من ساعة ما دخلت الكلية، وأنا جوايا حاجة معينة نفسي أحققها وأشوفها في نفسي!

نفسي أسيب بصمة كويسة!
بصمة كويسة لأي حد يقابلني، وفي حياة المرضى،
عايزة أبقى مختلفة، مش عايزة أخلي مريض يشتكي مني بأي شكل،
علاج المريض مهم جدا، بس الأهم إني أكون دكتورة سوية، أتقي ربنا في شغلي وفي كل اللي بعمله،
أكون رحيمة وقلبي طيب مع المرضى، أخاف عليهم.

بقعد أقول لنفسي، ربنا اداني أمانة كبيرة أوي وهي حياة الإنسان، ودي أمانة عظيمة، ف لازم أكون أد الأمانة دي، ودايما بدعي ربنا بكده.

والكلام ده حسيته لما حد غريب عرف إني في "كلية طب"
ولقيته بيقولي: خليكي دكتورة طيبة ورحيمة بالمرضى، ف فعلا أنا نفسي أكون كده!
وبدعي ربنا دايما إني أكون كده!💙

Copied

بمناسبه انكم عايزين تطلعو الفسيخ اللي عملتوه في رمضان عشان العيد 🤦


تسمم الفسيخ السم العصبي والشلل التام

♦️تسمم الفسيخ اللي بيسببه بكتيريا اسمها clostridium botulinum ودي بتطلع السم بتاعها ف الفسيخ او الرنجه او الاغذيه المعلبه
♦️Botulinum toxin which is the most potent biological toxin known.

♦️هو من اخطر السموم العصبيه الذي يؤثر علي نقل الاشارات العصبيه بين الاعصاب والعضلات . يعمل عن طريق تعطيل إطلاق الأسيتيل كولين*، وهو الناقل العصبي الأساسي الذي يساعد في نقل الإشارات العصبية من الأعصاب إلى العضلات مما يؤدي الي الشلل التام

♦️ اعراض تسمم الفسيخ بتكون اعراض شلل العضلات والتي تبدا بالعضلات الصغيره مثل عضلات الجفن والعين والبلع والكلام ثم تنتقل لعضلات التنفس وباقي اجزاء الجسم بالتدريج

♦️Bilateral descending paralysis
Starting by ptosis blurred vision dysartheria dysphagia daiphragmatic paralysis abdominal distension constipation
♦️دكاترة الطوارئ لو العيان جاي ب multiple times diarrhea ده غالبا مش تسمم فسيخ لان الفسيخ بيعمل
paralysis of intestinal muscles
فبيعمل انتفاخ وامساك
لو عيان جاي بabdominal distension
استبعد الفسيخ قبل مايدخل جراحه

♦️الفسيخ ممنوع تماما في الاطفال الرضع لانه بيكون اصعب ف التشخيص وكمان ممكن يتكون السم داخل جسمه لان السم بيتكون في بيئه قاعديه زي معده الاطفال عشان اللبن

♦️اطباء الاطفال لو طفل جاي بالاعراض دي لازم نستبعد الفسيخ وهي
constipation, difficulty feeding,abdominal distension , weak cry, muscle weakness and “floppy baby syndrome”.

ونسال الاهل ونتوقع انه ممكن يظهر بعد فتره طويله شويه ممكن لاسبوع بعد الاكل لان
Spores of cholstridium bacteria can germinate forming bacteria elaborate botulinum toxin in vivo
طبعا لازم التحويل لاقرب مركز سموم لاعطاء مضاد السم (botulinum antitoxin)

اللي بالمناسبه وصل تكلفته لاكتر من 700000

الناس اللي بتسال هو ممكن طفل اقل من سنتين حد ياكله فسيخ. ايوه بياكلوهم وعلي مايتشخص الحاله بتدهور والطفل للاسف بيموت 🤦

د نهاد حامد جاد
مدرس الطب الشرعي والسموم الاكلينيكيه
كلية الطب جامعة الاسكندريه

{ وَإِذَا سَأَلَكَ عِبَادِي عَنِّي فَإِنِّي قَرِیبٌۖ أُجِیبُ دَعۡوَةَ ٱلدَّاعِ إِذَا دَعَانِۖ فَلۡیَسۡتَجِیبُوا۟ لِي وَلۡیُؤۡمِنُوا۟ بِي لَعَلَّهُمۡ یَرۡشُدُونَ }

[سُورَةُ البَقَرَةِ: ١٨٦]

ليلة 27 رمضان
فى أقل من تلت ساعات شفنا اتنين رجعو من الموت وعاشو قدام عينينا

الليلة دي جاتلنا حالتين
الاتنين witnessed cardiac arrest…
والاتنين علمونا يعني إيه أمل… ويعني إيه قدر.

الحالة الأولى:
عيان داخل علينا gasping… مفيش نبض…
كل حاجة بتقول إنه راح.

بس من التاريخ المرضي: chest pain
فقررنا ناخد القرار بسرعة…
DC shock فورًا.

ومن أول صعقة…
الراجل رجع!
رجع fully conscious… بيتكلم… عارف نفسه!

لحظة عمرك ما تنساها…
واحد كان مفيهوش حياة… ورجع يكلمك!
(وكان arrested بسبب STEMI… والـ ECG هيتوثق)

الحالة التانية:
نفس البداية… chest pain
لسه هنحط ECG…
الراجل arrested قدامنا.

بدأنا CPR…
والمرة دي الموضوع أصعب بكتير ومختلف خالص

أكتر من 60 دقيقة إنعاش
رقم مرعب… مجهد… مستنزف…

كل شوية يدخل VF
وأخد 7 DC shocks

بس الغريب…
إن كلنا حاسين إنه هيعيش!
حتى الـ corneal reflex كان بيدينا أمل.

لحد آخر صدمة…
وفجأة…
رجع النبض ❤️

أول لما حسيت النبض…
مكنتش مصدق…
حتى بقيت اقول زمايلي يحسوه معايا.
كلنا بنبص لبعض…
“عاش!”
كأننا جبنا جون في نهائي كاس العالم!

الـ ECG بعدها:
Massive anterior STEMI (
(V1–V6)
(Sharkfin sign )
(غالبًا LAD occlusion)

الاتنين راحوا قسطرة القلب…
والحمد لله ربنا كتب لهم حياة جديدة.

أنا فخور إني جزء من تيم
طوارئ وحالات حرجة – السيد جلال ❤️


وشكر كبير لأطباء الامتياز…
الجنود المجهولة
اللي بيشتغلوا بقلبهم قبل إيديهم.

الليالي دي…
بتفكرك إن ربنا قادر على كل شيء…
وإنك مهما تعبت…
ممكن تكون سبب في حياة إنسان.

د.أسامه يوسف

" إنَّ أمامَ الدَّجَّالِ سنينَ خدَّاعةً ، يُكَذَّبُ فيها الصادقُ ، ويصدَّقُ فيها الكاذبُ ، فيخَوَّنُ فيها الأمينُ ، ويؤتَمنُ فيها الخائنُ ، ويتَكَلَّمُ فيها الرُّوَيْبضةُ ، قيلَ: وما الرُّوَيْبضةُ ؟ قالَ الفوَيْسِقُ يتَكَلَّمُ في أمرِ العامَّةِ "


اللهم جنبنا الفتن ماظهر منها ومابطن

تعال أقولك على حاجة مهمة:
في وسط تعبك، وزهقك، وارهاقك متنساش ترحم المريض علشان ربنا يرحمك
هو ملوش ذنب في أي حاجة تعباك ومسببالك مشاكل

Dr_Mostafa_Salah

مع ختام شهر رمضان المبارك…
نسأل الله أن يتقبل منا ومنكم صالح الأعمال وأن يعيده علينا وعليكم باليُمن والخير والبركات 🤲

🌙 عيد فطر سعيد عليكم وعلى أحبابكم جعله الله عيد فرح وسعادة وملأ قلوبكم بالرضا والطمأنينة.

وكل عام وأنتم بخير 🌹

مفيش فرض كان ممكن اصليه فالمستشفى أو العياده وكسلت وقولت لنفسي هصليه لما اروح البيت وصليته فعلا !

الناس اللي للاسف التزامهم على قدهم زي حالاتي الشيطان سهل جدا يكسلهم في المواقف دي للاسف الشديد ، وبناءا على ذلك أي فرصه تجيلك تلحق تصلي الفرض اللي عليك صليه لانك غالبا لو أجلته لغايه ما تروح البيت مش هتصليه 💔

Copied

دور الddimer فالpulmonary embolism الاستبعاد وليس التأكيد بمعني ايه ؟!!! لو سلبي صعب جدا تكون pulmonary embolism ولو إيجابي ممكن تتطلع اة وممكن لا بردو فمحتاج اعمل bedside echo وCTPA.

د. أحمد أبوشنب

مطلوب من أي طبيب إنه يتعلم ويذاكر و يجتهد إنه يشخص المريض اللي جاله سواء في مكان حكومي أو خاص صح، ويكتب له العلاج الصحيح المناسب لحالته،
ويتمتى له الشفاء العاجل.
وان الطبيب لا يرهقه في فحوصات غير ضرورية، وألا يبيعه إلى مراكز الفحوصات أو ينتفع من وراء ذلك.

وبعد كده المريض يخف ويشفى أو لا يشفى، فده بإرادة الله وتقديره.
وممكن مريض يروح لطبيب واتنين وعشره وعشرين وبرضو ميخفش! وهذا لا يقدح في الطبيب.
وفيه دكتور كشفه ١٠٠ ج ودكتور ٥٠٠، ودكتور ١٠٠٠، ودكتور ٣٠٠٠ ج وده بيحدده كل واحد حسب سنه ودرجته العلمية والمكان اللي فاتح فيه... الخ.
ومفيش دكتور ربنا اعطاه كل العلم
ومفيش دكتور كل الناس بتخف عنده
والمريض مش ملزم اطلاقا ولا مجبر يروح لأي طبيب عيادته الخاصة إلا بكامل إرادته.
وجميع المستشفيات سواء الحكومية أو الخاصة تستقبل كل الناس.

والدكتور اللي قرر يفتح عيادة خاصة، زيه زي الموظف اللي قرر يفتح محل بعد ما يخلص شغله الحكومي عشان يحسن دخله وقرر يضحي بوقته، وبيته واولاده ويقلل تواجده معاهم مقابل عمل اضافي يحسن دخله.

وبرضو مفيش اي اضطرار لأي مريض يروح عند طبيب بعينه، لأن التخصص الواحد فيه منه ألف واحد
وممكن ربنا يجيب الشفاء على ايد اقرب طبيب ليك مع أقل تكلفة كشف لان الشافي هو الله وليس الطبيب..

الطبيب والدواء سبب فقط من ضمن أسباب الشفاء.
فقط توكلعلىالله وخذ بالأسباب، واسأل ربك الشفاء، وأكثر من الدعاء والاستغفار والصدقه يشفى مرضك بإذن ربك.

اسأل الله العظيم رب العرش الكريم أن يشفي كل مريض ويعافي كل مبتلى.

د.السيد إمام