‏"إنَّك لو جلستَ ألفَ عامٍ لإعداد الخطط
‏وألفًا ثانيةً لتدبير تفاصيل يومك ولحظاتك وما بينها
‏فإنّك تقف عاجزًا أمام تدبير الله لك
‏كم من مرّةٍ أهداكَ الحياة وسط الغرق
‏ولو كُنتَ على مركبٍ من ورق" ❤️

‏🚨أهم العلاجات لاضطرابات الكوليسترول و الدهون

‏كم متوقع نسبة نزول الكوليسترول الضار LDL ، الدهون الثلاثية و ارتفاع الكوليسترول النافع ؟!

‏🔹 الستاتين ( Statin ) :

‏_ الكوليسترول الضار : ⬇️ 20 – 60%
‏_ الكوليسترول النافع : ⬆️ 5 – 10%
‏_ الدهون الثلاثية : ⬇️ 10 – 33%

‏ملاحظة : النسبة تعتمد على الجرعة

‏🔹 إيزيتمايب (Ezetimibe) :

‏_ الكوليسترول الضار : ⬇️ 17%
‏_ الكوليسترول النافع : ⬆️ 1%
‏_ الدهون الثلاثية : ⬇️ 7 – 8%

‏🔹 فينوفايبريت (Fenofibrate ) :

‏_ الكوليسترول الضار : ⬇️ 6 – 20%
‏_ الكوليسترول النافع : ⬆️ 5 – 20%
‏_ الدهون الثلاثية : ⬇️ 41 – 53%

‏🔹 أوميجا 3 (Marine omega-3 fatty acids) :

‏_ الكوليسترول النافع : ⬆️ 5 – 9%
‏_ الدهون الثلاثية : ⬇️ 23 – 45%

‏♦️المصدر UpToDate

د.السيد المر

من الأشياء اللي بشوفها مُهلكة للنفس هي عبادة المزاج
اللي هو لما مزاجي يكون رايق خد مني بقى احلى شغل ومذاكرة وصلاة وعبادة وذكر
طاب ولو مزاج حضرتك متعكنن ؟

نشاطك وعملك اليومي لازم يكون مرتبط بتفانيك والتزامك وغير مرتبط بمزاجك دا خالص ...

النهارده كان أول شيفت ليا في العظام، وكنت داخل وأنا قلقان جدًا لأني قبل كده منزلتش عظام خالص.
لكن الحمد لله، ربنا كرمنا بدكتور فضل معانا طول الشيفت، مسبناش لحظة، وشرح لنا كل حاجة محتاجين نعرفها.
لدرجة إني بدأت أحس إني ممكن أحب العظام فعلًا وأنزل معاهم كتير 👌
وده من الحاجات القليلة اللي حصلت معانا في باقي الراوندات.
ربنا يكرم كل دكتور محترم بيراعي ضميره ومبيبخلش بعلمه 🤍
بجد فرق كبير بين دكتور بيعتبرك عدد، ودكتور بيعتبرك مسؤولية.

*️⃣ الكولشيسين في علاج تقرحات الفم المتكرره

⬛ يا ترا الكولشيسين نقرس ولا Ulcer ؟

⬛ ال Colchicine مش بس علاج نقرس، ده كمان بيشتغل كمضاد التهاب قوي جدًا
وبيأثر على خلايا ال Neutrophils
وبيوقفها قبل ما توصل لمكان الالتهاب وتعمل مشاكل.

⬛ أول استخدام: النقرس (Gout)

⬅️ في النقرس، بيترسب حمض اليوريك على شكل بلورات حوالين المفصل، الجسم يهاجمها فتعمل التهاب وألم فظيع.

🛑 هنا الكولشيسين يدخل بـ 3 ضربات:

1️⃣ يوقف حركة كرات الدم البيضاء (Neutrophils)

2️⃣ يمنع إفراز المواد الالتهاب (زي IL-1β)

3️⃣ يقلل التورم والألم بسرعة

⬛ الاستخدام التاني: تقرحات الفم (Aphthous Ulcers)

⬅️ خاصة لو متكررة ومتنساش موضوع لو متكرره دا.

⬅️ أو بسبب حالة مناعية زي متلازمة بهجت (Behçet's Syndrome).

🔳 التقرحات دي برضو ناتجة عن نشاط مناعي زايد واللي وراها بردو Neutrophils

⬅️ وزي ماقولنا Colchicine بيهدي المناعة ويمنع التقرحات تطلع من الأساس!

🛑 الخلاصة

⬛ نفس الدوا، نفس الآلية بس بيشتغل في مكان مختلف ومع سبب مختلف.

⬛ فخليك فاكر الكولشيسين للنقرس وال Ulcer

Dr Ibrahim Mekawy

‏لنا قومٌ لو أسقيناهم العسلَ المُصفَّى
‏ما ازدادوا فينا إلا بغضًا

‏ولنا قومٌ لو قطعناهم(إربًا)إربًا
‏ما ازدادوا فينا إلا حُبًا !
🤷
من قول سيدنا الإمام ‏علي بن أبي طالب رضي الله عنه

لو عندك مريض septic shock ف الرعاية واديته كل حاجة ومفيش اي تحسن 🤷‍♂️

فيه دراسة اتكلمت عن استخدام L-carnitine
الجرعات العالية منه اللي ممكن توصل ل 12 او 18 جرام كل 24 ساعة

انها آمنة وممكن فعلا تقلل ال Mortality ف بعض الحالات

دور ال L-carnitine انه هو الناقل الأساسي (Shuttle) اللي بياخد الأحماض الدهنية ويدخلها جوه الميتوكوندريا عشان تتحرق وتنتج طاقة (ATP).

في ال Sepsis بيحصل نقص في الكارنتين وزيادة في استهلاكه، فإعطاؤه بجرعات عالية هدفه إنقاذ الميتوكوندريا وتحسين التمثيل الغذائي للخلية.

خد بالك ان مش كل مريض Sepsis زي التاني وهينفع معاه العلاج ده , في مريض الميتوكوندريا بتاعته ميتة فعلاً ومحتاجة الكارنتين ده ك (Fuel) وفي مريض تاني المشكلة عنده في حتة تانية ف مش هيحصل اي استجابة او فرق .

ف هو هنا استخدامه Adjunctive Therapy (علاج تكميلي) بيتم اللجوء ليه في حالات ال Refractory Shock (لما ندي كل حاجة ومفيش تحسن).

مشكلته برده انه مش متوفر IV ف اغلب الاماكن لكن استخدامه مش هيضر .

Dr Mohamed Elbana

مريض عنده سبعين سنة أولاده جايين بيه الاستقبال خير يا جماعه ماله الحج ؟! والله يادكتور احنا مره واحده لقينا تصرفاته غريبه بنكلمه مش عارفنا كأنه غايب عن الوعي
يعني المريض جاي بتدهور في درجة الوعي
Acute Disturbed conscious level
تخيل بقي يطلع التشخيص بتاعه اي في الآخر؟!؟ جلطه في القلب 🙃
Acute MI in form of Ant .STEMI complicated by Complete Heart Block
تخيل مريض عنده جلطه في القلب وكل شكوته اضطراب في درجة الوعي 🤷
الامراض مبقتش تعتمد ال Typical presentation 😅

د. محمد السيد

كل سنه وحضراتكم طيبين بمناسبة شهر رمضان المبارك ❤️
عيان جايلك بي Vomiting وعاوز تديله علاج بعد ما تستبعد الأسباب
لازم تسأله سؤالين مهمين جداً
عندك إمساك؟ constipation
عندك اسهال؟ diarrhea
لو عنده ترجيع ومعاه اسهال اديله دانست Danset اللي هي مادة ال ondansetron
إنما لو ترجيع ومعاه إمساك Constipation اديله برامبران اللي هي مادة ال metochlopramide

د.احمد حافظ

نصيحة من اخ اكبر إلى أخواتي الصغار من الطلبة وشباب الأطباء:
لازم تكون دكتور شاطر ده مش option بالنسبة لك طالما دخلت كلية طب أصبح ده خيارك الوحيد لأنك ستؤتمن على اغلى شئ وهو الحياة

Dr Ahmed Mohsen

معلومه حلوة في رسم القلب بصراحه اول مره اخد بالي منها وانت بتحسب ال
Corrected QT interval

لو حسبت QTc وطلعت > 480 ms (خصوصًا في الرجال) أو > 470–480 في الستات
→ تعتبر Prolonged QT
ولو > 500 ms → خطر Torsades de Pointes عالي.
طيب اعرف السبب من شكل الـ ECG إزاي؟

1️⃣ Electrolyte disturbance
أشهرهم:
↓ K⁺
↓ Mg²⁺
↓ Ca²⁺
↓ Hypocalcemia
QT هتلاقي الى وكمان
ST segment طويله
الـ T wave شكلها طبيعي غالبًا
يعني تلاقي ST طويله قبل ما تيجي الـ T

2️⃣ Drug-induced
لو كان السبب أدوية class III)
زي:
Amiodarone
Sotalol
بعض المضادات الحيوية (Macrolides)
في الأدوية:
تلاقي T wave broad أو notched ومعاها بؤضوا QT طويله
مفيش U wave غالبًا

3️⃣ Congenital Long QT
لو:
مفيش أدوية
مفيش اضطراب أملاح
عنده Syncope
أو family history موت مفاجئ
الـ ECG غالبًا:
QT طويل واضح
T wave شكلها abnormal (ممكن تكون bifid أو notched)
أحيانًا T wave متأخرة جدًا
ساعات نوع الـ T wave يلمح للنوع:
LQT1 → T broad
LQT2 → T notched
LQT3 → ST طويل وبعده T ضيقة

Dr Abdelraheem Bakr

انا يدوبك فطرت يادكتور وحرقان على صدري وحاسس ان فيه....

سكتة_قلبية شاب ٣٧ سنه جه الطوارئ من شوية وقلبه واقف وعملنا إنعاش قلبي رئوي لمدة ساعة لكن لم يستجيب القلب وتوفي .
لما تسأل أهله ايه ال حصل ، يقولو بقاله يومين بيشتكي من حرقان في نص صدره ووجع في بطنه وراح الصيدلية اخد حقنتين ،
طبعاً الحرقان ده كان جلطة حادة بالقلب أدت إلي سكته قلبية نتيجة رجفان بطيني .
نصيحة لوجه الله لأي صيدلي : قبل ما تصرف العلاج اسأل المريض عن الشكوي ، لو جابلك سيرة أي وجع في الصدر أو حرقان في الصدر متديلوش علاج وقوله يروح اقرب مستشفي يعمل رسم قلب .

أي حد بيشتكي من وجع صدر أو حرقان في منطقة الصدر اوعي تقول دي حموضة أو ارتجاع مرئ إلا لما تروح تكشف قلب ويطمنك دكتور القلب .

ربنا يرحمه

Dr. Osama Ghanem

السلام عليكم ورحمة الله
تم اعتماد من EDA اول دواء لعلاج ال ADPKD (Polycystic Kidney) بماده فعاله Tolvaptan تحت إسم تجاري ال Davoltan ويوجد منه ٥ تركيزات
Davoltan 15 mg 10 tab
Davoltan 30 mg 10 tab
Davoltan 45 mg / 15 mg 28 tab from each
Davoltan 60 mg / 30 mg 28 tab from each
Davoltan 90 mg / 30 mg 28 tab from each
من شركه Hikma

Copied

دكتور الباطنة شعاره wait and see

دكتور الجراحة شعاره open and see

دكتور العنايه شعاره DC

دكتور النساء  شعاره D&C

دكتور العيون   شعاره CAN YOU SEE

دكتور امراض الدم    شعاره CBC

دكتور الطوارئ شعاره ABC


د. أحمد عبدالحافظ

مهم جدا في عيان ال hepatic لما يكون جاي ب DCL أننا قبل مانتسرع ونقول أنه hepatic encephalopathy
أننا نستبعد الأسباب التانيه اللي تعمل DCL
مرضي كتير اعتقدنا انهم HE وطلعوا hypoglycemia
واتحسن بشويه جلوكوز
ومرضي كتير اتحجزوا علي HE وطلع stroke
عشان كدا لازم نمشي systematic
احنا عندنا اسباب ال Coma ممكن نحصرها في
Neurological causes or
Metabolic causes
هنفرق بينهم
▶️history
Acute or chronic DCL
Past history of neurological disorders
History liver disease
History of renal disease , or CKD
Drugs history or organophosphorus poisoning

▶️By examination
Signs of lateralization
Vital signs ( BP, PULS , RR , Temp , saturation , RBG )
Oliguria
Sign of decompensated liver disease ( jundice, ascites , ll edema )
Chest examination ( crepitation, wheez , tachypnea, silant chest , cyanosis)
Shoced
Earthy look for kidney disease

▶️investigation
urea, creat
Electrolyte
ABG
CBC ,CRP
في ال neurological هنلاقي
Acute onset
Sign of lateralization
ودي هنعرفها من فحص ال
Muscle tone
Power
Babinski sign
ونعمل CT Brain
ال metabolic دي هتبان من ،ال
Vital signs
لو العيان feverish هنفكر في انفكشن وندور علي
UTI
chest infection
Bedsore
Infected Surgical wound
Miningitis
الموضوع أوسع من كدا بس دي حاجات مبدئيه مينفعش نغفل عنها .

د. إسلام نوار

- امبارح جت لي مريضه بتشتكي من اعراض جلطه في المخ ، ف بسأل ابنها هي بتشتكي من اي امراض مزمنه او حصلها مشاكل صحيه قبل كده و او بتاخد اي علاجات ؟ - عشان دي حاجه هنبني عليها قرار اننا ممكن ناخد علاجات خطيره ممكن تعملها نزيف -

= بمنتهي الثقه قالي لا يا دكتور دي كانت زي الفل

- ف انا شكل الست مش عاجبني كده قاعده علي كرسي متحرك و شايف في بتر في صوابع رجليها ف ده اكيد مش شكل واحده كانت زي الفل ..
- ف بسأله امال البتر اللي ف رجليها ده سببه ايه
= قالي ااه يا دكتور ما هي بتتعالج م السكر و عندها قدم سكري !!
- قولتله طب مش انا بسأل بتتعالج من اي حاجه قولتلي لأ ؟
= قالي ااه يا دكتور ما ده سكر يعني فكرته حاجه مش مهمه !!

المهم بعد مناهده اكتر من نص ساعه و علي نهاية التاريخ المرضي و الفحوصات اللي عملناها الست طلع عندها .. ضغط ، سكر بتاخدله انسولين ، غده ، ضعف في عضلة القلب ، رفرفه أذينيه علي القلب ، سرطان في اللسان ، و الست علي كرسي متحرك بقالها سنه و ابنها شايف ان كل دي حاجات بسيطه و ان الست زي التاكسي اهي .. و يرجع يقولك ايه اللي بيعصب الدكاتره 👊👊👊

د.أحمد هشام

الوقت مش هيستناك تفهم

هو هيعدي سواء كنت جاهز أو لأ

خليك دايماً جاهز

بتكح بقالك أكتر من 3 أسابيع؟ 😷
ممكن تكون علامة على مشكلة في القلب أو الرئة… مش مجرد برد!
دول اهم ٦ اسباب للكحه المزمنه.
1️⃣Post-nasal drip syndrome
حساسية أو التهاب الجيوب الأنفية → نزول إفرازات خلف الأنف.
2️⃣ Gastroesophageal reflux disease (GERD)
ارتجاع المريء يسبب تهيج في الحنجرة والكحة.
3️⃣ Asthma
خصوصًا Cough variant asthma اللي بيكون العرض الأساسي فيه كحة.
4️⃣ ACE inhibitors
أدوية الضغط مثل
Captopril و Enalapril.
5️⃣ Smoking
التدخين يسبب Chronic bronchitis وكحة مستمرة.
6️⃣ Interstitial lung disease (ILD)
أمراض التليف الرئوي.

د.عبدالرحيم

للاطباء الجونيورز
سؤالنا كان ازاي تعمل confirmation لي حالة وفاة death .........؟!
لو حضرتك دكتور سواء كنت امتياز او ممارس عام في وحدة صحية للأسف هتقابل حالات الوفاة بصورة كبيرة وهيكون مطلوب منك تشخص الوفاة وتدي إذن بالدفن وبالتالي لازم تكون واخد بالك من كذا حاجة هتساعدك في تشخيص الحالات دي وكمان لازم تكون عارف كام ملاحظة كده تاخد بالك منها ....♥️
عشان اقدر اشخص حالة وفاة لازم اتأكد من كذا حاجة.........؟
1_No respiratory movement
لو حضرتك جيت تبص على حركة الصدر بتاعته هتلاقيها ثابتة مفيش حركة وبمعنى أصح مفيش دخول وخروج للهواء اصلاً .
2_No carotid pulse
لو جيت تحس النبض عند ال carotid هتلاقي مفيش اي نبض .
3_Dilated fixed pupil
لو جبت تورش او كشاف الموبايل وخليت الضوء ينزل على العين المفروض طبيعي يحصل ضيق في ال pupil لكن في حالة الوفاة مفيش اي استجابة هتلاقيها.
4_No corneal reflux
هتجيب قطنة وتحاول تلمس بيها الطبقة الشفافة من العين اللي هي ال cornea الطبيعي انها بيحصل منها reflex والعين تقفل لكن في حالات الوفاة مفيش اي reflux هيحصل .
5_No gag reflux
ومحدش بيعمله اصلاً
6_No heart sounds at apex by auscultation
لو جبت السماعة وحطيتها على ال apex of heart مش هسمع اي heart sounds .
دي كلها مش sure sign لي تشخيص حالة الوفاة ♥️
عشان تقدر تقول ان الحالة دي ماتت خلاص وتبقى تأكد منها لازم تلاقي sure sign اهمها
Rigor mortis
ودي عبارة عن حصول rigidity لي جسم الشخص بعد ٣ ساعات من الوفاة وبتكون علامة تأكيدية ♥️
ممكن علامة تانية بس للأسف مش هتشوفها كتير لأنها بتحتاج وقت على ما تظهر وهي
Discoloration of dependent point of body
ودي بتكون عبارة عن تجمع الدم وحصول له stagnation في المنطقة اللي المريض نايم عليها او حمل وزنه فيها يعني لو نايم على ضهره هتلاقي حصل فيها ال Discoloration ولو نايم على بطنه هتلاقي حصل فيه ال Discoloration ♥️
طيب ده كله على اعتبار ان ال brainstem مات طيب اتأكد ازاي اصلاً ان ال brainstem مات............؟!
هنعمل اختبار مهم جداً
وهو ال Caroli reflux Test ......؟!
هتجيب حقنة فيها ميه ساخنة او حقنه فيها ميه باردة وهتحط الميه دي في الأذن(ودنه) لو عينه اتحركت في اي اتجاه يبقى ده ال brainstem شغال وأبدأ اشتغل CPR على طول لو مفيش اي حركة في العين يبقى للأسف ال brainstem مات ومفيش اي سبيل ان يرجع للحياة مرة اخري .

Dr Ibrahim Mekawy