للاطباء الجونيورز
سؤالنا كان ازاي تعمل confirmation لي حالة وفاة death .........؟!
لو حضرتك دكتور سواء كنت امتياز او ممارس عام في وحدة صحية للأسف هتقابل حالات الوفاة بصورة كبيرة وهيكون مطلوب منك تشخص الوفاة وتدي إذن بالدفن وبالتالي لازم تكون واخد بالك من كذا حاجة هتساعدك في تشخيص الحالات دي وكمان لازم تكون عارف كام ملاحظة كده تاخد بالك منها ....♥️
عشان اقدر اشخص حالة وفاة لازم اتأكد من كذا حاجة.........؟
1_No respiratory movement
لو حضرتك جيت تبص على حركة الصدر بتاعته هتلاقيها ثابتة مفيش حركة وبمعنى أصح مفيش دخول وخروج للهواء اصلاً .
2_No carotid pulse
لو جيت تحس النبض عند ال carotid هتلاقي مفيش اي نبض .
3_Dilated fixed pupil
لو جبت تورش او كشاف الموبايل وخليت الضوء ينزل على العين المفروض طبيعي يحصل ضيق في ال pupil لكن في حالة الوفاة مفيش اي استجابة هتلاقيها.
4_No corneal reflux
هتجيب قطنة وتحاول تلمس بيها الطبقة الشفافة من العين اللي هي ال cornea الطبيعي انها بيحصل منها reflex والعين تقفل لكن في حالات الوفاة مفيش اي reflux هيحصل .
5_No gag reflux
ومحدش بيعمله اصلاً
6_No heart sounds at apex by auscultation
لو جبت السماعة وحطيتها على ال apex of heart مش هسمع اي heart sounds .
دي كلها مش sure sign لي تشخيص حالة الوفاة ♥️
عشان تقدر تقول ان الحالة دي ماتت خلاص وتبقى تأكد منها لازم تلاقي sure sign اهمها
Rigor mortis
ودي عبارة عن حصول rigidity لي جسم الشخص بعد ٣ ساعات من الوفاة وبتكون علامة تأكيدية ♥️
ممكن علامة تانية بس للأسف مش هتشوفها كتير لأنها بتحتاج وقت على ما تظهر وهي
Discoloration of dependent point of body
ودي بتكون عبارة عن تجمع الدم وحصول له stagnation في المنطقة اللي المريض نايم عليها او حمل وزنه فيها يعني لو نايم على ضهره هتلاقي حصل فيها ال Discoloration ولو نايم على بطنه هتلاقي حصل فيه ال Discoloration ♥️
طيب ده كله على اعتبار ان ال brainstem مات طيب اتأكد ازاي اصلاً ان ال brainstem مات............؟!
هنعمل اختبار مهم جداً
وهو ال Caroli reflux Test ......؟!
هتجيب حقنة فيها ميه ساخنة او حقنه فيها ميه باردة وهتحط الميه دي في الأذن(ودنه) لو عينه اتحركت في اي اتجاه يبقى ده ال brainstem شغال وأبدأ اشتغل CPR على طول لو مفيش اي حركة في العين يبقى للأسف ال brainstem مات ومفيش اي سبيل ان يرجع للحياة مرة اخري .

Dr Ibrahim Mekawy

مفيش أي حاجة تستاهل انك تخلي زميلك يرجع بيتهم متضايق منك بسبب الشغل
مفيش مكسب هتكسبه لما يرجع مكشّر في وش أهله بسببك
العلاقات الإنسانية أهم مليون مرة من الشغل
اهتم بشغلك وخليك حريص انه يخلص صح وفي الوقت المناسب بس خد بالك من حياة ونفسية الاخرين
العمل جزء من الدُنيا اللي هي في الأساس مش دايمة

واهم حاجه إنك تكون ناجح وفاهم في شغلك كويس وزمايلك حابين الشغل معاك .

عيان ال DKA  يموت بايه ؟
لو سيبته واتاخر علي ما يجي يموت بال acidosis و dehydration او بالسبب الاصلي اللي دخله في DKA زي ان يكون وراه mi او serious infection
....
طيب لو جيت تعالجه يموت بايه ؟
يموت بحاجتين يجمعهم كلمة واحدة ...الانسولين
اول سبب ال hypokalemia
لو اديت انسولين من غير ما تعرف البوتاسيوم كام ولو حتي كان كويس لازم تفضل متابعه وتعوضه والا هيدخل في hypokalemia ويموت
تاني سبب ال cerbral edema
بردو الانسولين اللي مش محسوب و aggresive هتنزل السكر بسرعه (متنزلش اكتر من ٥٠ في الساعه ) هتلعب في ال osomlarity وتدخله في cerbral edema
.......
.....
اكبر خدمة تعملها لعيان ال DKA انك تعلق له ملح
وتسحب lab و ecg ..بس الملح اول حاجه (تاخد بالك بس لو cardiac يمشي بالراحة ) لحد ما دكتور العناية يجيلك
متلعبش بالانسولين لو مش عارف قواعد اللعبة
العيان مش هيموت من ال hyperglycemia اللي قلقاك
هيموت من الاستخدام الغلط للانسولين

✅ Diagnostic Criteria of Acute kidney injury
(KDIGO)

يتم تشخيص AKI إذا تحقق واحد على الأقل من الآتي:

1️⃣ ارتفاع في Serum Creatinine ≥ 0.3 mg/dL خلال 48 ساعة
(increase ≥ 0.3 mg/dL within 48 hours)

2️⃣ ارتفاع في Serum Creatinine إلى ≥ 1.5× baseline خلال 7 أيام
(increase to ≥ 1.5 times baseline within the prior 7 days)

3️⃣ انخفاض في urine output ≥ 0.5 mL/kg/hr لأكثر من 6 ساعات
(urine output < 0.5 mL/kg/hr for ≥ 6 hours)

⭐ ملاحظات سريعة (Clinical pearls)

AKI = diagnostic criteria, مش تشخيص نهائي → لازم تدور على السبب (prerenal / intrinsic / postrenal).

الرقم الأساسي للـ creatinine (baseline) مهم جدًا لتحديد stage.

Dr Ayman Morsy

"يا أمير المؤمنين، إِنَّ أقوامًا غرَّهم سترُ الله تعالى لهم، وفتنهم حسن ثناء الناس عليهم، فنسوا حقيقة أنفسهم، فلا يغْلِبنَّ جهلُ غيركَ بك معرفتَكَ بنفسك"
من نصح خالد بن صفوان لأمير المؤمنين عمر بن عبدالعزيز

العلم مصدر قوة واللغه الوحيدة اللي يفهمها كل البشر، ومفيش سقف للعلم طول ما أنت بتسعى بس أهم حاجة السعي في المكان والطريق الصح، بعيد عن المجتمعات اللي بتحتكر المعرفة وبتحبط المتعلمين وبتستخدم العلم وسيلة للسيطرة وكسر مجاديف أي حد بيحاول يبدع بوست قد ايه بسيط من سطر واحد ممكن يفتح باب أمل كبير لجيل كامل يحلم ويتعلم أكتر مهما كان تخصصه أو مجاله فعلًا وأن ليس للإنسان إلا ما سعى.

اوعى تبطل تتعلم

هو تحليل ال CBC ممكن يقولنا اي؟

13 معلومة ممكن تطلع بيها من تحليل ال CBC مع ال history وال clinical examination:

1)↓ Hb + ↓ MCV +↑ RDW + ↓ MCH 👉 iron deficiency anemia

2) ↓ MCV + ↓ MCH + Normal / ↑ RBC + normal RDW 👉 thalassaemia

3) ↓ Hb + Normal or ↓ MCV + Normal RDW 👉 anemia of chronic disease

4) ↓ Hb + ↑ MCV+ ↑ RDW + Hypersegmented neutrophils 👉 megaloblastic anemia

5) ↓ Hb + ↓ Hct + ↑ Reticulocytes + Normal / ↑ MCV 👉hemolytic anemia

6)↓ Hb + ↓ absolute neutrophil count + ↓ Platelets + ↓ reticulocyte count 👉 aplastic anemia

7) ↑ Hb + ↑ HCT + ↑ RBC+ ↑ WBCs (Leukocytosis) + ↑ platletes 👉 Polycythemia Vera

8) ↑ WBC (Leukocytosis) +↑ Neutrophils (Left shift) 👉Bacterial Infection

9) Normal / ↓ WBC (leukopenia) + ↑ Lymphocytes (lymphocytosis) 👉 Viral Infection

10) ↑ or low WBC (abnormal) + ↓Hb + ↓ Platelets + Blasts on smear👉Leukemia

11) eosinophilia+ leukocytosis + ↓Hb 👉 Parasitic Infection

12) Eosinophilia + leukocytosis + normal Hb👉 allergy/ asthma

13)↓ WBC +↓ Platelets + ↓ Hb+ ↓ RBCs 👉 Bone Marrow Suppression

د.آيه عبدالعليم

امتصاص الـ Vitamin B12 داخل الـ ileum مش هيتم إلا لما يرتبط بـ Intrinsic Factor اللي بيساعد على دخوله، ومن غيره مفيش امتصاص إطلاقًا

الدكاترة اللي بتبعتلي وهي محبطه وخايفة تذاكر علشان شايفه ان مفيش امل في السفر، ومعلش ياجماعة الرسايل عندي مليانه وفي ناس كتير مش قادر ارد عليها بسبب ظروف الشغل مع الصيام، بس في اجماع كبير اليومين دول ان انجلترا بتقفل وفيزا امريكا بقت صعبه والخليج بيولع، نعمل ايه يادكتور؟
يابني خلص امتحاناتك وامشي في طريقك عادي، كمل ملكش دعوة بأي ظروف سياسية، السياسة بتتغير مع الزمن، الشاطر اللي هيكون مخلص معادلته وامتحاناته ولما الفرصة تيجي بيبقي جاهز ولو طريق قفل شوف دول تانية زي استراليا ونيوزيلاندا، اقرأ ودور على شروط كل دولة ومتبقاش شخص عايش بثقافة "رد الفعل" خليك "فاعل في حياتك"ومتفكرش كتير في اللي مش في ايدك سيب الغيبيات على ربنا، اللي عليك حاول مره واتنين وتلاته وخلي عندك اصرار في اللي انت عايز توصله بس في نفس الوقت لازم يكون عندك مرونه في خططك للوصول لهدفك ده


Dr Mahmoud Khairy

من ساعة ما دخلت الكلية، وأنا جوايا حاجة معينة نفسي أحققها وأشوفها في نفسي!

نفسي أسيب بصمة كويسة!
بصمة كويسة لأي حد يقابلني، وفي حياة المرضى،
عايزة أبقى مختلفة، مش عايزة أخلي مريض يشتكي مني بأي شكل،
علاج المريض مهم جدا، بس الأهم إني أكون دكتورة سوية، أتقي ربنا في شغلي وفي كل اللي بعمله،
أكون رحيمة وقلبي طيب مع المرضى، أخاف عليهم.

بقعد أقول لنفسي، ربنا اداني أمانة كبيرة أوي وهي حياة الإنسان، ودي أمانة عظيمة، ف لازم أكون أد الأمانة دي، ودايما بدعي ربنا بكده.

والكلام ده حسيته لما حد غريب عرف إني في "كلية طب"
ولقيته بيقولي: خليكي دكتورة طيبة ورحيمة بالمرضى، ف فعلا أنا نفسي أكون كده!
وبدعي ربنا دايما إني أكون كده!💙

Copied

بمناسبه انكم عايزين تطلعو الفسيخ اللي عملتوه في رمضان عشان العيد 🤦


تسمم الفسيخ السم العصبي والشلل التام

♦️تسمم الفسيخ اللي بيسببه بكتيريا اسمها clostridium botulinum ودي بتطلع السم بتاعها ف الفسيخ او الرنجه او الاغذيه المعلبه
♦️Botulinum toxin which is the most potent biological toxin known.

♦️هو من اخطر السموم العصبيه الذي يؤثر علي نقل الاشارات العصبيه بين الاعصاب والعضلات . يعمل عن طريق تعطيل إطلاق الأسيتيل كولين*، وهو الناقل العصبي الأساسي الذي يساعد في نقل الإشارات العصبية من الأعصاب إلى العضلات مما يؤدي الي الشلل التام

♦️ اعراض تسمم الفسيخ بتكون اعراض شلل العضلات والتي تبدا بالعضلات الصغيره مثل عضلات الجفن والعين والبلع والكلام ثم تنتقل لعضلات التنفس وباقي اجزاء الجسم بالتدريج

♦️Bilateral descending paralysis
Starting by ptosis blurred vision dysartheria dysphagia daiphragmatic paralysis abdominal distension constipation
♦️دكاترة الطوارئ لو العيان جاي ب multiple times diarrhea ده غالبا مش تسمم فسيخ لان الفسيخ بيعمل
paralysis of intestinal muscles
فبيعمل انتفاخ وامساك
لو عيان جاي بabdominal distension
استبعد الفسيخ قبل مايدخل جراحه

♦️الفسيخ ممنوع تماما في الاطفال الرضع لانه بيكون اصعب ف التشخيص وكمان ممكن يتكون السم داخل جسمه لان السم بيتكون في بيئه قاعديه زي معده الاطفال عشان اللبن

♦️اطباء الاطفال لو طفل جاي بالاعراض دي لازم نستبعد الفسيخ وهي
constipation, difficulty feeding,abdominal distension , weak cry, muscle weakness and “floppy baby syndrome”.

ونسال الاهل ونتوقع انه ممكن يظهر بعد فتره طويله شويه ممكن لاسبوع بعد الاكل لان
Spores of cholstridium bacteria can germinate forming bacteria elaborate botulinum toxin in vivo
طبعا لازم التحويل لاقرب مركز سموم لاعطاء مضاد السم (botulinum antitoxin)

اللي بالمناسبه وصل تكلفته لاكتر من 700000

الناس اللي بتسال هو ممكن طفل اقل من سنتين حد ياكله فسيخ. ايوه بياكلوهم وعلي مايتشخص الحاله بتدهور والطفل للاسف بيموت 🤦

د نهاد حامد جاد
مدرس الطب الشرعي والسموم الاكلينيكيه
كلية الطب جامعة الاسكندريه

{ وَإِذَا سَأَلَكَ عِبَادِي عَنِّي فَإِنِّي قَرِیبٌۖ أُجِیبُ دَعۡوَةَ ٱلدَّاعِ إِذَا دَعَانِۖ فَلۡیَسۡتَجِیبُوا۟ لِي وَلۡیُؤۡمِنُوا۟ بِي لَعَلَّهُمۡ یَرۡشُدُونَ }

[سُورَةُ البَقَرَةِ: ١٨٦]

ليلة 27 رمضان
فى أقل من تلت ساعات شفنا اتنين رجعو من الموت وعاشو قدام عينينا

الليلة دي جاتلنا حالتين
الاتنين witnessed cardiac arrest…
والاتنين علمونا يعني إيه أمل… ويعني إيه قدر.

الحالة الأولى:
عيان داخل علينا gasping… مفيش نبض…
كل حاجة بتقول إنه راح.

بس من التاريخ المرضي: chest pain
فقررنا ناخد القرار بسرعة…
DC shock فورًا.

ومن أول صعقة…
الراجل رجع!
رجع fully conscious… بيتكلم… عارف نفسه!

لحظة عمرك ما تنساها…
واحد كان مفيهوش حياة… ورجع يكلمك!
(وكان arrested بسبب STEMI… والـ ECG هيتوثق)

الحالة التانية:
نفس البداية… chest pain
لسه هنحط ECG…
الراجل arrested قدامنا.

بدأنا CPR…
والمرة دي الموضوع أصعب بكتير ومختلف خالص

أكتر من 60 دقيقة إنعاش
رقم مرعب… مجهد… مستنزف…

كل شوية يدخل VF
وأخد 7 DC shocks

بس الغريب…
إن كلنا حاسين إنه هيعيش!
حتى الـ corneal reflex كان بيدينا أمل.

لحد آخر صدمة…
وفجأة…
رجع النبض ❤️

أول لما حسيت النبض…
مكنتش مصدق…
حتى بقيت اقول زمايلي يحسوه معايا.
كلنا بنبص لبعض…
“عاش!”
كأننا جبنا جون في نهائي كاس العالم!

الـ ECG بعدها:
Massive anterior STEMI (
(V1–V6)
(Sharkfin sign )
(غالبًا LAD occlusion)

الاتنين راحوا قسطرة القلب…
والحمد لله ربنا كتب لهم حياة جديدة.

أنا فخور إني جزء من تيم
طوارئ وحالات حرجة – السيد جلال ❤️


وشكر كبير لأطباء الامتياز…
الجنود المجهولة
اللي بيشتغلوا بقلبهم قبل إيديهم.

الليالي دي…
بتفكرك إن ربنا قادر على كل شيء…
وإنك مهما تعبت…
ممكن تكون سبب في حياة إنسان.

د.أسامه يوسف