص فقط من بدايه الاعراض

✅فالSTEMI لغايه ١٢ ساعه من ال onset of maximum pain

✅فالpulmonary embolism معاك لغايه ١٤ يوم

وطبعا اولاً لازم استبعاد كل الcontraindications اللي تمنع إعطاء المذيب

د. محمد أبوشنب

الحمد لله.دكتور النساء والتوليد طلع مالوش ذنب..

دكتور محمد ؟؟
نعم
انا لسه مولد مدام دلوقتى والطفل عنده مشكلة فى رقبته
ابعتلى صورة
حاضر
ياغالى لاتقلق ده كلفت
Cleft.
يادكتور محمد بأقولك فى رقبته
ايوه ماهو ده كلفت فى الرقبة
يادكترة هو انت علشان بتحب شغل الكلفت بتقول ده كلفت؟
لا يادكتور ده فعلا اسمه العلمى median cervical cleft.
ازاى احنا نعرف أن الكلفت ياإما شفة ارنبية او سقف حلق مشقوقة..؟.
Cleft lip
Cleft palate.
فقط.

لا ده نوع نادر من التشوهات الخلقية فى الرقبة نسبة حدوثة قليلة جدا جدا واسمه كلفت برضه..
طيب إيه علاجه يادكتور ؟؟
ماتقلقش خالص..بننتظر ونعمله عملية جراحية بعد عمر ٦ شهور أو سنة .
تسلم يادكتور محمد..

دكتور محمد ممكن طلب
خير ؟؟
ممكن تكلم الأهل وتوضحلهم التشخيص السليم ده..
ليه بس؟ ماحضرتك توضحلهم وخلاص..
لا علشان هم راحوا لأحد الزملاء وقالهم ده تعويرة من دكتور النسا ودكتور النسا اللى عور الواد فى رقبته وهو بيعمل القيصرية..
معقولة !!!!
اه والله..
طيب معلهش طبعا هو غلطان ..بس اعذره علشان هتلاقيه أول مره يشوفها..
بس الأهل بيتهمونى فعلا أنى عورته لانهم كل مايروحوا احد يقولهم اول مرة نشوف حاحة زى كده فبيشكوا أنى فعلا عورته 🥲🥲
ماتقلقش هأشرحلهم الوضع وأوريهم صور الحالات دى على اللابتوب وأفهمهم كل حاجة..
تسلم دكتور محمد..
وبالفعل الأهل جم وطمنتهم وشرحتلهم الموضوع كله والحمد لله..واقتنعوا أن الدكتور مالوش ذنب..

الرسالة
1..كلنا فيه حاجات نعرفها وحاجات مانعرفهااش..اللى نعرفه نقوله واللى مانعرفوش نقول مانعرفوش ونسأل غيرنا...ده مش عيب..
2..ماينفعش ك دكتور أقول كلام اولا غلط علميا..ثانيا كلام يسخن الأهل على زميلى .لان رد فعل الأهل ممكن يكون عنيف وبكده هتظلم زميلك بدون وجه حق..والأهل هياخدوا وقت على مايقتنعوا ان الطبيب مش غلطان فى حاجة..

دمتم بخير..

د. محمد سعده

أسوأ حاجة في الطب…
إن إحساس التقصير عمره ما بيسيبك،
حتى وإنت بتبذل أقصى مجهودك،
وبرغم كل اللي بتعمله… دايمًا جواك صوت بيقول: "كان ممكن تعمل أكتر"
بتذاكر؟ حاسس إنك متأخر
بتشتغل؟ حاسس إنك محتاج تتعلم أكتر
بتتعب؟ بتحس إن غيرك بيعمل أحسن
وده بيخليك دايمًا في سباق…
مش مع غيرك، لكن مع نسخة أفضل من نفسك
يمكن ده أصعب إحساس…
بس هو في نفس الوقت السبب إنك بتتطور كل يوم.